14 ماۋسىم كٷنٸ الماتى وبلىسى, ەڭبەكشٸقازاق اۋدانىنداعى «ەسٸك» مەملەكەتتٸك تاريحي-مەدەني قورىق-مۋزەيٸندە «ساق الاۋى» تاقىرىبىمەن «مۋزەي تٷنٸ» ٶتتٸ. «ەسٸك» قورىق-مۋزەيٸ دەل وسى كٷنٸ قوناقتاردى ەرەكشە, «تٷنگٸ» فورماتتا قارسى الدى. ارنايى ۇيىمداستىرىلعان مەرەكەلٸك باعدارلاما كٶپتەگەن جاعىمدى جەنە تانىمدى اقپاراتتاردى قامتىدى.
اتاپ ايتساق, قورىق-مۋزەيدٸڭ ەكسپوزيتسييالىق زالدارىنا ەكسكۋرسييا, «التىن ادامنىڭ قۇپيياسى» جاستارعا ارنالعان كۆەست-ويىن, بالالارعا ارنالعان «تاس بەتٸندەگٸ ٶنەر» اتتى شىعارماشىلىق ساباقتار ٶتكٸزٸلدٸ. سونداي-اق, ارت بالالار ٶنەر مەكتەبٸ – مەكتەپ وقۋشىلارىنىڭ كٶرمەسٸ (ەسٸك قالاسى) قويىلىپ, «ۇستا دەركەمباي اتىنداعى قولدانبالى ٶنەر مۋزەيٸ» شەبەرلەرٸنٸڭ جەنە ەۋرازييالىق ديزاينەرلەر وداعىنىڭ مٷشەسٸ كەكەي قىرعاۋىلدىڭ «ٶرمەك توقۋ», سونداي-اق, كٶزەشٸ جانبولات نۇردانبەكتٸڭ شەبەرلٸك ساباعىنا دا مۋزەي تٷنٸنە كەلۋشٸلەر كۋە بولدى. ودان بٶلەك, «دومبىرا-پاتي» – دومبىراشىلاردىڭ ٶنەرٸ, زاماناۋي شەبەرلەردٸڭ قولدانبالى ٶنەر تۋىندىلارىنىڭ كٶرمەسٸ, ۇلتتىق ويىندار (كٷرەس, ارقان تارتۋ, اسىق اتۋ, اقسٷيەك التىباقان, ساداق اتۋ) قوناقتارعا ەرەكشە ەسەر سىيلادى. اشىق اسپان استىندا بالالارعا ارنايى ش.ايمانوۆ اتىنداعى قازاقفيلم كينوستۋديياسى تٷسٸرگەن «كٷلتەگٸن», «مۇزبالاق», «قازاق ەلٸ» مۋلتفيلمدەرٸ كٶرسەتٸلدٸ.
اۋقىمدى شارا اياسىندا قازاق جەنە ورىس تٸلدٸ باق ٶكٸلدەرٸنە قوسىمشا ارنايى پرەسس-تۋر ۇيىمداستىرىلدى. جۋرناليستەر مۋزەيدٸڭ بٷگٸنگٸ حال-احۋالىمەن, سونداي-اق, «ەسٸك» قورىق-مۋزەيٸنٸڭ قورعاۋ ايماعىنا ەنەتٸن راحات قالاشىعىندا مۋزەي ارحەولوگتارى جٷرگٸزٸپ جاتقان قازبا جۇمىسىنىڭ بارىسىمەن تانىستى. مۋزەي ديرەكتورى تاسقىن تويباەۆ ەردايىم مۋزەي جۇمىسىن ناسيحاتتاپ, ەل رۋحانيياتىنا ٷلەس قوسىپ جۋرناليستەرمەن قوسا تۋريزم سالاسىندا بەلسەندٸ ەرٸپتەستٸك ورناتىپ كەلە جاتقان مامانداردى دا ديپلومدارمەن ماراپاتتاپ, ارنايى سىي-سيياپات جاسادى.
پرەسس-تۋرعا «قازاقستان» ۇلتتىق تەلەاارناسى جاڭالىقتار قىزمەتٸنٸڭ جۋرناليسٸ امانگەلدٸ سەيٸتحان, «تاڭشولپان» اقپاراتتىق-سازدى باعدارلاماسىنان قۋانىش نۇراقىنوۆ, «ايقىن» گازەتٸنٸڭ الماتى فيليالىنان اباي ايماعانبەت, Bugin.kz اقپاراتتىق پورتالىنان مارعۇلان اقان, Abai.kz اقپاراتتىق پورتالىنىڭ باس رەداكتورىنىڭ ورىنباسارى نۇرگەلدٸ ەبدٸعاني, «قازاقستان دەۋٸرٸ» گازەتٸنەن باۋىرجان كاريپوۆ, ەڭبەكشٸقازاق اۋداندىق گازەتٸنەن جانسايا ىسقاق جەنە «شالقار» راديوسىنىڭ تٸلشٸسٸ – ەراسىل سەرٸكۇلى قاتىستى.
