ەسەي جەڭٸسۇلى: "بٸزدە تٸلەۋلەستٸك پەن جانكٷيەرلٸك مەدەنيەت تاپشى"

رەسەي تٶرٸندە 4 جىل زارىقتىرىپ جەتكەن فۋتبولدان ەلەم چەمپيوناتى كٶزدٸ اشىپ-جۇمعانشا ٶتتٸ دە كەتتٸ. الايدا, بۇل دودادان ەل ەسٸندە تالاي قىزىقتى وقيعالار, ەسەرلٸ سەتتەر, ۇمىتىلماس ەستەلٸكتەر قالعانى انىق. «ەلەمنٸڭ تويى» دەپ بالاناتىن بٸرٸنشٸلٸكتٸ وتاندىق تەلەارنالار «قازاقستان» ۇلتتىق ارناسى مەن «قازسپورت» ارناسى بٸردە-بٸر ماتچىن قازا قىلماي تٸكەلەي ەفيردە كٶرسەتتٸ. وعان ەلٸمٸزدەگٸ تانىمال 10-نان استام كوممەنتاتور قىزمەت ەتتٸ. ولار ەر ويىندى حالىققا قىزىقتى ەرٸ تٷسٸنٸكتٸ تٸلدە جٷرگٸزۋگە تىرىستى. سونىڭ بٸرٸ - بٷگٸنگٸ تاڭدا سپورت جانكٷيەرلەرٸنە جاقسى تانىس ەسەي جەڭٸسۇلى. بٸز بٷگٸن ەسەيدٸ ەڭگٸمەگە تارتىپ, كوممەنتاتورلار تۋرالى سۇحباتتاسقان ەدٸك.

- كەشە عانا فۋتبولدان رەسەي تٶرٸندە ەلەم بٸرٸنشٸگٸ ٶز مەرەسٸنە جەتتٸ. وسىنداي ٸرٸ دوداعا بٸر اي بويى ٷزدٸكسٸز كوممەنتاتورلىق جاساۋ بارىسىندا قانداي قيىندىقتار مەن قىزىقتار بولدى?

- مەن قازٸر تٸكەلەي جۋرناليستيكا سالاسىندا ەمەسپٸن. نەگٸزگٸ جۇمىسىم - ۇلتتىق اۋدارما بيۋروسىندا. سوندىقتان ويىندار ترانسلياتسيياسى استانا قالاسىندا جٷرگٸزٸلگەندٸكتەن, توپتىق تۋرنيردەگٸ ماتچتارعا كوممەنتاريي جاساۋعا بارا المايتىنىمدى «QazSport» ارناسىنىڭ باس پروديۋسەرٸ اسقات ساعىناەۆقا الدىن الا ەسكەرتٸپ, ريزاشىلىعىن الدىم. 1/8 فينالداعى ٷش ويىننان باستاپ, فينالعا دەيٸن 9 ماتچقا ارالاستىم. سەنبٸ-جەكسەنبٸ كٷندەرٸ عانا بارىپ تۇردىم, سوندىقتان وسى جولى كٶپ ەڭبەگٸم سٸڭدٸ دەي المايمىن. ەڭ باستىسى, ەلەم چەمپيوناتىنىڭ ماتچتارىنا كوممەنتاتور بولۋ - ٷلكەن مەرتەبە, ٶمٸرلٸك ەستەلٸك. ال قيىندىق پەن قىزىق مەسەلەسٸنە كەلسەك, بەرٸ ٶزٸمٸز بوي ٷيرەتكەندەي بولدى. تٷنگٸ 12-دەن كەيٸن ويىن جٷرگٸزۋ اۋىر بولاتىنى راس, بٸراق الدىن الا بٸرەر ساعات كٶز شىرىمىن الىپ, دايىن وتىرۋعا تىرىستىق. اسقات باۋىرىم ۇيىمداستىرعان «رەسەيدەگٸ فۋتبول تويى» باعدارلاماسى ويىندار الدىندا جانكٷيەرلەردٸڭ ساراپ جاساۋىنا جاقسى ەسەر ەتكەنٸ انىق بايقالدى.

