پولشادا ٶتكەن «Junior Eurovision-2019» ەن بايقاۋىندا ەكٸنشٸ ورىن العان ەرجان ماكسيم قازاقستاندىقتارعا العىس ايتتى, – دەپ حابارلايدى «ۇلت اقپارات».
جاس ەنشٸ Instagram-داعى پاراقشاسىندا جانكٷيەرلەرٸنٸڭ زور قوشەمەتپەن قارسى الىپ جاتقانى تٷسٸرٸلگەن ۆيدەونى جارييالادى. قازاقستاننىڭ كٶك تۋىن جامىلعان ەنشٸنٸ جانكٷيەرلەرٸ «ەرجان, قازاقستان» دەپ داۋىستاپ, قۇشاق جايا كٷتٸپ العان.
كٶك تۋدى جەلبٸرەتكەن جاس ەنشٸنٸ ديماش قۇدايبەرگەن دە قۇتتىقتاپ, Instagram-داعى پاراقشاسىندا «قۇلىنشاق, جەڭٸسٸڭ قۇتتى بولسىن! ەكٸنشٸ ورىن ەمەس مەن ٷشٸن بٸرٸنشٸ ورىن دەپ بٸلەمٸن!!! جارايسىڭ بالاپان!!!» دەپ جازدى.
ٶز كەزەگٸندە ەرجان ماكسيم قازاقستاندىقتارعا العىسىن ايتتى. «قۇرمەتتٸ دوستارىم, اپا-اعالارىم, اتا-ەجەلەرٸم. ماعان داۋىس بەرگەندەرٸڭٸز ٷشٸن كٶپ-كٶپ راحمەت! وسى جەڭٸسكە سٸزدەردٸڭ ارقالارىڭىزدا جەتٸپ وتىرمىن» دەپ جازدى ەنشٸ.
ەسكە سالا كەتسەك, پولشادا ٶتكەن «Junior Eurovision-2019» ەن بايقاۋىندا باق سىناعان قازاقستاندىق ەرجان ماكسيم ەكٸنشٸ ورىن العان بولاتىن. قازىلاردىڭ بەرگەن باعاسى بويىنشا ەرجان ماكسيم بٸرٸنشٸ ورىن الدى. ال ونلاين داۋىس بەرۋ قورىتىندىسىمەن 79 ۇپاي جينادى. وسىلايشا قازاقستاندىق ەنشٸ جالپى 227 ۇپايمەن ەكٸنشٸ ورىن بولدى. بايقاۋدىڭ باس جٷلدەسٸن 278 ۇپاي جيناعان پولشا ٶكٸلٸ ۆيكي گابور جەڭٸپ الدى.
ەرجان ماكسيم 2007 جىلى ورال قالاسىندا دٷنيەگە كەلگەن. تٶرت جاسىنان ەن سالا باستاعان. التى جاسىنان باستاپ ۆوكال ساباعىنا بارعان. ەرجان كٶپتەگەن بايقاۋدىڭ جەڭٸمپازى. 2016 جىلى ەرجان ماكسيم باتۋميدە ٶتكەن Dolphin Fest فەستيۆالٸندە باس جٷلدەنٸ جەڭٸپ السا, 2016 جىلدىڭ جەلتوقسانىندا لاتۆييادا ٶتكەن وسىنداي جارىستارعا بٸرنەشە سانات بويىنشا بٸردەن قاتىسىپ, ەكٸ التىن جەنە بٸر كٷمٸس مەدال جەڭٸپ العان. 2017 جىلى ۆيتەبسكٸدە ٶتكەن «سلاۆيان بازارى» حالىقارالىق بايقاۋىندا ەكٸنشٸ ورىن يەلەنگەن.
2017 جىلدىڭ 3 مامىرىندا ول يتاليياداعى سان-رەمو جاسٶسپٸرٸمدەر فەستيۆالٸندە ٶنەر كٶرسەتٸپ, سيمفونييالىق وركەسترمەن بٸرگە ەن شىرقادى. يتالييادا ەرجان فيناليست اتانعان ەدٸ. ال 2018 جىلى كٷزدە ول «Junior Eurovision» حالىقارالىق ەن بايقاۋىنىڭ فيناليستەرٸنٸڭ قاتارىنا كٸرگەن. 2019 جىلى «گولوس.دەتي. 6 سەزون» شوۋىنىڭ جەڭٸمپازى بولدى.
ەسكە سالا كەتسەك, قر پرەزيدەنتٸ قاسىم-جومارت توقاەۆتىڭ ەرجان ماكسيمدٸ ەن بايقاۋىنداعى جٷلدەسٸمەن قۇتتىقتاعان بولاتىن.
