رەسەيلٸك "گولوس. دەتي" جوباسىندا ەكٸنشٸ ورىن العان ەرجان ماكسيمنٸڭ اناسى گٷلميرا ەلٸبەك شوۋدىڭ نەتيجەسٸ مەن ەرجانعا قانداي ۇسىنىستار تٷسٸپ جاتقانىن ايتتى, دەپ جازادى Sputnik اگەنتتٸگٸ.
"Talklike" باعدارلاماسىنا بەرگەن سۇحباتىندا گٷلميرا ەلٸبەك: "گولوس. دەتي" بايقاۋىنىڭ نەتيجەcٸ جارييالانعاننان كەيٸن ەتتەگەن-اي دەگەن جەرٸمٸز بولدى. ٶيتكەنٸ ەرجان ەندٸ بار كٷش-جٸگەرٸمەن, داۋسى كٸشكەنە جەتپەي قالسا دا, جوعارى دەڭگەيدە ايتىپ شىقتى دەپ ويلايمىن", - دەدٸ.
"گولوس. دەتي" جوباسى
جوبا بارىسىندا ۆالەريي مەلادزە ەرجان تەك قازاقشا سٶيلەگەندٸكتەن, ونىمەن جۇمىس ٸستەۋ قيىنداۋ ەكەنٸن ايتقان بولاتىن. بٸراق قيىنداۋ بولسا دا, ول سوعان تۇرارلىق تالانت دەپ باعالادى. سوندىقتان مەلادزە ەرجانمەن بٸراز قازاقشا سٶيلەسە باستاپتى.
"ۆالەريي مەلادزە ەرجانعا: "كەل قاسىما وتىر, اينالايىن" دەيتٸن. باعدارلاما ەفيرٸندە تەك "اينالايىن" دەگەنٸ عانا ەستٸلٸپ قالىپتى. ول كٸسٸنٸڭ قازاق تٸلٸن قايدان ٷيرەنگەنٸن سۇرادىم. "ماعان قازاق تٸلٸن باتىرحان ٷيرەتتٸ" دەپ جاۋاپ بەردٸ",- دەيدٸ گٷلميرا ەلٸبەك.
ونىڭ ايتۋىنشا, بايقاۋ بارىسىندا ەرجانعا كٶپتەگەن ەندەر ۇسىنىلعان. الايدا ەرجان ديماش قۇدايبەرگەننٸڭ رەپەرتۋارىنداعى ەندٸ ورىندايمىن دەپ شەشٸپتٸ.
"بٸرنەشە ەن ۇسىنىلدى. بٸرەۋٸندە اكتسەنت بولسا, ەندٸ بٸرٸ داۋسىنا كەلمەيدٸ. ەرجان كٸشكەنتايىنان جوعارى دياپازوندى ەندەردٸ جاقسى كٶرەدٸ. ەرجان ديماشتىڭ ٸزٸن قۋىپ كەلە جاتقان ٸنٸسٸ دەپ ويلايمىن. ٶيتكەنٸ بارعان جەرٸندە ديماشتى اۋزىنان تاستامايدى. ديماشتىڭ رەپەرتۋارىنداعى ەندەردٸڭ كٶبٸ ۇنايدى. All by Myself پەن Adagio ەندەرٸن تاڭدادى", - دەيدٸ ەنشٸنٸڭ اناسى.
گٷلميرا ەلٸبەكتٸڭ ايتۋىنشا, "گولوس. دەتي" ۇيىمداستىرۋشىلارى بۇل ەندەردٸڭ بالا ٷشٸن قيىن ەكەنٸن ايتقان. الايدا ەرجان ايتقانىنان قايتپاي, ماماندارمەن جۇمىس ٸستەپ, دايىندالىپتى.
"ۆالەريي مەلادزە ەرجان Adagio-نى ايتقاندا, داۋسىنا زاقىم كەلەدٸ دەپ ۋايىمدايتىن. كٶزٸنە جاس تولاتىن. كٶپتەگەن ادامدار ۆالەريي مەلادزەنٸڭ بالا ٷشٸن مۇنداي قيىن ەن تاڭداۋى دۇرىس ەمەس دەگەن پٸكٸر جازىپ جاتىر. ول كٸسٸنٸڭ ەشقانداي كٸنەسٸ جوق. ەرجان وسى ەندٸ ايتا الاتىنىنا سەنٸمدٸ بولدى. ايتىپ بەرە الدى دەپ ويلايمىن", - دەيدٸ ول.