- وسى بٸرٸنشٸلٸك بارىسىندا ەلٸمٸزدە كوممەنتاتورلار تاپشىلىعى سەزٸلدٸ مە?

- قازاقستاندا كوممەنتاتور تاپشىلىعى جوق. بٸزدە تٸلەۋلەستٸك پەن جانكٷيەرلٸك مەدەنيەت تاپشى. بٸر فۋتبولشىنىڭ اتىنان قاتەلەسكەن كوممەنتاتوردى اتا جاۋىنداي كٶرٸپ, جەتپٸس جەتٸ اتاسىنان تارتىپ بالاعاتتاپ وتىراتىنداردان شارشادىق. مىسالى, فرانتسييا - ارگەنتينا (4:3) كەزدەسۋٸندە ارگەنتينالىق انحەل دي مارييانىڭ ٶز شەبٸنەن وڭ جاققا كەنەت ويىسىپ, العاشقى قارىمتا گول سوققانىن تٷسٸنبەي قالدىق. ياعني, ونىڭ پوزيتسييا اۋىستىرعانىن اڭداپ ٷلگەرمەدٸك. ونى بٸرەسە مەسسي, بٸرەسە پەرەس دەگەنٸمٸز ٷشٸن بٸزدٸ «اتۋ جازاسىنا» كەسە سالعانداردان اياق الىپ جٷرگٸسٸز. قازاقستاندا بارلىق ماماندار ٶز سالاسىندا قاتەلٸك جاساي بەرۋٸنە بولادى, تەك كوممەنتاتور عانا قاتەلەسپەۋٸ كەرەك! سوت ٶتٸرٸك سوتتاسىن - كەشٸرٸمدٸ, پروكۋرور پارا السىن - كەشٸرٸمدٸ, عالىم تٷگەلدەي ۇرلىق عىلىمي جاڭالىق جازسىن - كەشٸرٸمدٸ, ەكەسٸنٸڭ بايلىعىنا سەنگەن بٸرەۋ بەس ادامدى تاپتاپ ٶلتٸرسٸن - كەشٸرٸمدٸ, تەك كوممەنتاتور عانا كەشٸرٸلمەيدٸ! قاتەلەسسە, «حالىق جاۋى»! وسى ۇستانىمدى ەش تٷسٸنبەدٸم. كەشٸرٸپ قويىڭىزدار, دي مارييا مەنٸڭ بٸرگە تۋعان باۋىرىم ەمەس, جيٸ بولماسا دا, ٸشٸنارا قاتەلەسۋگە بولادى. قۇداي دا كٷنەنٸ كەشٸرەدٸ. مٸنە, وسىنداي قىسىمدا جٷرگەن كوممەنتاتورلاردان «ديۆان ساراپشىلارى» «تاۋ تٶڭكەرەر» ەرلٸك كٷتەدٸ. ونىڭ ٷستٸنە, 2012 جىلى ەۋروپا بٸرٸنشٸلٸگٸ مەن چەمپيوندار ليگاسىندا ەكٸ-ٷش اي عانا كوممەنتارييلەر تازا قازاق تٸلٸندە جاسالدى, ودان كەيٸن تازا قازاقشا سٶيلەپ وتىرعانىمىز بيىل عانا. مەن ورىستٸلدٸ ەرٸپتەستەرٸمدٸ مانسۇقتاماق, يا سىرتىنان تاس اتپاق ەمەسپٸن. بٸراق ەكٸ تٸلدە كوممەنتاريي جاساۋ تابيعاتى تازا قازاق تٸلٸندە جٷرگٸزگەندەگٸدەن مٷلدە بٶلەك. بەس مينۋت سايىن ٸركٸلە بەرگەسٸن, ىرعاق بۇزىلادى. مەنٸڭ ويىمشا, بٸزدٸڭ جٸگٸتتەردٸڭ كوممەنتارييلەرٸ ەشكٸمنەن كەم ەمەس. بٸزدٸڭ ەلدە ەشكٸم ٶزٸن «تٸل بٸلمەيمٸن» دەپ سانامايدى. بەرٸ - بٸلگٸر, بەرٸ - كوممەنتاتورلاردىڭ قاتەسٸن كٶرگٸش. بۇعان دەيٸن دە جٷز رەت ايتقانمىن, بۇدان كەيٸن دە جٷز رەت ايتامىن: بٸزگە تٸلەۋلەستٸك قاجەت. باستان-اياق سىپىرا ماقتاۋ ەمەس, تٸلەۋلەستٸك. قالادا ٶسكەن قازاقتار بٸزدٸڭ سٶيلەۋ مەنەرٸمٸزدٸ تٸپتٸ قابىلداي المايدى. تەرمەلەپ سٶيلەسەڭٸز, ولارعا «اۋىلباي» بولىپ كٶرٸنەدٸ. دەمەك, باردى باياندى ەتۋگە تىرىسۋىمىز كەرەك. ەرينە, ورىسشادان تٸكەلەي قوتارىپ, «كالكا» تٸلمەن سٶيلەيتٸن تۇستارىمىز دا بولادى, بٸراق سوڭعى جىلدارى بۇل ولقىلىق ازايىپ كەلەدٸ.

