استانادا Euronews حالىقارالىق جاڭالىقتار ارناسىنىڭ قازاق تٸلٸندە اقپارات تاراتۋىنا وراي رەسمي تانىستىرىلىم ٶتتٸ, دەپ حابارلايدى ult.kz.
قازاق تٸلٸ Euronews ارناسىندا تۇراقتى حابار تاراتىلاتىن 14 تٸلدٸڭ قاتارىنا قوسىلدى. بۇل – ورتالىق ازييا حالىقتارىنىڭ تٸلدەرٸ اراسىندا العاش رەت جٷزەگە اسقان باستاما.
تانىستىرىلىمعا قازاقستان رەسپۋبليكاسى مەدەنيەت جەنە اقپارات بٸرٸنشٸ ۆيتسە-مينيسترٸ قانات ىسقاقوۆ, Euronews ديرەكتورلار كەڭەسٸنٸڭ تٶراعاسى پەدرو ۆارگاس داۆيد جەنە Euronews اگەنتتٸگٸنٸڭ استاناداعى بيۋرو جەتەكشٸسٸ بويان بركيچ قاتىستى.
ٸس-شارا بارىسىندا مەدەنيەت جەنە اقپارات بٸرٸنشٸ ۆيتسە-مينيسترٸ قانات ىسقاقوۆ بۇل جوبانىڭ مەملەكەتتٸك تٸلدٸڭ قولدانىس اياسىن كەڭەيتۋگە, وتاندىق اقپارات كەڭٸستٸگٸن دامىتۋعا جەنە قازاقتٸلدٸ اۋديتورييانىڭ حالىقارالىق ساپالى اقپارات تۇتىنۋىنا ىقپال ەتەتٸنٸن اتاپ ٶتتٸ.
«Euronews تەلەارناسىنىڭ قازاق تٸلٸندەگٸ اقپارات تاراتا باستاۋى – ەلٸمٸزدٸڭ اقپارات كەڭٸستٸگٸ ٷشٸن ايتۋلى وقيعا. ەلەمدەگٸ جەتەكشٸ حالىقارالىق جاڭالىقتار ارنالارىنىڭ بٸرٸ العاش رەت قازاقستاننىڭ مەملەكەتتٸك تٸلٸندە حالىقارالىق جاڭالىقتاردى تۇراقتى تٷردە ۇسىناتىن بولادى», – دەدٸ قانات ىسقاقوۆ.
ٶز كەزەگٸندە Euronews ديرەكتورلار كەڭەسٸنٸڭ تٶراعاسى پەدرو ۆارگاس داۆيد قازاق تٸلٸندەگٸ جاڭالىقتاردىڭ ٸسكە قوسىلۋى ارنانىڭ كٶپتٸلدٸ حابار تاراتۋ اياسىن كەڭەيتۋگە جەنە ەلەمنٸڭ ەر تٷكپٸرٸندەگٸ اۋديتوريياعا تەۋەلسٸز حالىقارالىق اقپاراتقا ەركٸن قول جەتكٸزۋٸنە باعىتتالعان ۇستانىمىنىڭ ايقىن كٶرٸنٸسٸ ەكەنٸن ايتتى.
«قازاقستان – ورتالىق ازيياداعى نەگٸزگٸ سەرٸكتەستەرٸمٸزدٸڭ بٸرٸ. وسى جوبانى جٷزەگە اسىرۋعا كٶرسەتكەن قولداۋى ٷشٸن قازاقستان رەسپۋبليكاسىنىڭ ٷكٸمەتٸنە العىسىمىزدى بٸلدٸرەمٸز. ەكٸجاقتى ەرٸپتەستٸگٸمٸز الداعى ۋاقىتتا دا تابىستى جالعاساتىنىنا سەنٸمدٸمٸن», – دەدٸ پەدرو ۆارگاس داۆيد.
جوبا كەزەڭ-كەزەڭٸمەن جٷزەگە اسىرىلادى. العاشقى كەزەڭدە قازاق تٸلٸندەگٸ جاڭالىقتار جۇمىس كٷندەرٸ Euronews-تٸڭ YouTube ارناسىندا جارييالانىپ تۇرادى. الداعى ۋاقىتتا قازاق تٸلٸندەگٸ جاڭالىقتار ٶزگە دە مەدياپلاتفورمالاردا, ونىڭ ٸشٸندە تەلەەفيردە دە كەزەڭ-كەزەڭٸمەن كٶرەرمەنگە جول تارتادى.
سونداي-اق Euronews حالىقارالىق جاڭالىقتارىنىڭ شامامەن 90 پايىزى قازاق تٸلٸنە بەيٸمدەلٸپ ۇسىنىلادى.
سونىمەن قاتار 6-8 شٸلدە ارالىعىندا استانادا Euronews-تٸڭ ازييا ەلدەرٸندەگٸ رەداكتسييالارىنىڭ العاشقى ٶڭٸرلٸك سەمينارى ٶتٸپ جاتىر. قاتىسۋشىلار ٶڭٸرلٸك رەداكتسييالار اراسىنداعى ەرٸپتەستٸكتٸ نىعايتۋ, كەسٸبي تەجٸريبە الماسۋ جەنە Euronews جەلٸسٸنٸڭ ازيياداعى جۇمىس اياسىن كەڭەيتۋ مەسەلەلەرٸن تالقىلاۋعا باس قوستى.
ەسكە سالايىق, Euronews-تٸڭ استاناداعى كەڭسەسٸ 2024 جىلدىڭ كٷزٸندە جۇمىسىن باستادى. بٷگٸندە ول حالىقارالىق تەلەارنانىڭ جەرگٸلٸكتٸ باعدارلامالارىن ەزٸرلەيتٸن ەرٸ ەلەمنٸڭ تٷكپٸر-تٷكپٸرٸنە تاراتىلاتىن ٶڭٸرلٸك كونتەنتتٸ دايىندايتىن ماڭىزدى ورتالىقتىڭ قىزمەتٸن اتقارىپ كەلەدٸ.
