چەحيياداعى تەمەلين اتوم ەلەكتر ستانتسيياسى
ەۆروكوميسسييا گاز جەنە اتوم قۋاتىن بەلگٸلٸ بٸر جاعدايدا "جاسىل ەنەرگييا" دەپ ساناۋدى ۇسىنادى. قۇجات جوباسى ەۋروپا وداعىنا مٷشە ەلدەرگە جولداندى, - دەپ حابارلايدى گەرمانييالىق dpa اگەنتتٸگٸ مەن Financial Times باسىلىمى.
وداقتىڭ ۇزاقمەرزٸمدٸ قارجىلاندىرۋ باعدارلاماسى اياسىندا جاسالعان بۇل ۇسىنىس قىزۋ تارتىس تۋعىزادى دەپ بولجايدى dpa. ەۋروپا وداعى ەلدەرٸندە ەنەرگييانىڭ بۇل تٷرلەرٸنە دەگەن كٶزقارا ەرتٷرلٸ.
گاز ەنەرگيياسىن قولدايتىندار ونىڭ كٶمٸرگە قاراعاندا تازاراق ەكەنٸن ايتسا, اتوم ەنەرگيياسىن جاقتايتىندار ول كٶمٸرقىشقىل گازىن بٶلمەيدٸ دەگەن ۋەجدٸ العا تارتادى.
ۇسىنىسقا قاراعاندا, 2030 جىلدان كەيٸن سالىنعان جاعدايدا تابيعي گاز تۇتىناتىن ەلەكتر ستانتسييالارىنىڭ جۇمىسى پارنيك گازىن شىعارۋعا بايلانىستى قاتاڭ شەكتەۋلٸ بولماق. اتوم جوبالارى, ەگەر ستانتسييا قۇرىلىسىنا رۇقسات 2045 جىلعا دەيٸن الىناتىن بولسا, جاسىل ەنەرگييا دەپ سانالماق.
ال قارسى تاراپتىڭ ٶز ۋەجٸ بار. ولار گازبەن جۇمىس ٸستەيتٸن ستانتسييالاردى "تازا" دەۋگە كەلمەيتٸنٸن, ال اتوم ەنەرگيياسىنىڭ قاۋٸپتٸ قالدىعىن جويۋعا تۋرا كەلەتٸنٸن جەنە اپات بولۋ قاتەرٸ بارىن ەسكەرتەدٸ.
اتوم ەنەرگيياسىنا قارسىلاردىڭ بٸرٸ – گەرمانييا. ەۋروپا وداعىنداعى ەكونوميكاسى جاعىنان بەرٸنەن الدا تۇرعان بۇل ەلدە 31 جەلتوقساندا التى اتوم ەلەكتر ستانيياسىنىڭ ٷشەۋٸ جابىلدى. قالعان ٷشەۋٸن بيىلعى جىلدىڭ اياعىنا دەيٸن جابۋ جوسپارى بار.
ال ەكونوميكاسى بويىنشا ەكٸنشٸ ورىندا تۇرعان فرانتسييا ەلەكتر قۋاتىنىڭ 70 پايىزىن اتوم ەلەكتر ستانتسييالارىندا ٶندٸرەدٸ. بۇعان دەيٸن 20 جىلداي بۇرىن جاڭا اەس-تٸ ٸسكە قوسقان بۇل ەل تاعى دا سونداي نىسان سالۋدى جوسپارلاپ وتىر.
ەگەر ەۋروپا وداعىنا مٷشە ەلدەردٸڭ جارتىسىنان كٶبٸ, ياعني 27 ٷكٸمەتتٸڭ كەمٸندە 20-سى, باسقاشا ايتقاندا, وداق حالقىنىڭ كەمٸندە 65 پايىزى, نەمەسە ەۋروپارلامەنتتٸڭ 705 دەپۋتاتىنىڭ 353-ٸ قارسى بولسا, ەۋروكوميسسييا ۇسىنىسى قابىلدانباۋى مٷمكٸن.
ال قازاقستاندا بيلٸك ٶكٸلدەرٸ اتوم ەلەكتر ستانتسيياسىن سالۋ جايلى جيٸ ايتىپ جٷر. شەنەۋنٸكتەر ونىڭ سەبەبٸن ەلدە ەلەكتر قۋاتى تاپشىلىعى سەزٸلٸپ وتىرعانىمەن تٷسٸندٸرەدٸ.
