فوتو: ۆيدەودان الىنعان كادر
اقمولا وبلىسىنىڭ مامانداندىرىلعان سوتىنىڭ ٷكٸمٸمەن ەرەيمەنتاۋ قالاسىنىڭ شەتٸندەگٸ جەكە ٷيدە ەسٸرتكٸ زەرتحاناسىن ۇيىمداستىرعان ترانسۇلتتىق قىلمىستىق توپ سوتتالدى, دەپ حابارلايدى اقمولا وبلىسى پروكۋراتۋراسىنىڭ باسپاسٶز قىزمەتٸ.
جوعارىدا اتالىپ كەتكەن توپ كەيٸننەن استانا اۋماعىندا ساتۋ ٷشٸن اسا ٸرٸ كٶلەمدە سينتەتيكالىق ەسٸرتكٸ ٶندٸرٸسٸن ٸسكە اسىرۋدى كٶزدەگەن.
ترانسۇلتتىق قىلمىستىق توپتىڭ قۇرامىندا ۋكراينا مەن مولدوۆا ازاماتتارى بولعان.
ولاردى ۇستاۋ كەزٸندە قىلمىس ورنىنان 10 كەلٸ مەفەدرون مەن 17 كەلٸدەن استام پرەكۋرسورلار, سونداي-اق سينتەتيكالىق ەسٸرتكٸ ٶندٸرۋگە ارنالعان ارنايى قۇرال-جابدىقتار تابىلدى.
قىلمىسكەرلەر سينتەتيكالىق ەسٸرتكٸنٸ قاتاڭ قۇپييالىلىقتا جاساعان. ٷي ونلاين رەجيمٸندە دەرەكتەردٸ ۇيىمداستىرۋشىعا جٸبەرەتٸن بەينەباقىلاۋ جٷيەسٸمەن جابدىقتالعان, ال شيكٸزات پەن دايىن ٶنٸمدٸ ساقتاۋ ٷشٸن گاراج جالعا الىنعان.
قىلمىستىق ٸس ەرەيمەنتاۋ اۋدانىنىڭ پروكۋراتۋراسىمەن سوتقا جولدانۋ بارىسىندا, اتالعان تۇلعالاردىڭ ەرەكەتٸ ترانسۇلتتىق ۇيىمداسقان توپ رەتٸندە سارالانعان.
سوت بارىسىندا مەملەكەتتٸك ايىپتاۋشى سوتتالۋشىلاردىڭ كٸنەسٸن تولىق دەلەلدەدٸ.
ۇيىمداستىرۋشى 23 جىلعا, ال سىبايلاستارى 22 جىلعا مٷلكٸ تەركٸلەنە وتىرىپ, باس بوستاندىعىنان ايىرۋ تٷرٸندەگٸ جازا تاعايىندالدى.
ٷكٸم زاڭدى كٷشٸنە ەندٸ.
