فوتو: Gov.kz
اگرارلىق سالاعا كٶرسەتٸلگەن مەملەكەتتٸك قولداۋ مەن اتقارىلىپ جاتقان جۇمىستاردىڭ نەتيجەسٸندە تٷركٸستان وبلىسىندا مال شارۋاشىلىعى تۇراقتى دامۋ ٷستٸندە. ەلٸمٸزدەگٸ ٸرٸ قارا مال سانىنىڭ 13 پايىزى, قويدىڭ 22 پايىزى, جىلقىنىڭ 11 پايىزى, تٷيەنٸڭ 19 پايىزى, ٶندٸرٸلگەن ەتتٸڭ 11 پايىزى, سٷتتٸڭ 13 پايىزى ٶڭٸردٸڭ ٷلەسٸندە, دەپ حابارلايدى «ۇلت اقپارات».
وبلىستىق ەكٸمدٸكتٸڭ باسپاسٶز قىزمەتٸنٸڭ مەلٸمەتٸنشە, بٷگٸنگٸ تاڭدا وبلىستا 1 ملن. 120 مىڭ باس ٸرٸ قارا مال, 5 ملن. 34 مىڭ باس قوي, 474,7 مىڭ باس جىلقى, 43,9 مىڭ باس تٷيە, 2 ملن. 167 مىڭ باس قۇس بار.
وبلىستا 7 ايدا 112,8 مىڭ توننا ەت, 280,2 مىڭ توننا سٷت, 143,6 ملن. دانا جۇمىرتقا ٶندٸرٸلدٸ. ەت ەكسپورتى بويىنشا تٷركٸستان ٶڭٸرٸ رەسپۋبليكادا كٶش باسىندا. ەكسپورتقا شىعارىلاتىن ٸرٸ قارا مال ەتٸنٸڭ 80%, قوي ەتٸنٸڭ 75% وبلىستىڭ ەنشٸسٸندە. بيىلعى 7 ايدا 6,9 مىڭ توننا ٸقم, 4,7 مىڭ توننا قوي ەتٸ ەكسپورتقا شىعارىلدى.
مال شارۋاشىلىعى ٶنٸمدەرٸنٸڭ ەكسپورتتىق كٶلەمٸن ۇلعايتۋدا ٶڭٸردە بورداقىلاۋ الاڭدارى مەن كەشەندەرٸن جٷيەلٸ دامىتۋ وڭ سەپتٸگٸن تيگٸزٸپ وتىر. وبلىستا جالپى 9183 ٸرٸ قارا مال بورداقىلاۋ الاڭى بار. ونىڭ ٸشٸندە, 400 باستان - 1000 باسقا دەيٸن 13 بٸرلٸك, 1000 باستان جوعارى 22 بٸرلٸك مال بورداقىلاۋ الاڭىندا 35 مىڭ باس ٸقم بورداقىلانۋدا.
ەت ەكسپورتىن ارتتىرۋدا سايرام اۋدانى كەسٸپكەرلەرٸنٸڭ جۇمىسىن ەرەكشە اتاپ ٶتۋگە بولادى. اتاپ ايتقاندا, 8 ايدا «تۇران اگرو ەت-سٷت» اشٶك-ٸ 3500 توننا سيىر ەتٸن جەنە 1560 توننا قوي ەتٸن ٶزبەكستان ەلٸنە ەكسپورتتاسا, «قايىپ اتا» جشس 2 945 توننا سيىر ەتٸن جەنە 12 توننا قوي ەتٸن ٶزبەكستانعا, 118 توننا قوي ەتٸن يرانعا ەكسپورتتادى. «قايىپ اتا» جشس تەجٸكستانمەن 110 توننا ەت ەكسپورتتاۋ بويىنشا كەلٸسٸمشارت جاسادى. ەكسپورت وسى ايدان باستاپ جٷزەگە اسىرىلادى.
رەسپۋبليكالىق دەلەگاتسييانىڭ اۆسترالييا ەلٸنە جاساعان ٸسساپارى قورىتىندىسىمەن جالپى قۇنى 55,2 ملرد. تەڭگەگە 5 ٸرٸ ينۆەستيتسيالىق جوبانى جٷزەگە اسىرۋ كٶزدەلۋدە. سونىڭ ٸشٸندە «قايىپ اتا» جشس 3 ٸرٸ ينۆەستيتسييالىق جوبانى جٷزەگە اسىرماق.
اتاپ ايتقاندا, 2025 جىلى ارىس قالاسىندا 25 مىڭ ٸقم باسىنا ارنالعان بورداقىلاۋ كەشەنٸ ٸسكە قوسىلادى. ال 2025-2026 جىلدارى سايرام اۋدانىندا «1500 باسقا ارنالعان ٸرٸ قارا مالدى سويۋ جەنە ٶڭدەۋ» جوباسى مەن «مال ساتۋ بيرجاسى» جوباسى جٷزەگە اسىرىلادى.