- قازاق كوممەنتاتورى بولۋ ٷشٸن ەڭ باستىسى جٷرگٸزٸپ وتىرعان سالانى جەتٸك بٸلۋ مە, ەلدە كٶركەم, جاتىق سٶيلەۋ باستى رٶل اتقارا ما?

- قازاق كوممەنتاتورى ەمبەباپ بولۋعا تيٸس. ايتىپ ٶتكەنٸمدەي, الاڭداعى كوماندا جايلى بٸلمەي, قۇر سٶز ساپىرىپ وتىرساڭ دا كەشٸرمەيدٸ, ارا-اراسىندا سٶز بۇزىلسا دا كەشٸرمەيدٸ. جاقىندا «قازاقستان بارىسىن» جٷرگٸزدٸم. سوندا چەمپيون ەرجان شىنكەەۆ ورتاعا شىققاندا: «ماڭ-ماڭ باسىپ, ماڭ باسىپ, ەر جەردەن بٸر باسىپ, جەڭٸمپاز كەلە جاتىر», - دەدٸم. وسى سٶزٸمە بٸراز ادام قاراداي شٷيلٸگٸپتٸ. ەلەۋمەتتٸك جەلٸگە قايتا كٸرگەنٸمشە ٶشٸرٸلٸپ كەتكەن بە, بٸراق بٸر-ەكٸ ادامنان ەستٸپ قالدىم. «ماڭ-ماڭ باسقان, شۋدالارىن شاڭ باسقان» جانۋار جايلى جۇمباقتى, ەرينە, بەرٸمٸز بالا كەزدەن ەستٸپ ٶستٸك. بٸراق «ماڭ-ماڭ باسۋ» تٸركەسٸ ادىمىن كەسەك تاستايتىن الىپ جٸگٸتكە قاراتا ايتىلسا نەسٸ ايىپ? بٸر تٸركەستٸ بٸر جانۋارعا عانا ويشا مەنشٸكتەپ قويىپ, ونى ايتقان كوممەنتاتوردى جەردەن الىپ, جەرگە سالۋدان نە ۇتامىز? كوممەنتاتور «ماڭ-ماڭ باسىپ, ماڭ باسىپ» دەگەندە, تىڭداعان ادامنىڭ كٶز الدىنا تٷيە عانا ەلەستەي كەتكەنٸ ٷشٸن بٸزدٸڭ ەش كٸنەمٸز جوق. ٶكٸنٸشكە قاراي, وسىنداي نەگٸزسٸز شابۋىلدار دا جٷيكەگە تيەدٸ. وبرازدى سەل ويناتقانىمىز ٷشٸن «كٸتاپ وقىمايتىن», «كەششە», «نادان», «ۇعىمسىز» ادام بولىپ شىعا كەلەمٸز. ەرينە, كوممەنتاتور ٶزٸ جٷرگٸزٸپ وتىرعان سپورت تٷرٸ جايلى بەرٸن بٸلۋگە تيٸس. تٸپتٸ بيىلعى ەلەم چەمپيوناتىنىڭ جابىلۋ سالتاناتىندا كادردان ەر سەتتە جىلت ەتە قالعان بەلگٸلٸ تۇلعالاردى دا تانىپ وتىرۋعا تىرىستىق. فرانتسييا, حورۆاتييا, رەسەي پرەزيدەنتتەرٸ, فيفا باسشىسى, اتى اڭىزعا اينالعان فۋتبولشىلار, سالا ماماندارى - بەرٸ كٶزٸمٸزدەن تاسا قالعان جوق. قىزدى-قىزدىمەن پول پوگبانىڭ تريبۋنادا وتىرعان ەكٸ باۋىرى مەن اناسىنىڭ دا اتىن اتاپ جٸبەردٸك. ودان ەش ۇتىلعانىمىز جوق. كوممەنتاتور 24 ساعات دايىندىقتا جٷرەدٸ. كەي كٶرەرمەن: «جۇرت بٸلەتٸن نەرسەنٸ ايتادى», - دەپ جازعىرادى. كەشٸرٸڭٸز, سٸز فۋتبول فاناتى بولعانمەن, تەلەديدار الدىندا وتىرعان ادامداردىڭ 90 پايىزى ەلەم چەمپيوناتىن عانا كٶرەدٸ. ولارعا ەر دەتال قىزىق. ەدٸل رامي مۇرتىن ەدٸرەيتٸپ شىعا كەلگەنشە-اق بٸز الدىن الا سوعان قاتىستى بٸراز نەرسە ايتىپ ٷلگەرگەنبٸز. رامي قوسالقى قۇرامدا وتىردى, تەك ماراپاتتاۋ رەسٸمٸندە عانا كادرعا ٸلٸندٸ. بٸراق كٶرەرمەن ونىڭ قانداي فۋتبولشى ەكەنٸن, مۇرتىنىڭ نە قۇدٸرەتٸ بارىن الدىن الا ەستٸپ الدى. دەمەك, كٶرەرمەن دايىن. مٸنە, بٸزدٸڭ ميسسييا دا سول: اقپاراتتى دەل ۋاقىتىندا, تٸپتٸ ەرتەرەك ۇسىنىپ وتىرۋىمىز قاجەت.

- كەيدە كوممەنتاتورلارىمىز تٸلدٸڭ ستيليستيكالىق, گرامماتيكالىق زاڭدىلىقتارىنا مەن بەرمەي جاتقانداي سەزٸلٸپ جاتادى. كوممەنتاتور ٷشٸن باستى جاۋاپكەرشٸك نە دەپ ويلايسىز?

