«Qazaq gazetteri» JShS-ne jańa bas direktor taǵaiyndaldy. Kompaniiany budan bylai Erjan Aitóreuly Baitiles basqarady, dep habarlaidy ult.kz.
Erjan Baitiles 1981 jyly Qyzylorda oblysynda dúniege kelgen. Ál-Farabi atyndaǵy Qazaq ulttyq ýniversitetin jýrnalistika mamandyǵy boiynsha tamamdaǵan.
Ol eńbek jolyn jýrnalistika salasynan bastap, «Almaty aqshamy», «Alty Alash», «Ana tili», «Egemen Qazaqstan» sekildi respýblikalyq basylymdarda tilshi bolyp jumys istegen.
2008-2011 jyldary «Ana tili» gazetiniń bas redaktorynyń birinshi orynbasary qyzmetin atqardy. Keiin «Egemen Qazaqstan» gazetiniń menshikti tilshisi boldy.
2018-2019 jyldary «Nur Otan» partiiasy Qyzylorda oblystyq filialy tóraǵasynyń orynbasary qyzmetin atqarǵan.
2019 jyly Prezidenttiń baspasóz qyzmeti sektorynyń meńgerýshisi bolyp taǵaiyndaldy. 2021-2023 jyldary Memlekettik keńesshi Hatshylyǵy meńgerýshisiniń orynbasary qyzmetin atqardy.
2023 jyldan beri QR Prezidentiniń baspasóz hatshysynyń orynbasary qyzmetin atqaryp kelgen.
Aita keteiik, «Qazaq gazetteri» JShS-in 2022 jyldan beri professor, UǴA akademigi Dihan Qamzabekuly basqarǵan.