ەرجان ديماشتىڭ ەندەرٸن تىڭداعاندا شابىتتاناتىنىن ايتادى. ديماشپەن بٸرگە ٶنەر كٶرسەتۋدٸ ارماندايدى ەكەن.
"سلاۆيان بازارىنا" ەكەۋٸمٸز بٸر ساحنادا ٶنەر كٶرسەتكەنبٸز. 10-15 بالانى ٸرٸكتەپ, ٶزٸنٸڭ "باقىتتى بالا" اتتى بايقاۋىنا قاتىستىردى. مەن سول بايقاۋدا باس جٷلدە الدىم. وسى جىلى بايقاۋعا قوناق بولىپ بارامىن", - دەيدٸ ەرجان.
گٷلميرا ەلٸبەك جٷرگٸزۋشٸنٸڭ "گولوس. دەتي" بايقاۋىندا ميكەللا ابراموۆانىڭ جەڭٸسكە جەتۋٸنە قاراجاتتىڭ كٶمەگٸ بولدى ما دەگەن ساۋالىنا دا جاۋاپ بەردٸ.
"السۋ ٶتە قاراپايىم, ٶزٸ دە, قىزى دا ٶتە جاقسى. اقشام بار دەپ, شالقايىپ جٷرەتٸن كٸسٸلەر بولادى عوي. ونداي مٸنەزٸن بايقاعان جوقپىز. بٸرگە وتىرىپ, بٸرگە تاماق ٸشٸپ, ەڭگٸمەلەسٸپ جٷرەتٸنبٸز. اقشا جاعى كٶمەكتەستٸ دەپ ايتا المايمىن. مٷمكٸن حالىق, شىنىمەن, سولاي داۋىس بەرگەن بولار", - دەدٸ گٷلميرا ەلٸبەك.
"جەڭبەگەنٸم جاقسى بولدى"
ال ەرجان ماكسيمنٸڭ ٶزٸ جوبادا باس جٷلدە الماعانىنا قۋانىشتى ەكەنٸن ايتتى.
"باس جٷلدە السام, قۇتتىقتاپ قويا سالاتىن ەدٸ. جەڭبەگەن سوڭ, ادامدار قولپاشتاپ, كٶپ ادام تانىپ, ەنشٸلەر ٶز پاراقشالارىنا مەنٸڭ سۋرەتتەرٸمدٸ سالىپ جاتتى. بۇل مەنٸ ٶتە قۋانتتى. بٸرەۋلەرٸ ەكٸنشٸ ورىن ٷلكەن دەرەجە ەكەنٸن ايتى. ەندٸ بٸرٸ سەن مەن ٷشٸن جەڭٸمپازسىڭ دەپ جازدى", - دەيدٸ جاس ەنشٸ.
"جۇرتتىڭ بەرٸ كٷلدٸ..."
گٷلميرا ەلٸبەك ەرجاننىڭ بويىنداعى دارىندى قاي كەزدە بايقاپ, ۇستازعا اپارعانىن ايتتى.
"جولداسىم 40 جاسقا تولعاندا, ەرجان بەستە ەدٸ. تويدا انا جەنە ەكە تۋرالى ەكٸ ەن ايتىپ بەرەيٸنشٸ دەدٸ. كٸشكەنتاي بولعاننان كەيٸن شاتاسىپ كەتەر دەپ الدىن الا "پليۋس" جازدىرۋدى ۇسىندىق. بٸراق ول "جوق, مەن ٶزٸم ايتا الامىن" دەدٸ. ەندٸ ورتاعا شىعىپ ايتقاندا, ەش قىسىلمادى. ەركٸن ەرٸ تازا ورىنداپ بەردٸ. سول جەردەگٸ مۋزىكانتتار كەلٸپ, ەرجان "پليۋسپەن" ايتىپ تۇر ما, ەلدە "مينۋسپەن" ايتتى ما دەپ سۇرادى. بەر تاڭعالىپ, ەرجاندى ۆوكالعا اپارۋعا كەڭەس بەردٸ. سول كەزدە شەشٸم قابىلدادىق", - دەيدٸ ەرجانىڭ اناسى.