ٸس-شارانىڭ اشىلۋ سالتاناتىندا سٶز سٶيلەگەن «ەسٸك» مەملەكەتتٸك تاريحي-مەدەني قورىق-مۋزەيٸنٸڭ ديرەكتورى تاسقىن نۇربايۇلى تويباەۆ: «ٶزدەرٸڭٸز بٸلەسٸزدەر, مۋزەيدٸڭ بٸلٸكتٸ عىلىمي قىزمەتكەرلەرٸنٸڭ جۇمىسى نەتيجەسٸندە وسى ۋاقىتقا دەيٸن جەتٸسۋ جەرٸندەگٸ ساق كەزەڭٸنە جاتاتىن وبالاردىڭ تٸزٸمٸ, ولاردىڭ پاسپورتى جاسالىپ, ساقتالۋ, قورعالۋ دەڭگەيلەرٸ بويىنشا انىقتاۋ, سونداي-اق, ارحەولوگييالىق قازبا جۇمىستارى تۇراقتى تٷردە جٷرگٸزٸلٸپ كەلەدٸ. التىن ادام بٷگٸندە ەلٸمٸزدٸڭ برەندٸنە اينالدى. مۋزەيگە كەلۋشٸ شەتەلدٸك تۋريستەردٸڭ قاتارى جىل ساناپ ارتىپ كەلەدٸ. بٸزدە اعىلشىن, تٷرٸك, قىتاي, نەمٸس تٸلٸندە ەكسكۋرسييا جٷرگٸزٸلەدٸ. قىزمەتكەرلەردٸڭ باسىم كٶپشٸلٸگٸ تاريحشى, زەرتتەۋشٸلەر, ارحەولوگتار. «مۋزەي تٷنٸنە» كەلەر بولساق, بيىل وسىناۋ شارانى بەسٸنشٸ رەت ٶتكٸزٸپ وتىرمىز. «مۋزەي تٷنٸ» ەڭبەكشٸقازاق اۋدانى كٶلەمٸندە جىل سايىن جەرگٸلٸكتٸ تۇرعىندار مەن قالا قوناقتارى اسىعا كٷتەتٸن رۋحاني, مەدەني ٸس-شاراعا اينالدى. وسى ۋاقىت ٸشٸندە ەل ازاماتتارى, مۋزەي ٸسٸنە قىزىعۋشىلار, ٶنەرتانۋشىلار, شەتەلدٸك قوناقتار بٸزدٸ ٶتە جاقسى تانىپ-بٸلٸپ قالدى دەۋگە بولادى. شارانىڭ جىل سايىن قىزىقتى ٶتۋٸنە اتسالىسىپ كەلە جاتقان اۋداندىق مەدەنيەت جەنە تٸلدەردٸ دامىتۋ باسقارماسىنا, مۋزەي مەن تۋريزم سالاسىنداعى ەرٸپتەستەرٸمٸزگە راحمەت ايتامىن», - دەدٸ.
رەسمي بٶلٸمنەن كەيٸن كونتسەرتتٸك باعدارلاما جۇرت نازارىنا ۇسىنىلىپ, «جٸبەك جولى» انسامبلٸ, «ۋلىبكا» بي توبى سيياقتى اۋداندىق ٶنەرپازدار ٶز ٶنەرلەرٸن ورتاعا سالدى. ارايلىم مامىربەكوۆا, نۇرتاس قايراتۇلى ەننەن شاشۋ شاشىپ, كٶرەرمەندەرگە كٶتەرٸڭكٸ كٶڭٸل-كٷي سىيلادى.
ٸس-شاراعا قر مەدەنيەت جەنە سپورت مينيسترلٸگٸنٸڭ ٶكٸلدەرٸ, مۋزەي باسشىلارى, بەلگٸلٸ ارحەولوگتار, تاريحشىلار, عالىمدار قاتىستى. شارا وسى تٷننٸڭ سيمۆوليكالىق وقيعاسى «ساق الاۋىن» جاعۋمەن اياقتالدى. بۇل كەشتە كەلۋشٸلەر مۋزەيدٸڭ تاريحىمەن تانىسىپ قانا قويعان جوق, ونى كٶزبەن كٶرٸپ, جٷرەكپەن سەزٸندٸ دەۋگە تولىق نەگٸز بار.