- ەفير ەشقاشان الدامايدى. كٸمنٸڭ بٸلٸمٸ, بٸلٸگٸ, تەجٸريبەسٸ قانشالىق ەكەنٸن دەل كٶرسەتٸپ وتىرادى. بٸز بەرٸمٸز - قازاق تٸلٸنٸڭ تۋىن كٶتەرۋشٸلەرمٸز. ەرينە, «كالكا» تٸلمەن سٶيلەيتٸن جاس ەرٸپتەستەرٸمٸز بار. بٸز دە جيىرما جاستىڭ اينالاسىندا سولاي سٶيلەدٸك. اقىل كٸرٸپ, تٸلگە قورعان بولا باستاعانىمىز ەندٸ عانا عوي. سوندىقتان ولارعا دا كەشٸرٸممەن قاراۋىمىز كەرەك. «نومينالدى شابۋىلشى», «دوپقا جاناستى», «گول ۇردى», ت.ب. جاساندى, قازاقى ەمەس تٸركەستەر بٸزدٸڭ دە جٷيكەمٸزگە تيەدٸ. بٸراق كٶش جٷرە تٷزەلٸپ كەلە جاتىر. قازاق تٸلٸندەگٸ كوممەنتارييلەردە ەندٸ عانا تەرميندەر مەن تٸركەستەر قۇلاققا ٷيرەنشٸكتٸ بولا باستادى. ورىستٸلدٸ كوممەنتاتورلاردى زور تۇتامىز عوي, بٸراق ولار بٸز سيياقتى ٸزدەنٸپ ەۋرە بولماي-اق, وزەروۆ, مايوروۆ, ماحارادزە, ماسلاچەنكو, پەرەتۋريندەردەن قالعان ٷلگٸمەن جۇمىس ٸستەپ كەلەدٸ. «ۋدار پو ۆوروتام», «ناۆەس», «پروسترەل», «گرۋبايا يگرا», ت.ب. ەبدەن قالىپتاسقان تەرميندەر مەن تٸركەستەرگە سوڭعى جىلدارى ولار «ينسايد», «ۆينگەر», «كورنەر» دەگەن سەكٸلدٸ ەلەمگە ورتاق سٶزدەردٸ عانا قوستى. بٸزدە ەلٸ «ناۆەس» پەن «پروسترەلدٸڭ» ناقتى بالاماسى جوق. «ەۋەلەگەن دوپ» دەگەن تٸركەس قۇلاعىما جاعا قويمايدى, «دوپتى ەۋەلەتە تاستادى», «جەرلەتە كٶتەردٸ» دەپ ەتٸستٸكپەن اياقتاپ, تٸگٸسٸن جاتقىزۋعا تىرىسامىز. قاراپ جٷرگەن جوقپىز, جاتساق-تۇرساق ٸزدەنٸستەمٸز, وسىنى تٷسٸنە قابىلداساڭىزدار ەكەن. مارقۇم سۇلتانعالي قاراتاەۆ اقساقال بٸز ەفيردەن شىققان سوڭ ەرٸنبەي قوڭىراۋ سوعىپ, كەم-كەتٸگٸمٸزدٸ ەسكەرتٸپ وتىراتىن ەدٸ. وسىنداي جاناشىرلىق جەتٸسپەيدٸ بەرٸمٸزگە. بەرٸ قاتەمٸزدٸ كٶزگە شۇقۋعا بار, ال ٶزدەرٸ ۇسىناتىن نۇسقا - جوق.

- قازٸرگٸ تاڭدا كوممەنتاتورلاردىڭ سپورتتىق oيىندapدى جٷpگiزۋ بارىسىندا تeك قaنa كٶرسەتەلٸپ جاتقان بeينe بoيىنشa سٶيلeپ oتىpۋى كٶرەرمەندەرگە aزدىق eتەرٸ داۋسىز. كەيبٸر جانكٷيەرلەر سول جارىس تۋرالى ستaتيستيكaلىق مەلiمeتتep كٷتەتٸنٸ دە جاسىرىن ەمەس. بۇل ولقىلىقتى بولدىرماۋدىڭ جولدارى تۋرالى دا ايتا كەتسەڭٸز...

