مەملەكەتتٸك ورگانداردا دەسترۋكتيۆتٸ دٸني اعىمداردىڭ ٶكٸلدەرٸ بايقالعان جوق. بۇل تۋرالى بٷگٸن پارلامەنت مەجٸلٸسٸندەگٸ ٷكٸمەت ساعاتىنىنان كەيٸن قر دٸن ٸستەرٸ جەنە ازاماتتىق قوعام مينيسترٸ نۇرلان ەرمەكباەۆ مەلٸم ەتتٸ, دەپ حابارلايدى قازاقپارات.
«دەسترۋكتيۆتٸ تٷرلٸ دٸني اعىمداردىڭ ٶكٸلدەرٸنە توقتالاتىن بولساق, ولار ەلٸمٸزدە بار جەنە وسى ادامدارمەن تيٸستٸ تٷسٸندٸرۋ جۇمىستارى جٷرٸپ جاتىر. بۇل ولاردىڭ جەكە ٶزدەرٸنٸڭ جاڭىلىسۋى, سونداي-اق دٸندٸ دۇرىس تٷسٸنبەۋدٸڭ سيپاتى. الايدا وسى ادامداردىڭ مەملەكەتتٸك ورگانداردا قىزمەت ەتۋٸ جايىندا بٸلمەيمٸن. مەنٸڭ ويىمشا, مەمورگانداردا وسىنداي ادامدار جوق», - دەدٸ مينيستر تٸلشٸلەر ساۋالىنا جاۋاپ بەرۋ كەزٸندە.
مەجٸلٸستەگٸ ٷكٸمەت ساعاتى بارىسىندا ن. ەرمەكباەۆ كونستيتۋتسييا مەن زاڭدار بويىنشا بارلىق دٸندەر تەڭ بولىپ وتىرعانىن, بٸردە بٸر دٸن ٶزگە دٸندەر الدىندا ارتىقشىلىققا يە ەمەس ەكەنٸن ەسكە سالىپ ٶتتٸ.
«بٷگٸنگٸ كٷنٸ دٸني بٸرلەستٸكتەرمەن بٸرگە ەڭسەرەتٸن بٸرقاتار سىن-قاتەرلەر تۇر. بٸرٸنشٸدەن, سوڭعى جىلدارى ازاماتتار دٸنشٸلدٸگٸنٸڭ جىلدام ٶسۋٸ - دٸني مەدەنيەتتٸڭ دۇرىس قالىپتاسۋىنان جەنە دٸني دوگمالاردى سىني قابىلداۋدان وزىپ كەتتٸ. كەيبٸر دٸنشٸل ادامدار دٸني قاعيدالاردى سٶزبە-سٶز بۇلجىتپاي ورىنداپ, زاڭدار مەن زايىرلى عيبراتتارىنان جوعارى ورىنعا قويىپ وتىر. بۇل وتباسىنداعى, سونداي-اق جالپى مەملەكەتتٸك كٷردەلٸ سىن-قاتەرلەردٸڭ, شيەلەنٸستەردٸڭ شىعۋ كٶزٸ», - دەيدٸ ن.ەرمەكباەۆ.
بۇدان بٶلەك ول ەلٸمٸزدٸڭ دٸني اۋديتوريياسىنا سىرتقى تەرٸس ىقپالدار كٷشەيگەنٸن سٶز ەتتٸ. بۇعان اقپاراتتىق كەڭٸستٸكتٸڭ اشىقتىعى جەنە جاھاندانۋ پروتسەستەرٸ ىقپال ەتۋدە. ينتەرنەت, ەلەۋمەتتٸك جەلٸلەر مەن باسقا دا كوممۋنيكاتسييالىق قۇرالدار تۇرعىندار ساناسىنا جاپپاي يدەولوگييالىق ەسەر ەتۋگە مٷمكٸندٸك بەرەدٸ.
