قىرعىزستاندا تىنىشتىق كٷنٸ ورنادى, كانديداتتاردىڭ سايلاۋالدى ٷگٸتتەۋٸ 3 قازان تٷنٸندە اياقتالعان. بۇل تۋرالى كابار اگەنتتٸگٸ حابارلادى.
بۇل كٷنٸ ساياسي پارتييالاردىڭ ٷگٸتتەۋ ناۋقانىن ٶتكٸزۋگە قۇقىعى جوق.
سونداي-اق, ٷگٸتتەۋدٸ قىرعىز رەسپۋبليكاسىنداعى وسك ٷگٸتتەۋ ٷشٸن اككرەديتتەلگەن بۇقارالىق اقپارات قۇرالدارى مەن ينتەرنەت-باسىلىمداردىڭ دا ٷگٸت جٷرگٸزۋگە قۇقىعى جوق.
تىنىشتىق كٷنٸن بۇزۋ جاعدايىندا وسك سايلاۋ پروتسەسٸنٸڭ قاتىسۋشىلارى بۇزۋشىعا قاتىستى شارالار قولدانۋعا قۇقىلى.
قىرعىزستاندا جوگوركۋ كەنەش دەپۋتاتتارىن سايلاۋ 2020 جىلدىڭ 4 قازانىنا بەلگٸلەنگەن.
وعان بارلىعى 16 پارتييا قاتىسىپ وتىر: «اتا-مەكەن», «بير-بول», «بيريمديك», «زامانداش», «قىرعىزستان», «مەكەنٸم قىرعىزستان», «مەكەنٸم ىنتىماعى», «مەكەنچيل», «وردو», اۋعان سوعىسىنداعى ارداگەرلەر مەن باسقا دا جەرگٸلٸكتٸ جاۋىنگەرلٸك ۇرىستارعا قاتىسۋشىلار پارتيياسى , «رەسپۋبليكا», «رەفورما», «سوتسيال-دەموكراتتار», «چون كازات», «ىيمان نۋرۋ», «بۋتۋن قىرعىزستان».
سايلاۋعا 3 ملن 523 مىڭ. 554 سايلاۋشى تٸركەلگەن. ەلدٸڭ سىرتقى ٸستەر مينيسترلٸگٸنٸڭ جەلٸسٸ بويىنشا, شەتەلدە 32 مىڭ 602 ادام داۋىس بەرەدٸ.