تۋعان كٷننەن كەيٸن بٸر-ەكٸ كٷن ٶتكەن سوڭ, مەدەنيەت ٷيٸنٸڭ ەن ٷيٸرمەسٸنە اپارعان. ەرجاننىڭ ەنٸن تىڭداعان پەداگوگتار دا تاڭعالىپتى.
"ول "بالدەۋرەن" دەگەن بايقاۋعا قاتىستىرىپ كٶرەيٸك دەدٸ. وڭاي ەندەردٸ ۇسىندىق. بٸراق ەرجان ولاردى ۇناتپادى. "تۋعان ەل" دەگەن كٷردەلٸ ەندٸ بەردٸك. ەرٸپ تە تانىمايدى عوي ول كەزدە. تىڭداپ وتىرىپ, سٶزٸن جاتتاپ, سول بايقاۋعا قاتىسىپ, ەكٸنشٸ ورىن الدى. وسىنداي قيىن ەندٸ ساحنادان دا كٶرٸنبەيتٸن كٸشكەنتاي بالا, ايتىپ بەرگەندە جۇرتتىڭ بەرٸ كٷلدٸ. بٸراق ٶنەرٸنە تەنتٸ بولىپ, قول شاپالاقتادى", - دەيدٸ گٷلميرا ەلٸبەك.
ەرجاننىڭ ٶنەر جولى وسى بايقاۋدان باستالىپتى. وبلىستىق, رەسپۋبليكالىق بايقاۋلاردا شىڭدالىپ, جوعارى دەڭگەيگە جەتكەن.
ەرجاننىڭ وتباسى
"ەرجاننىڭ اتاسى كەزٸندە ەن ايتقان. ەلٸ كٷنگە دەيٸن گورموشكا, دومبىرامەن ەن ايتادى. مەنٸڭ ەكەم دە اككوردەوندا ويناپ, ەن شىرقايدى. جولداسىم دا, مەن دە, قىزدارىم دا كەسٸبي مۋزىكانت بولماعانمەن, حابارىمىز بار",- دەيدٸ ەرجاننىڭ اناسى.
ەرجاننىڭ اتا-اناسى بالاسىنىڭ ٶنەردەگٸ قادامدارىن قولداۋ ٷشٸن ماماندىعى بويىنشا جۇمىس ٸستەمەيدٸ ەكەن.
"مەن - پسيحولوگپىن. ماماندىعىم بويىنشا قىزمەت ٸستەدٸم. قازٸر ەرجان ٶنەر جولىنا كەلگەلٸ جۇمىسىمدى قويىپ, ەرجانمەن جٷرمٸن. ەكەسٸ دە ەرجان ٷشٸن جۇمىسىن قويدى. بٸراق قوسىمشا جۇمىسى بار, تاكسي جٷرگٸزۋشٸسٸ بولى ٸستەيدٸ. ەرجاننىڭ ەكٸ ەپكەسٸ بار. ەرجان دٷنيەگە كەلگەندە بەرٸ ەنشٸ تۋدى دەپ ايتقان بولاتىن. ٶيتكەنٸ داۋسى زور بولدى. 3 جاسىندا كەز كەلگەن ەنگە قوسىلا كەتكەندە, تاڭعالىپ وتىراتىنبىز. دوستارىمىز ٶتە تالانتتى دەپ ايتا باستادى", - دەدٸ گٷلميرا ەلٸبەك.
ەرجاننىڭ الداعى جوسپارى
ەرجان ماۋسىم ايىندا ٶتەتٸن مۋز-تۆ ارناسىنىڭ كونتسەرتٸنە شاقىرتۋ العان.
