ورتالىق ازييانىڭ گٷلدەنۋٸ ەۋروپا ٷشٸن ماڭىزدى. بۇل تۋرالى «ەۋروپالىق وداق – ورتالىق ازييا» ەكونوميكالىق فورۋمىندا ەۋروپالىق كوميسسييانىڭ تٶراعاسى ۋرسۋلا فون دەر ليايەن ايتتى, دەپ حابارلايدى قازاقپارات.
«تەۋەلسٸزدٸك العاننان بەرگٸ 30 جىل ٸشٸندە ورتالىق ازييا ەلدەرٸنٸڭ ەكونوميكاسى تۇراقتى نەگٸزدە ٶسٸپ كەلدٸ. الايدا كۆي پاندەميياسى بارشامىزعا بٸرشاما كەدەرگٸ كەلتٸرگەنٸ انىق. بٸزدٸڭ ىنتىماقتاستىق ەكونوميكالارىمىزدىڭ ٸلگەرٸلەۋٸن قايتا جانداندىرا الادى. وسى باعىتتاعى قادامدار ۇزاق مەرزٸمدٸ پەرسپەكتيۆادا ورتالىق ازييا ەلدەرٸنٸڭ ەكونوميكاسىن قۋاتتى, تۇراقتى ەتە الادى. بٸز ەۋروپادا دا وسى باعىتتا ۇمتىلىس جاساپ كەلەمٸز. وسى ورايدا ەكونوميكامىزدى ٶزگەرتۋ ٷشٸن قالپىنا كەلتٸرۋ جوسپارىمىزعا قوماقتى قاراجاتتى سالىپ جاتىرمىز. سونىمەن قاتار, تازا ەنەرگەتيكاعا كٶشۋدٸ جىلدامداتىپ كەلەمٸز. تسيفرلىق ينفراقۇرىلىمعا ماماندار مەن كومپانييالاردى كٶپتەپ جۇمىلدىرىپ جاتىرمىز», - دەدٸ ۋرسۋلا فون دەر ليايەن.
ول بٷگٸنگٸ فورۋمدا ەكولوگييالىق قالپىنا كەلتٸرۋ, تسيفرلاندىرۋ, قولايلى ٸسكەرلٸك كليمات سەكٸلدٸ ٷش نەگٸزگٸ پۋنكتٸگە ەكپٸن قويىلىپ وتىرعانىن ەسكە سالدى.
«وسى سالالاردا ورتالىق ازيياداعى ەلدەرگە تىعىز ىنتىماقتاستىقتى ۇسىنىپ وتىرمىز. بۇل باعىتتاعى مەسەلەلەردٸ شەشۋگە بارشامىز مٷددەلٸمٸز. كليماتتىڭ ٶزگەرۋٸ ورتالىق ازيياعا ٶز ىقپالىن تيگٸزٸپ جاتىر. بيىل بولعان قۇرعاقشىلىق ەگٸس القاپتارىنا, جانۋارلارعا زالال كەلتٸرٸپ, سۋ قويمالارىن قۇرعاتتى. دەگەنمەن ورتالىق ازييا جاڭارتىلعان ەنەرگييا كٶزدەرٸنٸڭ وسىعان دەيٸن پايدالانىلماي كەلگەن ەلەۋلٸ ەلەۋەتٸنە يە. ينۆەستيتسييالار دۇرىس باعىتتا جٷرگٸزٸلسە, وندا وسى ٶڭٸردٸڭ كٶمٸر مەن ٶزگە دە وتىن تٷرلەرٸنە دەگەن تەۋەلدٸلٸگٸ تٶمەندەي تٷسەدٸ. وسى ورايدا جوعارى ساپالى جۇمىس ورىندارى قۇرىلىپ, اۋانى تازارتۋعا جول اشىلادى», - دەدٸ ول.
بۇل رەتتە ول ەو مەن ورتالىق ازييا ٶڭٸرٸن بٸرلەسە جۇمىس ٸستەۋگە شاقىردى.
«ورتالىق ازييانىڭ گٷلدەنۋٸ ەۋروپا ٷشٸن ماڭىزدى. بٸزدٸڭ سەرٸكتەستٸك ٶڭٸر حالىقتارى ٷشٸن شىن مەنٸندە ماڭىزعا يە بولا الادى», - دەدٸ ۋرسۋلا فون دەر ليايەن.
