استانادا جول اپاتىنان مەرت بولعان ولجاس سٷلەيمەنوۆتٸڭ نەمەرەسٸ - ەسكەندٸر سٷلەيمەنوۆتٸڭ اناسى ۇلىنا قاتىستى سوتتان تەك ەدٸل ٷكٸم كٷتەتٸنٸن ايتتى, دەپ حابارلايدى قازاقپارات تٸلشٸسٸ.
«ٶزٸمٸز جايلى پٸكٸرلەردٸ وقىپ وتىرساق, كەيبٸر ادامدار «قازٸر بۇلار مٸنەكەي, ۇلدارىنىڭ قۇنىن ايتىپ جاتىر» دەگەن سٶزدەر كەزدەسٸپ قالادى. ولاي ەمەس! ەشقانداي شىعىننىڭ ٶتەلگەنٸن قالامايمىز. سۋديا بٸزگە «ماتەريالدىق شىعىندى ايتىڭىزدار» دەگەننەن كەيٸن عانا وسىلاي دەدٸك. ەگەر ولاي بولسا, بٸزگە ەشقانداي ماتەريالدىق شىعىندى ٶتەۋدٸڭ قاجەتٸ جوق. بٸزگە تەك ەدٸلەتتٸ ٷكٸم كەرەك. ول (ايىپتالۋشى مۇحيتوۆا - اۆت.) جول جٷرۋ ەرەجەسٸن بۇزعانى ٷشٸن لايىقتى جازاسىن السىن دەيمٸز. بولدى!», - دەدٸ بٷگٸنگٸ سوت وتىرىسىنان كەيٸن تٸلشٸلەرگە بەرگەن سۇحباتىندا مارقۇم ەسكەندٸر سٷلەيمەنوۆتٸڭ اناسى لەيلا سٷلەيمەنوۆا.
ەسكە سالا كەتسەك, وسى جىلدىڭ ماۋسىمىندا استاناداعى جول اپاتىندا ولجاس سٷلەيمەنوۆتٸڭ 26 جاستاعى نەمەرەسٸ ەسكەندٸر سٷلەيمەنوۆ مەرت بولعان ەدٸ. ەسكەندٸر تٸزگٸندەگەن موتوتسيكل قيىلىسقا شىققان كٶلٸككە سوعىلدى.
ارادا كٶپ ٶتپەي استانا قالالىق ٸشكٸ ٸستەر دەپارتامەنتٸ اپاتقا سەبەپكەر بولۋى مٷمكٸن Hyundai اۆتوكٶلٸگٸنٸڭ يەسٸ, 29 جاستاعى استانالىق كەلٸنشەككە قاتىستى تەرگەۋ امالدارى جٷرٸپ جاتقانىن حابارلاعان ەدٸ.
سونداي-اق, قالالىق پوليتسييا دەپارتامەنتٸ ەسكەندٸر سٷلەيمەنوۆتٸڭ موتوتسيكلى سوعىلعان جٷرگٸزۋشٸ قىزىلوردا وبلىستىق ٸشكٸ ٸستەر دەپارتامەنتٸ باستىعىنىڭ قىزى ەكەنٸن راستاعان.
ايتا كەتسەك, 12 قازاندا ولجاس سٷلەيمەنوۆتٸڭ نەمەرەسٸنٸڭ ٶلٸمٸنە قاتىستى سوت پروتسەسٸ باستالىپ, ەسكەندٸر سٷلەيمەنوۆ قازا تاپقان جول اپاتى بويىنشا سوتتالۋشى ماليكا مۇحيتوۆا مارقۇمنىڭ اتا-اناسىنان كەشٸرٸم سۇراعان ەدٸ.
ال بٷگٸنگٸ سوت وتىرىسىندا ەسكەندٸر سٷلەيمەنوۆتٸڭ تۋىستارى 14 ملن تەڭگە كٶلەمٸندە ٶتەماقى تالاپ ەتتٸ.
