«قازاق گازەتتەرٸ» جشس-نە جاڭا باس ديرەكتور تاعايىندالدى. كومپانييانى بۇدان بىلاي ەرجان ايتٶرەۇلى بايتٸلەس باسقارادى, دەپ حابارلايدى ult.kz.
ەرجان بايتٸلەس 1981 جىلى قىزىلوردا وبلىسىندا دٷنيەگە كەلگەن. ەل-فارابي اتىنداعى قازاق ۇلتتىق ۋنيۆەرسيتەتٸن جۋرناليستيكا ماماندىعى بويىنشا تامامداعان.
ول ەڭبەك جولىن جۋرناليستيكا سالاسىنان باستاپ, «الماتى اقشامى», «التى الاش», «انا تٸلٸ», «Egemen Qazaqstan» سەكٸلدٸ رەسپۋبليكالىق باسىلىمداردا تٸلشٸ بولىپ جۇمىس ٸستەگەن.
2008-2011 جىلدارى «انا تٸلٸ» گازەتٸنٸڭ باس رەداكتورىنىڭ بٸرٸنشٸ ورىنباسارى قىزمەتٸن اتقاردى. كەيٸن «Egemen Qazaqstan» گازەتٸنٸڭ مەنشٸكتٸ تٸلشٸسٸ بولدى.
2018-2019 جىلدارى «Nur Otan» پارتيياسى قىزىلوردا وبلىستىق فيليالى تٶراعاسىنىڭ ورىنباسارى قىزمەتٸن اتقارعان.
2019 جىلى پرەزيدەنتتٸڭ باسپاسٶز قىزمەتٸ سەكتورىنىڭ مەڭگەرۋشٸسٸ بولىپ تاعايىندالدى. 2021-2023 جىلدارى مەملەكەتتٸك كەڭەسشٸ حاتشىلىعى مەڭگەرۋشٸسٸنٸڭ ورىنباسارى قىزمەتٸن اتقاردى.
2023 جىلدان بەرٸ قر پرەزيدەنتٸنٸڭ باسپاسٶز حاتشىسىنىڭ ورىنباسارى قىزمەتٸن اتقارىپ كەلگەن.
ايتا كەتەيٸك, «قازاق گازەتتەرٸ» جشس-ٸن 2022 جىلدان بەرٸ پروفەسسور, ۇعا اكادەميگٸ ديحان قامزابەكۇلى باسقارعان.
