بٷگٸن فۋتبولدان 2020 جىلعى ەۋروپا چەمپيوناتىنىڭ فينالدىق كەزەڭٸندەگٸ ەكٸنشٸ ويىن كٷنٸن رەسەي جەنە بەلگييا قۇرامالارى تٷيٸندەدٸ, دەپ حابارلايدى "ۇلت اقپارات".
اتالعان ماتچ رەسەيدٸڭ سانكت-پەتەربۋرگ قالاسىندا ٶتتٸ.
ويىن بارىسىندا قوس قۇرامانىڭ الما-كەزەك شابۋىلى كٶزگە تٷستٸ. دەسە دە بەلگييالىق قۇرامانىڭ باسىمدىعى اڭعارىلىپ تۇردى.
بەلگييالىق قۇراما ساپىنان رومەلۋ لۋكاكۋ 10-مينۋتتا ەسەپ اشسا, 34-مينۋتتا توما ميونە ەسەپتٸ ٷستەمەلەي تٷستٸ.
ەكٸنشٸ كەزەڭدە رەسەيلٸك فۋتبولشىلار العا قاراي ۇمتىلدى. وعان بەلگييالىقتار ٶز دەڭگەيٸندە قارسىلىق كٶرسەتتٸ. كەيبٸر سەتتەردە ولار دا باسىمدىعىن ارتتىردى. رومەلو لۋكاكۋ 88-مينۋتتا تاعى بٸر مەرتە مەرگەندٸك تانىتىپ, كەزدەسۋدٸڭ نٷكتەسٸن قويدى. وسىلايشا بەلگييا قارسىلاسىنان 3:0 ەسەبٸمەن باسىم تٷستٸ.
ەسكە سالساق, ەكٸ قۇراما ۆ توبىندا سىنعا تٷسەدٸ. اتالعان توپتا فينلياندييا دانييادان 1:0 ەسەبٸمەن باسىم تٷسكەنٸن بۇعان دەيٸن جازعان بولاتىنبىز.
بۇل توپتاعى كەلەسٸ كەزدەسۋ 16 جەنە 17 ماۋسىم كٷندەرٸ ٶتكٸزٸلەدٸ. الدىمەن 16 ماۋسىمدا فينلياندييا مەن رەسەي جاسىل الاڭعا شىقسا, 17 ماۋسىمدا دانييا مەن بەلگييا كٷش بايقاسادى.
بيىلعى بٸرٸنشٸلٸكتە بارلىعى 24 قۇراما سىنعا تٷسەدٸ. ەربٸر توپتان ٷزدٸك ەكٸ كوماندا مەن كٶرسەتكٸشٸ جوعارى تٶرت قۇراما جارىستى جالعاستىرۋعا مٷمكٸندٸك الادى. ويىندار دٷبٸرلٸ دودا تاريحىندا تۇڭعىش رەت ەۋروپانىڭ 10 مەملەكەتٸندە ورنالاسقان 11 ستاديوندا بولادى. بۇل ەۋروپا چەمپيوناتىنىڭ 60 جىلدىق مەرەيتويىنا وراي ۇيىمداستىرىلعان.
فۋتبولدان ەۋروپا چەمپيوناتى 11 ماۋسىمدا باستالدى, 11 شٸلدەدە مەرەسٸنە جەتەدٸ.
