8 سەۋٸردە ەۋرووداق ەكونوميكاعا ىقپالىن ازايتۋ ٷشٸن كوروناۆيرۋسقا بايلانىستى ەنگٸزٸلگەن كارانتيندٸك شارالاردى بٸرتٸندەپ ازايتۋ مەسەلەسٸن تالقىلايدى. ەۋروپا كوميسسيياسىنىڭ پرەزيدەنتٸ ۋرسۋلا فون دەر لەيەن سەرسەنبٸ كٷنٸ كوميسسييا مٷشەلەرٸمەن تەلەكونفەرەنتسييا ٶتكٸزەدٸ.
وداق مٷشەلەرٸ پاندەمييانىڭ تٷرلٸ كەزەڭٸن باستان ٶتكەرٸپ جاتىر. كەيبٸر ٷكٸمەت ەكونوميكاعا ىقپالىن ازايتۋ ٷشٸن شەكتەۋ شارالارىن جۇمسارتۋدى قولدايدى. اۆسترييا, دانييا, سلوۆەنييا كەلەسٸ اپتادان باستاپ بٸرتٸندەپ شەكتەۋ شارالارىن ازايتاتىنىن حابارلادى. بٸراق ازاماتتارعا قول الىسپاۋعا, توپتاسىپ جٷرمەۋگە كەڭەس بەرٸلگەن. الايدا وداقتىڭ ٶزگە مٷشەلەرٸ شەكتەۋ شارالارىن ازايتسا, ۆيرۋس بۇدان دا جىلدام تاراپ, مەسەلە باقىلاۋدان شىعا ما دەپ قاۋٸپتەنەدٸ.
وداق اۋماعىندا كوروناۆيرۋستان 51 مىڭ ادام كٶز جۇمعان. ۆيرۋستان يتالييا, يسپانييا, فرانتسييا قاتتى زارداپ شەككەن.
