فۋتبولدان ەۋروپا چەمپيوناتىنىڭ فينالدىق ساتىسىنىڭ توپتىق كەزەڭٸ مەرەسٸنە جەتتٸ. جارىستىڭ 1/8 فينالىنا شىققان قۇرامالار تولىق بەلگٸلٸ بولدى, دەپ حابارلايدى "ۇلت اقپارات".
توپتىق كەزەڭدەگٸ سوڭعى ويىن كٷنٸندە E جەنە F توبىنداعى قۇرامالار شەبەرلٸك بايقاستى.
E توبىندا العاشقى ەكٸ تۋردا نەبەرٸ ەكٸ ۇپايدى قاناعات تۇتقان يسپانييا ٷشٸنشٸ تۋردا سلوۆاكييانى 5:0 ەسەبٸمەن تاس-تالقان ەتٸپ جەڭدٸ. الدىمەن 30-مينۋتتا سلوۆاكييالىق مارتين دۋبراۆكا ٶزٸنٸڭ قاقپاسىنا گول سوعىپ السا, ودان كەيٸن يسپانييا ساپىنان ەمەريك لاپورت 45-مينۋتتا ەسەپتٸ ٷستەمەلەي تٷستٸ. ال ولاردىڭ قاتارىنان پابلو سارابييا 56, فەرران توررەس 67-مينۋتتا مەرگەندٸك تانىتسا, 71-مينۋتتا سلوۆاكييالىق يۋراي كۋتسكا تاعى بٸر اۆتوگولدىڭ اۆتورى اتاندى.
اتالعان توپتاعى شۆەتسييا مەن پولشا كەزدەسۋٸندە دە بەس سوعىلدى. ويىن بارىسىندا شۆەتسييالىق ەميل فورسبەرگ 2, 59-مينۋتتاردا دەلدٸك كٶرسەتسە, 61, 84-مينۋتتاردا پولشالىق روبەرت لەۆاندوۆسكي ەكٸ گول سوقتى. شۆەتسيياعا جەڭٸس الىپ كەلگەن دوپتى 93-مينۋتتا ۆيكتور كلاسسون ٶزٸنٸڭ ەنشٸسٸنە جازدى. وسىلايشا ولار قارسىلاسىن 3:2 ەسەبٸمەن تٸزە بٷكتٸردٸ. بۇل توپتا 7 ۇپايمەن شۆەتسييا كٶش باستاسا, ەكٸنشٸ ورىن 5 ۇپايى بار يسپانيياعا بۇيىردى.
F توبىندا دا پلەي- وفف ساتىسىنا تارتىستى بەسەكە جٷردٸ. جانكٷيەرلەر الدىمەن پورتۋگالييا مەن فرانتسييا كەزدەسۋٸنە كٶز تٸكتٸ. كەزدەسۋ بارىسىندا قوس قۇراما قاقپاسىنا ٷش پەنالتي بەلگٸلەنٸپ, ولاردىڭ بارلىعى تولىقتاي ورىندالدى. پورتۋگالييالىق كريشتيانۋ رونالدۋ 30, 60-مينۋتتاردا پەنالتيدەن مٷلت كەتكەن جوق. وسىلايشا ول قۇراما ساپىندا ٶزٸنٸڭ 109-گولىن سوعىپ, ەلەمدٸك رەكوردتا ٶزگەرٸس ەنگٸزدٸ. بۇدان بۇرىن مۇنداي كٶرسەتكٸش يراندىق الي داەيدٸڭ ەنشٸسٸنە جازىلعان بولاتىن.
ال فرانتسييا قۇرامىنان كاريم بەنزەما 45-مينۋتتا سونداي مٷمكٸندٸكتٸ پايدالانسا, 47-مينۋتتا ويىن بارىسىنان گول سوعىپ كەتتٸ.
ويىندا 2:2 ەسەبٸ تٸركەلٸپ, قوس قۇراما دا پلەي-وفف ساتىسىنا جولداما الدى.
اتالعان توپتاعى تاعى بٸر كەزدەسۋدە ۆەنگرييا قۇراماسى گەرمانيياعا قارسى جٸگەرلٸ ويىن كٶرسەتتٸ. ولاردىڭ قاتارىنان ادام سالاي 11-مينۋتتا ەسەپ اشسا, نەمٸس فۋتبولشىسى كاي حاۆەرتس 66-مينۋتتا تارازى باسىن تەڭەستٸرگەن ەدٸ. دەگەنمەن 68-مينۋتتا اندراش شەفەر قايتادان ۆەنگرييانى العا شىعاردى. ال 84-مينۋتتا نەمٸس فۋتبولشىسى لەون گورەتسكا تاعى دا ەسەپتٸ تەڭەستٸردٸ. ويىندا 2:2 ەسەبٸمەن تەڭ تٷستٸ. گەرمانييا ەكٸنشٸ ورىن الىپ, پلەي-وفف ساتىسىنا شىقتى.
جارىستىڭ 1/8 فينالىندا ۋەلس پەن دانييا, يتالييا مەن اۆسترييا, نيدەرلاندى مەن چەحييا, بەلگييا مەن پورتۋگالييا, حورۆاتييا مەن يسپانييا, فرانتسييا مەن شۆەيتسارييا, انگلييا مەن گەرمانييا, شۆەتسييا مەن ۋكراينا كەزدەسەتٸن بولدى.
ەندٸ 1/8 فينال ويىندارى 26-29 ماۋسىم كٷندەرٸ ٶتكٸزٸلەدٸ.
ويىندار دٷبٸرلٸ دودا تاريحىندا تۇڭعىش رەت ەۋروپانىڭ 10 مەملەكەتٸندە ورنالاسقان 11 ستاديوندا ٶتۋدە. بۇل ەۋروپا چەمپيوناتىنىڭ 60 جىلدىق مەرەيتويىنا وراي ۇيىمداستىرىلعان.
فۋتبولدان ەۋروپا چەمپيوناتى 11 ماۋسىمدا باستالدى, ول 11 شٸلدەدە مەرەسٸنە جەتەدٸ.