- دۇرىس بايقاپسىز, ەنشەيٸن وقيعانى تالداپ وتىرۋ ازدىق ەتەدٸ. بٸراق ستاتيستيكانى دا ساپىرا بەرۋگە بولمايدى. ستاتيستيكا رەپورتاج بارىسىندا بٸر-ەكٸ سٶيلەم عانا بولۋعا تيٸس. مىسالى, انتۋان گريزمانن فينالدا پەنالتيدەن گول سوقتى. «بۇل - بيىلعى دوداداعى 22-پەنالتي. بۇرىنعى رەكوردتاردان 4 پەنالتي ارتىق» دەڭٸز, جەتەدٸ. ويىن ٶرٸستەپ, قارسى قاقپا الدىندا قاربالاس بولىپ جاتسا, سٸز ەلٸ پەنالتي جايىن تەرمەلەپ وتىرساڭىز, مٸندەتتٸ تٷردە ۇرىس ەستيسٸز. بٸراق بٸزدٸڭ جانكٷيەرلٸك مەدەنيەتٸمٸز سول سەتتەگٸ ەموتسييا عانا ەكەنٸنە دە كٶزٸم جەتتٸ. ەكٸ جىلدان بەرٸ statsport.kz دەپ اتالاتىن, سپورت ستاتيستيكاسىنا ارنالعان سايت جٷرگٸزٸپ كەلەمٸن. وقىرمانى - بٷكٸل ەلەمدەگٸ قازاقى كونتەنتتٸڭ 0,0001 پايىزى عانا بولۋ كەرەك. «قايرات» كومانداسى سىرت الاڭدا العاشقى ٸرٸ جەڭٸسٸنە قول جەتكٸزگەنٸ تۋرالى اقپارات جارييالايسىز, وقيتىن ادام - 10-12, اسىپ كەتسە, 100-120 عانا. سەبەبٸنە ٷڭٸلٸپ بايقاپ ەدٸك, بٸزدٸڭ سپورت وقىرماندارىنا دا «كٷيٸپ تۇرعان» جاڭالىق قاجەت ەكەن. وسى ەلەم چەمپيوناتى كەزٸندە بٸزدٸڭ عانا ەمەس, رەسەيدٸڭ سپورت سايتتارى تٷگەلدەي «ەلەم چەمپيوناتىنىڭ ەڭ ەدەمٸ جانكٷيەر قىزدارىنىڭ» سۋرەتٸن جارييالاپ ەلەك بولدى. سەبەپ بٸرەۋ عانا - وقىرمان تارتۋ. «قاپاش-قۇپاش» ەلەم سٸزدٸڭ ناعىز كەسٸبي اقپاراتتارىڭىزعا زەرۋ ەمەس. سٸز ول اقپاراتتاردى ساۋساق سورىپ تاۋىپ وتىرعان جوقسىز. ويىن قورىتىندىسىندا ارعى-بەرگٸنٸ ەكشەپ, سالىستىرىپ, ەسەپتەپ جازعان اقپاراتىڭىز تٷككە تاتىمايدى. نيەتٸڭٸز جاقسى-اق ەدٸ: وسىنداي اقپارات ۇسىنۋ ارقىلى وقىرمانىڭىزدىڭ تانىم كٶكجيەگٸن سەل دە بولسا كەڭەيتۋگە ۇمتىلاسىز. بٸراق وعان فينال الدىنداعى شوۋعا شىققان قىزدىڭ جالاڭاشتالعان يىعىنىڭ سۋرەتٸ كەرەك... ٶكٸنٸشتٸ-اق... وسىنداي جاعدايدا, «جارتاسقا بارىپ, كٷندە ايعاي سالىپ, ودان دا جاڭعىرىق شىعارىپ» وتىرساق تا, ەفيردە بەرٸن ايتۋىمىز كەرەك. ٶمٸردٸ دە, الاڭداعى جاعدايدى دا.

- بۇل كٷندەرٸ ەلٸمٸزدە تٸكەلەي ەفيردەن كٶرسەتٸلەتٸن سپورت تٷرلەرٸ ٶتە كٶپ. الايدا كوممەنتاتورلار سانى ساۋساقپەن سانارلىق. بٸر كوممەنتاتور بٸرنەشە سپورت تٷرٸن جٷرگٸزۋگە تۋرا كەلەدٸ. نەگٸزٸ, ەر كوممەنتاتور بەلگٸلٸ بٸر سپورت تٷرٸنە عانا بەيٸمدەلگەنٸ دۇرىس پا, ەلدە ەمبەبەپ بولعانى دۇرىس پا?

