ەرتەڭ, 5 ماۋسىمنان 6-سىنا قاراعان تٷنٸ ايدىڭ تۇتىلۋى بولادى. تابيعي قۇبىلىستى بارشا قازاقستاندىقتار كٶرە الادى. بۇل تۋرالى ماناش قوزىباەۆ اتىنداعى سولتٷستٸك قازاقستان مەملەكەتتٸك ۋنيۆەرسيتەتٸنٸڭ پروفەسسورى اندرەي سولودوۆنيك ايتىپ بەردٸ, دەپ حابارلايدى Sputnik قازاقستان.
ايدىڭ تۇتىلۋىن قالاي كٶرۋ كەرەك?
"5 ماۋسىم – جۇما كٷنٸ تولعان اي بولادى, ودان كەيٸن جارتىلاي كٶلەڭكەلٸ ايدىڭ تۇتىلۋى باستالادى. ونىڭ ماكسيمالدى فازاسى, ياعني ايدىڭ كٷن كٶلەڭكەسٸنە كٸرۋ تەرەڭدٸگٸ 0,59 بولادى. نەگٸزٸ, ايدىڭ تۇتىلۋىن جيٸ كٶرۋگە بولادى. ول كەزدە اسپانداعى اي پلانەتامىزدىڭ دەل ورتاسىندا تۇرادى", - دەدٸ سولودوۆنيك.
سوندىقتان قيىر سولتٷستٸكتەن باسقا ەۋرازييا تۇرعىندارىنىڭ تٷگەلٸ دەرلٸك وسى تابيعي قۇبىلىستى تاماشالاي الادى. دەگەنمەن, ايدىڭ تۇتىلۋىن كٶرۋ ٷشٸن بٸرشاما دايىندىق كەرەك.
عالىمنىڭ ايتۋىنشا, اي باتىستان شىعىسقا قاراي جىلجىپ, جەردٸڭ كٷڭگٸرت كٶلەڭكەسٸنٸڭ سولتٷستٸك جاعى ارقىلى ٶتەدٸ. جارتىلاي كٶلەڭكەلٸ ايدىڭ تۇتىلۋى ٷش ساعاتتان اسادى.
"ەرتەڭگٸ تۇتىلۋ تٷنگٸ ساعات 23:43-تە باستالىپ, 03:06-عا دەيٸن جالعاسادى. ول كەزدە 6 ماۋسىم بولادى. ال ساعات 1:25-تە اي كٷڭگٸرت كٶلەڭكەنٸڭ ماكسيمالدى تەرەڭدٸگٸنە كٸرەدٸ. وسى تۇتىلۋدى كٶرۋ ٷشٸن جاقسى بينوكل نەمەسە تەلەسكوپ كەرەك. سەبەبٸ اي كٷڭگٸرت كٶلەڭكەگە كٸرگەندە قاراڭعىلىق تٷسپەيدٸ, ايدىڭ جارىعى سولعىن تارتادى", - دەپ اتاپ كٶرسەتتٸ سولودوۆنيك.
كەلەسٸ تۇتىلۋى قاشان بولادى?
جالپى, بيىل التى تۇتىلۋ بولادى. ەكٸ رەت كٷن تۇتىلسا, اي تٶرت رەت تۇتىلادى. ايدىڭ تۇتىلۋى قاڭتار, ماۋسىم, شٸلدە مەن قاراشاعا تٷسٸپ وتىر. ال كٷننٸڭ تۇتىلۋى ماۋسىم مەن جەلتوقساندا بولادى. ەرتەڭ ايدىڭ تۇتىلۋى كٶرٸنسە, 21 ماۋسىمدا كٷننٸڭ تۇتىلۋىن كٶرۋگە بولادى.
"وسىلايشا, 21 ماۋسىمدا ٷشٸنشٸ تۇتىلۋ بولادى. ول ساقينا تەرٸزدٸ. كٷن تۇتىلۋ فازاسى افريكا, ساۋد ارابيياسى, پەكٸستان, ٷندٸستاننىڭ سولتٷستٸگٸ جەنە قىتايدىڭ وڭتٷستٸك پروۆينتسييالارى ارقىلى ٶتەدٸ. تۇتىلۋدىڭ ماكسيمالدى فازاسى - 0,994, ال ساقينا تەرٸزدەس فازاسىنىڭ ۋاقىتى 38 سەكۋند بولادى", - دەيدٸ سولودوۆنيك.
عالىمنىڭ سٶزٸنە قاراعاندا, كٷننٸڭ تۇتىلۋى ەۋرازييانىڭ بٸراز بٶلٸگٸندە, سونىڭ ٸشٸندە قازاقستاندا تٷسكە تامان كٶرٸنەدٸ.
