سانكت-پەتەربۋرگتە III ەۋرازييالىق ەيەلدەر فورۋمى جۇمىسىن باستادى. 110 ەلدەن كەلگەن دەلەگاتتار قاتىساتىن اۋقىمدى ٸس-شارا تٶرت جىلدا بٸر رەت ٶتكٸزٸلەدٸ, دەپ حابارلايدى قازاقپارات ەيەلدەر ٸستەرٸ جەنە وتباسىلىق-دەموگرافييالىق ساياسات جٶنٸندەگٸ ۇلتتىق كوميسسييانىڭ باسپاسٶز قىزمەتٸنە سٸلتەمە جاساپ.
ديالوگ الاڭدارىندا ەيەلدەردٸڭ ساياسات پەن بيزنەستەگٸ كٶشباسشىلىعى, جاڭا تەحنولوگييالار مەن يننوۆاتسييالاردى دامىتۋ, ەكولوگييا, دەنساۋلىق ساقتاۋ, مەدەنيەت جەنە سپورت, ەرٸكتٸلەر قوزعالىسى جەنە باسقا دا سالالارداعى مەسەلەلەرٸ تالقىلانادى.
فورۋمنىڭ ماڭىزدى ٸس – شارالارىنىڭ ٸشٸندە - «ەيەلدەر جيىرماسىنىڭ» كٶشپەلٸ وتىرىسى, ٶنەركەسٸپتٸك دامۋ بويىنشا بۇۇ سەسسيياسى, دٷنيەجٷزٸلٸك بانك, بريكس ەلدەرٸنٸڭ ٸسكەر ەيەلدەر اليانسى بار. فورۋم جۇمىسىنا قازاقستاندىق دەلەگاتسييا قاتىسۋدا.
فورۋمنىڭ اشىلۋى - پلەنارلىق وتىرىسىندا رەسەي فەدەراتسيياسىنىڭ پرەزيدەنتٸ ۆلاديمير پۋتيننٸڭ قاتىسۋىمەن قازاقستان رەسپۋبليكاسى پرەزيدەنتٸنٸڭ جانىنداعى ەيەلدەر ٸستەرٸ جەنە وتباسىلىق-دەموگرافييالىق ساياسات جٶنٸندەگٸ ۇلتتىق كوميسسييانىڭ تٶرايىمى لاززات رامازانوۆا سٶز سٶيلەدٸ. ول حالىقارالىق ٸس-شاراعا قاتىسۋشىلاردى ەيەلدەردٸڭ ٶمٸر سٷرۋ ساپاسىن ارتتىرۋعا جەنە قۇقىقتارى مەن مٷمكٸندٸكتەرٸن كەڭەيتۋگە باعىتتالعان ەلٸمٸزدە جٷرگٸزٸلٸپ جاتقان رەفورمالارمەن تانىستىردى.
«بٷگٸندە ەلەم ەلدەرٸ جاھاندىق جەنە ٶڭٸرلٸك سىن-تەگەۋرٸندەردەن تۋىنداعان جالپى پروبلەمالار مەن كەدەرگٸلەرگە تاپ بولۋدا. ولاردى ەڭسەرۋگە ەۋرازييالىق گەندەرلٸك اعارتۋ ورتالىعىن قۇرۋ ىقپال ەتەتٸن بولادى, ول ٷشٸن بٸز ەيەلدەردٸڭ قۇقىقتارى مەن مٷمكٸندٸكتەرٸن كەڭەيتۋ سالاسىندا وزىق تەجٸريبەمەن الماسۋ ٷشٸن الماتىدا قۇرىلاتىن ورتالىق ازييا ٶڭٸرلٸك بٸلٸم ورتالىعىنىڭ الاڭىن ۇسىنۋعا دايىنبىز. ورتالىقتىڭ نەگٸزٸندە بٸز ەلارالىق گەندەرلٸك زەرتتەۋلەر ينستيتۋتىن قۇرۋدى ۇسىنامىز. ونىڭ ميسسيياسى جاڭا ەكونوميكالىق, ەلەۋمەتتٸك, ەكولوگييالىق سىن-تەگەۋرٸندەر مەن تەۋەكەلدەردٸڭ گەندەرلٸك دامۋ دەڭگەيٸنە ەسەرٸن بارىنشا ازايتۋ بويىنشا ۇلتتىق ٷكٸمەتتەرگە ارنالعان ۇسىنىمداردى بولجاۋ, باعالاۋ جەنە ەزٸرلەۋ بولىپ تابىلادى», - دەپ ۇسىندى لاززات رامازانوۆا.