- ماعان سالسا, فۋتبول مەن ۆەلوسپورتتى عانا جٷرگٸزٸپ تىنىش وتىرار ەدٸم. بٸزدٸڭ ەلدە كوممەنتاتورلار - ارزان جۇمىس كٷشٸ. بٸر جارىم ساعاتتىق ەفير ٷشٸن رەسەيدەگٸ ەرٸپتەستەرٸمٸز بٸزدەن 85 ەسە كٶپ اقشا الاتىنىن ايتساق تا جەتكٸلٸكتٸ. اقيقاتىنا سالساق, بٸزدٸڭ ەمبەباپ كوممەنتاتورلار بٸر ويىندى, ەلدە بٸر جارىستى جٷرگٸزٸپ كەلٸپ, ەكٸنشٸسٸنە دەيٸن جاقسىلاپ دايىندالۋعا تيٸس. بٸز نە ٸستەيمٸز? نەگٸزگٸ جۇمىسىمىزدىڭ شارۋاسىن اياقتايمىز, ٷيگە كەلٸپ ازداپ دەمالىپ الىپ, كوممەنتارييگە تارتامىز. ەرتەڭٸنە مٷلدە باسقا ەكٸ-ٷش جارىس كٷتٸپ تۇرادى. سٶيتٸپ, بٶلەك-سالاق بولىپ جٷرگەندە, سىندى دا, بالاعات پەن رەنٸشتٸ دە كٶپ ەستيمٸز. ٶزٸڭٸز ويلاپ كٶرٸڭٸزشٸ, ۋتكين, چەردانتسەۆ, گەنيچ, ورلوۆ, روزانوۆ, شمۋرنوۆ سيياقتى رەسەيلٸك كوممەنتاتورلار فۋتبولدان باسقا سالاعا مويىن بۇرا ما? بولماسا, كۋرديۋكوۆ جازدا - ۆەلوجارىستى, قىستا بياتلوندى عانا جٷرگٸزەدٸ. باسقا جاعىنا اتتاپ باسپايدى. ٶيتكەنٸ, ولار بٸر عانا سالامەن وتباسىن, تٸپتٸ بٷكٸل ەۋلەتٸن اسىرايدى. بٸزدٸڭ بٸر ايدا جٷرگٸزگەن 4-5 ويىنىمىزدىڭ پايداسى پەتەراقى تٶلەۋدەن سەل ارتىلاتىنىنا مەزبٸز. بٸراق جىلاي بەرۋگە بولمايدى. ەلٸمٸزدەگٸ شىنايى جاعداي وسى. «نەگە بٸزدٸ فۋتبول ماتچىنا عانا قويمايسىز?» نەمەسە «نەگە بٸزدٸڭ بٸر ماتچىمىزعا رەسەيدەگٸدەي قالاماقى تٶلەمەيسٸز?» دەپ ەشكٸمگە ايتا المايمىز. جاعداي بەلگٸلٸ. بارىمەن - بازار. ونىڭ ٷستٸنە, ەمبەباپ بولعاننان دەل قازٸر قازاق بالاسى ەش ۇتىلمايدى. بٸزدٸڭ كوممەنتاتورلار قازٸر «يت مٸنٸپ, يرەك قامشىلاپ», بولاشاققا جول سالىپ جاتىر. يگٸلٸگٸن بالالارىمىز كٶرەدٸ, قاراپ تۇرىڭىزشى.

- قازٸر تاڭدا ٶزٸڭٸزدەن كەيٸنگٸ كوممەنتاتور بولعىسى كەلەتٸن جاستار قاۋىمىنا نە ايتار ەدٸڭٸز?

- وقۋدان, ٸزدەنۋدەن ارتىق راقات كٶرمەدٸم. قۇداي تٸل بەردٸ دەپ بەزەي بەرسەڭٸز, بەس كٷندە تاۋسىلادى. وقۋ كەرەك.

- ەڭگٸمەڭٸزگە راحمەت!

سۇحباتتاسقان كٷنسۇلتان وتارباي

قازاقپارات