ەۋروپا وداعى اقش-تىڭ تاياۋ شىعىستاعى جاعدايدى رەتتەۋ جوسپارىن قولدامادى. وداق ٶكٸلدەرٸ قاجەت بولسا يزرايلدٸڭ پالەستينا جەرٸن ەرٸ قاراي جاۋلاپ الۋ جوسپارىنا قارسى داۋ ايتاتىنىن جەتكٸزدٸ. پرەزيدەنت دونالد ترامپ تاياۋ شىعىسقا بايلانىستى جوسپارىن ٶتكەن اپتادا تانىستىرعان.
ەۋروپا وداعىنىڭ سىرتقى ٸستەر جەنە قاۋٸپسٸزدٸك ساياسات جٶنٸندەگٸ جوعارعى ٶكٸلٸ جوزەپ بوررەل ەۋرووداق "يزرايل مەن تەۋەلسٸز, دەموكراتييالىق, تۇراقتى پالەستينا مەملەكەتٸنٸڭ قاتار ٶمٸر سٷرۋٸنە" قاتىستى ۇستانىمىن ٶزگەرتپەيدٸ دەدٸ.
"امەريكا داۋىسى" سايتىنىڭ جازۋىنشا, ترامپ ۇسىنعان جوسپاردا پالەستينا مەملەكەتٸن قۇرۋ مەسەلەسٸ قاراستىرىلسا دا, پالەستينالىقتاردىڭ قاراپايىم تالاپتارى ەسكەرٸلمەگەن. ال يزرايلدٸڭ سوڭعى ونداعان جىلدار بويى تالاپ ەتٸپ كەلگەن ۇسىنىستارىنىڭ بارلىعىن ورىنداۋدى كٶزدەيدٸ.
جوزەپ بوررەلدٸڭ پٸكٸرٸنشە, يزرايلدٸڭ پالەستينا اۋماعىن اننەكسييالاپ الۋ تالپىنىسى "جاۋاپسىز قالمايدى". بوررەل بەيبٸتشٸلٸكتٸ ساقتاۋ ٷشٸن پالەستيندٸك شەكارانى بەكٸتٸپ, يەرۋساليمنٸڭ مەرتەبەسٸن انىقتاپ الۋ كەرەك دەدٸ.
پالەستينا اۆتونوميياسىنىڭ جەتەكشٸسٸ ماحمۋد ابباس ترامپتىڭ ۇسىنىسىن "مەن-ماعىناسىز" جوسپار دەپ سىناعان. پارسى شىعاناعى ەلدەرٸ "ٷستٸرت" باستاما دەپ اتادى.
بريۋسسەلدە وداق ٶكٸلدەرٸ ترامپتىڭ 2017 جىلعى يەرۋساليمدٸ يزرايل استاناسى دەپ تانۋ تۋرالى شەشٸمٸن سىناپ, بۇل اقش-تىڭ بەيبٸت پروتسەستە دەلدال بولۋ رٶلٸنە نۇقسان كەلتٸرەدٸ دەدٸ.
