اقمولا وبلىسىندا 18 جاستاعى ستۋدەنت قىزدار سينتەتيكالىق ەسٸرتكٸ تاراتتى دەگەن كٷدٸكپەن ۇستالدى, دەپ حابارلايدى قازاقپارات Polisia.kz سايتىنا سٸلتەمە جاساپ.
«رەفلەكس» جەدەل الدىن الۋ ٸس-شاراسى كەزٸندە سينتەتيكالىق ەسٸرتكٸلەردٸ جاسىرۋمەن اينالىساتىن كوللەدج ستۋدەنتتەرٸ ۇستالدى. ولار بۇل ٸستٸ قوسىمشا جۇمىس ٸزدەپ جٷرٸپ, ينتەرنەتتەگٸ حابارلاندىرۋ ارقىلى تاپقان. حابارلاندىرۋدا اسحانادا ٸستەيتٸن جۇمىس كٶرسەتٸلگەن. وندا تابىس كٷنٸنە 30 مىڭ تەڭگەگە دەيٸن جەتەتٸندٸگٸ ايتىلعان. الايدا حات الماسۋ بارىسىندا قىزدار بۇل ٸستٸڭ ەسٸرتكٸمەن باينالىستى ەكەنٸن تٷسٸنەدٸ. سوعان قاراماستان, ۇسىنىستان باس تارتپاعان.
««رەفلەكس» رەسپۋبليكالىق جەدەل-الدىن الۋ ٸس-شاراسى اياسىندا كٶكشەتاۋ قالاسىنىڭ اۋماعىندا «وقجەتپەس» ستاديونىنىڭ جانىندا سينتەتيكالىق ەسٸرتكٸ زاتتارىن جاسىرۋمەن اينالىساتىن 2 ستۋدەنت قىز ۇستالدى. ولاردان ەسٸرتكٸنٸڭ 95 تٷيٸنشەگٸ تەركٸلەندٸ», – دەدٸ اقمولا وبلىستىق پوليتسييا دەپارتامەنتٸ ەسٸرتكٸ قىلمىسىنا قارسى كٷرەس باسقارماسىنىڭ باستىعى مەيرام جاپباسوۆ.
اقمولا وبلىسى پوليتسييا دەپارتامەنتٸ باستىعىنىڭ ورىنباسارى ەرلان قاسىم مەلٸم ەتكەندەي, جوعارى سىنىپ وقۋشىلارى مەن ستۋدەنتتەر مۇنداي حابارلاندىرۋلارعا جيٸ جاۋاپ بەرەدٸ جەنە ولاردىڭ اراسىندا بۇل ٸستٸ تاستاماي, ارتىنان تەمٸر تورعا تٷسەتٸندەر دە بار.
جەدەل قىزمەتكەرلەردٸڭ ايتۋىنشا, قىزدار بٸرلەسٸپ جۇمىس ٸستەگەن. بٸرٸ ەسٸرتكٸنٸ جاسىرسا, ەكٸنشٸسٸ ونىڭ قايدا جاسىرىلعانىن تٷسٸرٸپ, تاپسىرىس بەرۋشٸمەن حات الماسىپ وتىرعان.
تٸنتۋ كەزٸندە 18 جاستاعى ستۋدەنت قىزدان ۇنتاقتى, بەلگٸلٸ بٸر يٸسٸ بار, اق جەنە كٶك تٷستٸ زات سالىنعان 34 تٷيٸنشەك تەركٸلەندٸ. ال ويىنشىق قونجىقتان وسىنداي زات سالىنعان 60 تٷيٸنشەك تابىلدى.
«قازٸرگٸ ۋاقىتتا اتالعان فاكتٸ بويىنشا قر قك-نٸڭ 296-بابى 2-بٶلٸگٸمەن ساراپتاما تاعايىندالدى, ونىڭ نەتيجەلەرٸ بويىنشا ٸس قر قك-نٸڭ 297-بابى 3-بٶلٸگٸمەن قايتا سارالاناتىن بولادى. وسى باپ بويىنشا 15 جىلعا دەيٸن باس بوستاندىعىنان ايىرۋ جازاسى قاراستىرىلعان», – دەپ اتاپ ٶتتٸ مەيرام جاپباسوۆ.
جىل باسىنان بەرٸ اقمولا وبلىسىندا ەسٸرتكٸ جاسىرۋمەن اينالىسىپ كەلگەن 12 ادام ۇستالدى, ولاردىڭ ٷشەۋٸ – كەمەلەتكە تولماعاندار. زاڭسىز اينالىمنان جارتى كەلٸدەن استام سينتەتيكالىق ەسٸرتكٸ تەركٸلەندٸ.
