فوتو: ا.پ. چەحوۆ اتىنداعى قالالىق كٸتاپحانانىڭ instagram پاراقشاسىنان
بەلگٸلٸ اقىن, تانىمال سپورت كوممەنتاتورى, رەسپۋبليكالىق «اق جەلكەن» جۋرنالىنىڭ باس رەداكتورى ەسەي جەڭٸسۇلىنىڭ ٷشٸنشٸ جىر جيناعى «كٶكجيەكتٸڭ ارعى جاعى - ەلەم» اتتى جاڭا كٸتابى كٶپشٸلٸككە تانىستىرىلدى, دەپ حابارلايدى Ult.kz.
ەسەي جەڭٸسۇلىنىڭ بۇعۆن دەيٸن «بٸر جارىق», «سەندەر بەرٸڭ جاقسىسىڭدار, ادامدار!», «مىناۋ عازيز دٷنيە», «شۋاق» اتتى كٸتاپتارى جارىققا شىققان. ال مىنا جاڭا ەڭبەگٸ كەيٸنگٸ جەتٸ جىل ٸشٸندە كٶڭٸلگە تٷيگەن ٸشكٸ تولعانىستارىنىڭ جەمٸسٸ.
«كٶپشٸلٸك اقىن-جازۋشىلاردى جازعىرعىش كەلەدٸ. قوعامدا بولىپ جاتقان دٷنيەلەرگە ٷن قاتپايدى دەيدٸ. وسى كٸتاپتىڭ بەتٸندە سول ۋەجگە جاۋاپ بار. جيناققا مەنٸڭ «ۋاقىت جىرلارى» دەيتٸن توپتاما ٶلەڭدەرٸم كٸردٸ. وندا جاڭاٶزەن وقيعاسىنان باستاپ, كيٸك قىرىلعان كەزەڭ, ارىستاعى جارىلىس, سۋ تاسقىنى, ۋكرايناداعى سوعىس, پاندەمييا, قاڭتار وقيعاسى سەكٸلدٸ بارلىق قوعامداعى ەلەۋلٸ وقيعالارعا ٶلەڭدەرٸم ارقىلى ٷن قوسۋعا تىرىستىم. اقىنداردى جازعىرۋعا بولمايدى. كەرەعار پٸكٸردٸ تەك اقىننىڭ شىعارماسىن وقىماعاندار عانا ايتادى. كٸتاپپەن تانىسقان ەربٸر ادام سوڭعى جەتٸ جىلدا قانداي عۇمىر كەشكەنٸمدٸ, نە ويلاپ, نە تٷيگەنٸمدٸ تولىق سەزٸنە الادى دەپ ويلايمىن», - دەيدٸ ەسەي جەڭٸسۇلى.
اقىننىڭ جاڭا جيناعىنا «ۋاقىت جىرلارى», «انام جايلى جىرلار», قاسيەتتٸ مەككەگە ساپارىنان «مەككە جىرلارى» اتتى ٶلەڭدەر توپتاماسى مەن كەيٸنگٸ جىلدارى جازىلعان ٶمٸرشٸل, ادامدارعا ٷندەۋ تاقىرىبىنداعى ٶلەڭدەرٸ ەنگەن.
«ٶلەڭ نەگٸزٸ جالعىزدىقتىڭ تۋىندىسى. ادام ٶزٸن جالعىز سەزٸنگەندە قالامعا جٷگٸنٸپ, بار سىرىن اق قاعاز جەنە قالاممەن بٶلٸسەدٸ. ەسەي بٷگٸن جەتٸ جىلدان كەيٸن وقىرمانعا جاڭا كٸتابىن تارتۋ ەتٸپ جاتىر. اقىن باۋىرىما ايتارىم, ەدەمٸ ەلەمٸڭ ەشقاشان كٸرلەمەسٸن», - دەدٸ اقىن جاراس سەرسەك.
كٸتاپتىڭ تۇساۋكەسەرٸنە قازاقستاننىڭ ەڭبەك سٸڭٸرگەن قايراتكەرٸ ومار قيقىموۆ, «ٷركەر» جۋرنالىنىڭ باس رەداكتورى جاراس سەرسەك, اقىن, اۋدارماشى دەۋرەن بەرٸكقاجىۇلى, جازۋشى, ساتيريك قانات ەبٸلقايىر, جازۋشى ىرىسبەك دەبەي, “بالدىرعان” جۋرنالىنىڭ باس رەداكتورى ەرعالي باقاش, ەدەبيەتتانۋشى اقبوتا ابيىر, باق ٶكٸلدەرٸ مەن ا.پ. چەحوۆ اتىنداعى قالالىق كٸتاپحانا ۇجىمى مەن قالىڭ وقىرمان قاۋىم قاتىستى.
ايتا كەتەيٸك, ەسەي جەڭٸسۇلىنىڭ «كٶكجيەكتٸڭ ارعى جاعى - ەلەم» اتتى جاڭا جىر جيناعى «اباي» باسپاسىنان 2000 دانامەن جارىق كٶرگەن.