اۋعانستانداعى جاعدايعا الاڭداۋشىلىقتى ەسكەرە وتىرىپ, بەيبٸتشٸلٸك پەن قاۋٸپسٸزدٸكتٸ قامتاماسىز ەتۋدە ەيەلدەردٸڭ كٷش-جٸگەرٸن بٸرٸكتٸرۋ ۇسىنىلدى.
فورۋم اياسىندا بۇۇ-ەيەلدەر ۇيىمداستىرعان «ەيەلدەر كەسٸپكەرلٸگٸ اقىلدى ەكونوميكانىڭ نەگٸزٸ رەتٸندە: تۇراقتى جەنە تەڭ شەشٸم» پانەلدٸك سەسسيياسىندا سٶز سٶيلەگەن لاززات رامازانوۆا ەيەلدەردٸڭ مەملەكەتتەردٸڭ ەكونوميكالىق ٶسۋٸندەگٸ باستى رٶلٸن اتاپ ٶتتٸ.
«پاندەمييادان تۋىنداعان جاھاندىق داعدارىسقا قاراماستان, مەملەكەت قابىلداعان كەشەندٸ شارالاردىڭ ارقاسىندا قازاقستاندىق ەيەلدەردٸڭ ەكونوميكالىق بەلسەندٸلٸگٸنٸڭ ٶسۋٸ بايقالادى. ەلٸمٸزدٸڭ ەربٸر ٶڭٸرٸندە ەيەلدەر كەسٸپكەرلٸگٸن قولداۋ جٶنٸندەگٸ رەسۋرستىق ورتالىقتار قۇرىلۋدا. مەملەكەتتٸك باعدارلامالار ارقىلى ەيەلدەردٸڭ جۇمىسپەن قامتىلۋىنا كٶمەك كٶرسەتٸلەدٸ», - دەپ اتاپ ٶتتٸ لاززات رامازانوۆا.
پارلامەنت سەناتىنىڭ دەپۋتاتى, ۇلتتىق كوميسسييا تٶراعاسىنىڭ ورىنباسارى لەززات سٷلەيمەن مەملەكەت باسشىسى باستاماشىلىق ەتكەن پارلامەنتتٸك رەفورمالار, «بەيبٸتشٸلٸك پەن سەنٸم ديپلوماتيياسىن دامىتۋداعى ەيەلدەر ميسسيياسى» پارلامەنتارالىق ديالوگىندا جەرگٸلٸكتٸ ٶكٸلدٸ ورگاندارداعى ەيەلدەردٸڭ ٶكٸلدٸگٸ تۋرالى سٶز سٶيلەدٸ.
فورۋم بارىسىندا بۇۇ-ەيەلدەر ەۋروپا جەنە ورتالىق ازييا بويىنشا ٶڭٸرلٸك كەڭسەسٸنٸڭ باسشىسى ا.ەل-ياسيرمەن ەكٸجاقتى كەزدەسۋ ٶتكٸزٸلٸپ, وندا ەيەلدەردٸڭ قۇقىقتارى مەن مٷمكٸندٸكتەرٸن كەڭەيتۋ جٶنٸندەگٸ ٸس-قيمىل جوسپارىن ەزٸرلەۋ جەنە ٸسكە اسىرۋداعى ىنتىماقتاستىقتىڭ ستراتەگييالىق مەسەلەلەرٸ تالقىلاندى.
