قازاقستان - سىرتقى ساياسي ارەنادا جاۋى جوق ەلەمدەگٸ ساناۋلى ەلدٸڭ بٸرٸ. بۇل تۋرالى ساياسي عىلىمدار دوكتورى ەرمۇحامەت ەرتٸسباەۆ ايتتى, دەپ حابارلايدى قازاقپارات.
بٷگٸن Sputnik قازاقستان اقپارات اگەنتتٸگٸنٸڭ Facebook پاراقشاسىندا ٶتكەن ۆيدەوكٶپٸر بارىسىندا «قازاقستاندا ۇلتتىق جەنە دٸني مەسەلەلەر قالاي شەشٸلەدٸ? قازاقستاندا راديكالدى يسلام مەن ۇلتشىلدىق بار ما? قازاقستانداعى ورىس مەدەنيەتٸ ٷشٸن قاۋٸپ بار ما?» دەگەن ساۋالدار قويىلعان بولاتىن.
«جۇمسارتىپ ايتقاندا رەسەيمەن بەلگٸلٸ بٸر دەڭگەيدە شيەلەنٸس بولعان ەلدەردٸ قازٸر اتاپ ٶتپەي-اق قويايىن. مەنٸڭشە, شيەلەنٸس ويلانباي جٷرگٸزٸلگەن تٸل ساياساتى مەن تاريحي شىندىقتى بۇرمالاۋعا تىرىسۋدان تۋىنداعان. بۇل - تٷبەگەيلٸ انىق جايت. وسى تۇرعىدان العاندا ساياساتكەر ەرٸ ساياساتتانۋشى رەتٸندە بٸزدە مۇنىڭ بەرٸ تىڭعىلىقتى ويلاستىرىلعانىن اتاپ ٶتە الامىن. بٸزدە قازاق تٸلٸ - مەملەكەتتٸك تٸل, ال ورىس تٸلٸ – ۇلتارالىق قارىم-قاتىناس تٸلٸ. كونستيتۋتسييادا ول مەملەكەتتٸك تٸلمەن بٸردەي قولدانىلادى دەپ بەكٸتٸلگەن. ەسٸمدە, 1997 جىلى بٸر توپ دەپۋتاتتارىمىز كونستيتۋتسييالىق كەڭەسكە «بٸردەي سٶزٸ نەنٸ بٸلدٸرەدٸ?» دەگەن ساۋالمەن جٷگٸنگەن بولاتىن. كونستيتۋتسييالىق كەڭەس «بٸردەي سٶزٸ مەملەكەتتٸك تٸلدەگٸدەي مەرتەبەگە يە» دەپ ناقتى جاۋاپ بەردٸ. وسى رەتتە ەلباسى نۇرسۇلتان نازارباەۆ تمد-نٸڭ ٶزگە رەسپۋبليكالارىندا اۋماق جوعالتۋعا, تۋراسىن ايتقاندا سوعىسقا الىپ كەلگەن قاتەلٸكتەردەن جالتارۋىمىزدى جٸتٸ قاداعالاپ وتىردى», - دەدٸ ساۋالعا جاۋاپ بەرگەن ەرمۇحامەت ەرتٸسباەۆ.
سونىمەن قاتار ول قازاقستان ەلورداسى دٸني كونفەسسييالاردىڭ ديالوگ الاڭىنا اينالعانىن, بٷكٸل ەلەمنٸڭ دٸن ٶكٸلدەرٸ سەزدە باس قوساتىندىعىن اتاپ ٶتتٸ.
«بۇل دا - نۇرسۇلتان نازارباەۆتىڭ باستاماسى بولاتىن. سىرتقى ساياسات – ٸشكٸ ساياساتتىڭ جالعاسى. بۇل - جالپىعا مەلٸم فاكتٸ. ەگەر بٸز ەلدٸڭ ٸشٸندە ۇلتارالىق كەلٸسٸمدٸ, ەتنوسارالىق, كونفەسسيياارالىق ديالوگتى ٷنەمٸ رەسمي مەلٸمدەپ وتىرساق, وندا بۇل سىرتقى ساياساتتا دا كٶرٸنٸس تابادى. قازاقستان - سىرتقى ساياسي ارەنادا جاۋى جوق ەلەمدەگٸ ساناۋلى ەلدەردٸڭ بٸرٸ. يسلام فۋندامەتاليزمٸنە قاتىستى ايتار بولسام, بٸزدە ٶزگە ەلدەردەگٸدەي ٷلكەن قاۋٸپ جوق. بٸز ۇلتتىق قاۋٸپسٸزدٸككە باسىمدىق بەرەمٸز. بۇل - مەملەكەتتٸلٸكتٸڭ بٸرٸنشٸ باعانى. تيٸستٸ قىزمەتتەر مەن ۇلتتىق قاۋٸپسٸزدٸك كوميتەتٸ ناقتى جۇمىس جٷرگٸزٸپ جاتىر. بٸزدە دە يسلام فۋندامەنتاليزمٸ, تەرروريزم فاكتٸلەرٸ ورىن العانىمەن, دەر ۋاقىتىندا جولى كەسٸلدٸ. مەنٸڭشە, بۇل ايتارلىقتاي قاۋٸپ سانالمايدى. دەگەنمەن, تامىر بٷلكٸلٸن باقىلاۋدا ۇستاپ وتىرمىز», - دەدٸ سپيكەر.
