بٷگٸن فۋتبولدان ەۋروپا چەمپيوناتى شيرەك فينالىندا ەكٸ ويىن ٶتكٸزٸلەدٸ, دەپ حابارلايدى "ۇلت اقپارات".
شيرەك فينال ويىندارى 2 جەنە 3 شٸلدە كٷندەرٸنە بەلگٸلەنگەن. بٷگٸن – ەكٸ, ەرتەڭ ەكٸ جۇپ ٶزارا شەبەرلٸك بايقاسادى.
جارىستىڭ اتالعان ساتىسىندا العاشقى كەزدەسۋ شۆەيتسارييا مەن يسپانييا قۇرامالارى اراسىندا بولادى. ويىن ەلوردا ۋاقىتىمەن 21.50-دە باستالىپ, «Qazaqstan» مەن «Qazsport» تەلەارنالارىنان تٸكەلەي ەفيردە كٶرسەتٸلەدٸ.
كەزدەسۋ رەسەيدٸڭ سانكت-پەتەربۋرگ قالاسىنداعى «گازپروم-ارەنا» ستاديونىندا ٶتكٸزٸلەدٸ. ويىندا انگلييالىق مايكل وليۆەر باس قازى قىزمەتٸن اتقارادى.
ەكٸ قۇراما بۇعان دەيٸن 24 مەرتە كەزدەستٸ. ونىڭ 18-دە يسپانييا باسىم تٷسٸپ, 1-دە شۆەيتسارييا جەڭسە, قالعانىندا تەڭ ەسەپ تٸركەلدٸ. 2010 جىلدىڭ 16 ماۋسىمىندا ەلەم چەمپيوناتى فينالدىق ساتىسىندا شۆەيتسارييا اتالعان قارسىلاسىنان 1:0 ەسەبٸمەن جەڭٸلگەن بولاتىن.
ەسكە سالساق, جارىستىڭ 1/8 فينالىندا يسپانييا حورۆاتييانى, شۆەيتسارييا فرانتسييانى ورتا جولدا قالدىرىپ كەتتٸ.
بٷگٸنگٸ تاعى بٸر كەزدەسۋدە بەلگييا مەن يتالييا قۇرامالارى جاسىل الاڭعا شىعادى. ويىن ەلوردا ۋاقىتىمەن 00.50-دە باستالىپ, «Qazaqstan» تەلەارناسىنان تٸكەلەي ەفيردە كٶرسەتٸلەدٸ.
ويىن گەرمانييانىڭ ميۋنحەن قالاسىنداعى «اليانتس-ارەنا» ستاديونىندا ٶتكٸزٸلٸپ, وندا سلوۆەنييالىق سلاۆكو ۆينچيچ باس تٶرەشٸ قىزمەتٸن اتقارادى.
ەكٸ قۇراما بۇعان دەيٸن 22 مەرتە كەزدەستٸ. ونىڭ 4-دە بەلگييا باسىم تٷسٸپ, 14-دە يتالييا جەڭسە, قالعانىندا تەڭ ەسەپ تٸركەلدٸ. سوڭعى رەت بەلگييا يتالييانى 2015 جىلدىڭ 13 قاراشاسىندا جولداستىق كەزدەسۋدە 3:1 ەسەبٸمەن جەڭگەن بولاتىن.
سونداي-اق, جارىستىڭ اتالعان ساتىسىندا 3 شٸلدەدە چەحييا مەن دانييا, ۋكراينا مەن انگلييا قۇرامالارى كەزدەسەدٸ.
ايتا كەتەيٸك, 1/8 فينالدا بەلگييا پورتۋگالييانى, يتالييا اۆسترييانى ورتا جولدا قالدىرىپ كەتتٸ.
