بٷگٸن فۋتبولدان ەۋروپا چەمپيوناتىنىڭ العاشقى جارتىلاي فينالىندا انگلييا مەن دانييا قۇرامالارى كەزدەسەدٸ, دەپ حابارلايدى "ۇلت اقپارات".
ەكٸ قۇراما بۇعان دەيٸن 21 مەرتە كەزدەستٸ. ونىڭ 12-دە اعىلشىندار جەڭٸسكە جەتٸپ, 4-دە دانييالىقتار باسىم تٷسسە, قالعانىندا تەڭ نەتيجە تٸركەلدٸ.
ايتا كەتەرلٸگٸ, سوڭعى ەكٸ كەزدەسۋدە انگلييا اتالعان قارسىلاسىن جەڭە الماي كەلەدٸ. 2020/21 جىلعى ۇلتتار ليگاسىندا ولار سىرت الاڭدا 0:0 ەسەبٸمەن تەڭ تٷسسە, ٶز الاڭىندا 1:2 ەسەبٸمەن جول بەرٸپ قويدى.
اتالعان ماتچ انگلييانىڭ لوندون قالاسىنداعى «ۋەمبلي» ستاديونىندا ٶتكٸزٸلەدٸ.
ويىندا نيدەرلاندىلىق دانني ماككەلي باس قازى قىزمەتٸن اتقارادى. وعان وتانداستارى حەسسەل ستەگسترا مەن يان دە ۆريس كٶمەكشٸلٸك جاسايدى. قوسالقى تٶرەشٸ - رۋمىنييالىق وۆيديۋ حاتسەگان.
ويىن ەلوردا ۋاقىتىمەن 23.50-دە باستالىپ, «Qazaqstan» جەنە «Qazsport» تەلەارنالارىنان تٸكەلەي ەفيردە كٶرسەتٸلەدٸ.