"ارمان دەۋلەتيياروۆ ٶزٸ حابارلاستى. "قازٸر امەريكادامىن, كٶرٸپ, ەستٸپ جاتىرمىن. قازاق باۋىرىمنىڭ وسىنداي ٷلكەن قوشەمەتكە بٶلەنٸپ جاتقانىن ەستٸپ, ٶتە ريزا بولدىم" دەدٸ. جازدا مۋز-تۆ پرەميياسىنا شاقىردى. ول وسى قۇرمەتكە لايىق. ديماشتىڭ دا وسى كونتسەرتكە قاتىساتىنىن ەستٸگەنبٸز. شاقىرعاندا تٶبەمٸز كٶككە جەتٸپ, سەنبەي قالدىق. مەن سٸزدەرمەن بٸرگەمٸن. ەرقاشان قولدايمىن دەدٸ. ەرجاننىڭ ٶزٸ جەكە ەن ورىنداۋى تيٸس", - دەيدٸ ەنشٸنٸڭ اناسى.
جوبادان سوڭ ەرجانعا بٸرنەشە ۇسىنىس تٷسكەن ەكەن. قازٸر ول وتباسىمەن بٸرگە تاڭداۋ جاساۋدا.
"لوندوننان حابارلاستى. بريتانييانىڭ ح-فاكتور جوباسىنا شاقىرتىپ جاتىر. ويلانىپ وتىرمىز. ساباقتارى قالىپ قويدى. ونىڭ ٷستٸنە, ەرجان اعىلشىن تٸلٸن وقۋى كەرەك. ەندٸ باستى ماقسات – ەرجاندى مۋزىكالىق مەكتەپكە بەرٸپ, بٸلٸمٸن شىڭداۋ. تٷسٸپ جاتقان ۇسىنىستاردى وتباسىمىزبەن, ماماندارمەن اقىلداسا وتىرا, شەشٸم قابىلدايمىز. "گولوس. دەتي" باعدارلاماسىنان بٶلەك, يۋنايتەد دەگەن كومپانييامەن بٸر جارىم جىلعا كەلٸسٸمشارت جاسادىق. ونىڭ اياسىندا جوبا فيناليستەرٸ تۋر جاسايدى. جوعارى كٶتەرٸلگەنٸ جاقسى عوي, بٸراق ەلٸمٸزدە بولسا ەكەن. ەلٸ كٸشكەنتاي, داۋسى سىنادى دەيدٸ عوي. سونداي كەزدەردەن ٶتۋ كەرەك. ەسەيە كەلە كٶرە جاتارمىز", - دەيدٸ گٷلميرا ەلٸبەك.
ەرجاننىڭ ٶزٸ 2 اي بويى ساباققا بارماعانىن ايتادى.
"بەرٸن ساعىندىم. اپايىم حابارلاسىپ, قۇتتىقتادى. سىنىپتاستىرىم دا ەرەكشە قۇتتىقتاپ جاتىر. كٶپ العىس ايتامىن", - دەيدٸ ەرجان.
ەرجان باعدارلاماعا اللا پۋگاچەۆا سىيلاعان القامەن كەلگەن. مەدەنيەت مينيسترٸمەن كەزدەسۋدە IPad mini پلانشەتٸن العانىن ايتتى. ونىڭ الدىندا "گولوس. دەتي" جوباسىندا Samsung پلانشەتٸن سىيلاعان. ەۆروۆيدەنيەنٸڭ ٸرٸكتەۋ كەزەڭٸندە Samsung تەلەفونىن الىپتى. بٸراق ەرجان Iphone-دى ٶزٸم الدىم دەپ كٷلەدٸ.
ايتا كەتەيٸك, 26 سەۋٸردە رەسەيدٸڭ بٸرٸنشٸ ارناسىندا "گولوس. دەتي" شوۋىنىڭ فينالى كٶرسەتٸلدٸ. داۋىس بەرۋ قورىتىندىسى بويىنشا ەنشٸ السۋدىڭ قىزى ميكەللا ابراموۆا جەڭٸسكە جەتتٸ. ال قازاقستاندىق ەنشٸ ەرجان ماكسيم ەكٸنشٸ ورىن يەلەندٸ. بٸراق كٶرەرمەندەر فينال ەدٸل ٶتپەگەنٸن ايتىپ, شۋ شىعاردى.
كٶپتەگەن رەسەيلٸك ەرتٸستەر قازاقستاندىق ەنشٸگە قولداۋ بٸلدٸرٸپ, ونى ناعىز جەڭٸمپاز دەپ بٸلەتٸنٸن ايتتى.
