قر سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى ولجاس بەكتەنوۆ ورتالىق ازييا بويىنشا ارنايى ٶكٸل تەري حاكال باستاعان ەۋرووداق دەلەگاتسيياسىمەن كەزدەستٸ, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
"كەزدەسۋ بارىسىندا انتيكور باسشىسى 2022-2026 جىلدارعا ارنالعان سىبايلاس جەمقورلىققا قارسى ساياسات تۇجىرىمداماسىنىڭ نەگٸزگٸ باعىتتارىمەن تانىستىردى. سونداي-اق, تاراپتار زاڭسىز بايۋ ٷشٸن زاڭنامالىق جاۋاپكەرشٸلٸكتٸ ەنگٸزۋ جەنە كٸرٸستەر مەن شىعىستاردى جالپىعا بٸردەي دەكلاراتسييالاۋ مەسەلەلەرٸن تالقىلادى. بيزنەستٸ قورعاۋ مەسەلەلەرٸ دە سٶز بولدى.
ەۋروپالىق ەرٸپتەستەر ەلدٸڭ سىبايلاس جەمقورلىققا قارسى ساياساتىنىڭ ەكپٸنٸن وڭ باعالاپ, گرەكونىڭ حالىقارالىق سىبايلاس جەمقورلىققا قارسى ستاندارتتارى مەن وزىق تەجٸريبەلەرٸنە سەيكەستٸگٸنە ۇمتىلىسىن اتاپ ٶتتٸ.
دامۋدىڭ ماڭىزدى ۆەكتورى قازاقستاننىڭ سىبايلاس جەمقورلىق ٷشٸن قىلمىستىق جاۋاپكەرشٸلٸك تۋرالى ەۋروپا كەڭەسٸنٸڭ كونۆەنتسيياسىنا قوسىلۋعا دايىندىعى اتاپ ٶتٸلدٸ" - دەلٸنگەن حابارلامادا.
ەستەرٸڭٸزگە سالا كەتەيٸك, تيٸستٸ شاقىرۋ وسى جىلدىڭ 1 شٸلدەسٸندە كەلٸپ تٷستٸ.
«اگەنتتٸكتٸڭ ەۋروپالىق سەرٸكتەستەرمەن ٶزارا ٸس-قيمىل مەسەلەلەرٸندە اشىقتىعى مەن دايىندىعىن ەرەكشە اتاپ ٶتكٸم كەلەدٸ. بٸز ٶز تاراپىمىزدان قازاقستاننان ەۋروپاعا شىعارىلعان اكتيۆتەردٸ قايتارۋ تۋرالى سۇرانىستارعا قولداۋ كٶرسەتۋگە دايىنبىز», - دەدٸ ت. حاكالا.
پٸكٸرتالاستىڭ جەكە تاقىرىبى قاڭتار وقيعالارىنا بايلانىستى ازاپتاۋ تۋرالى مەلٸمدەمەلەرگە قاتىستى ٸستەردٸ تەرگەۋ بولدى.
«قازٸرگٸ ۋاقىتتا 171 ٸس اياقتالدى. 177 ٸس بويىنشا تەرگەۋ جالعاسۋدا. ستامبۋل حاتتاماسىنىڭ بارلىق تالاپتارى ساقتالىپ جاتىر», - دەدٸ بەكتەنوۆ.
