ٶزبەكستاننىڭ فەرعانا قالاسىندا ٶزدەرٸنٸڭ جاڭا تۋعان سەبيٸن ساتپاق بولعان ەرلٸ-زايىپتى بەس جىلعا باس بوستاندىعىنان ايىرىلدى. تەرگەۋ مەلٸمەتٸنشە, ولار بۇل قادامعا قارجىلىق قيىندىقتار مەن جينالعان نەسيەلەرٸن ٶتەۋ ٷشٸن بارعان, دەپ حابارلايدى ult.kz.
ٸس ماتەريالدارىنا سەيكەس, ەر ادام مەن ەيەل 2024 جىلى تانىسىپ, تۋىستارىنىڭ كەلٸسٸمٸنسٸز دٸني نەكەگە تۇرعان. كەيٸن ولاردىڭ بٸر ۇلى دٷنيەگە كەلگەن. الايدا ۋاقىت ٶتە كەلە وتباسىندا جانجالدار جيٸلەپ, قارجىلىق قيىندىقتار كٷشەيگەن. ەرلٸ-زايىپتىلاردىڭ ەكەۋٸنٸڭ دە قارىزى بولعاندىقتان, ولار بالانى ساتۋ تۋرالى شەشٸم قابىلداعان.
سوتتا ەيەل بۇل شەشٸمگە تۇرمىستىق قيىندىقتار ەسەر ەتكەنٸن ايتقان. ونىڭ سٶزٸنشە, ەكەسٸمەن بولعان جانجالدان كەيٸن سەبيٸمەن بٸرگە ٷيدەن كەتۋگە مەجبٷر بولعان. وسى كەزدە بٸر ەيەل بالانى باسقا وتباسىعا بەرۋدٸ ۇسىنىپ, كەيٸن ول ٷشٸن اقشا تٶلەۋگە دايىن ەكەنٸن جەتكٸزگەن. ەيەل بۇل ۇسىنىستى كٷيەۋٸنە ايتقاندا, باستاپقىدا ول قارسى بولعانىمەن, كەيٸن ەكەۋٸ كەلٸسٸمگە كەلگەن.
ايىپتالۋشىنىڭ ايتۋىنشا, ولار ساۋدادان تٷسەتٸن اقشامەن شامامەن 6 ميلليون سۋم كٶلەمٸندەگٸ نەسيەسٸن ٶتەۋدٸ جوسپارلاعان. سونداي-اق كٷيەۋٸنٸڭ دە قارىزدارى بولعان. قالعان قاراجاتقا شەتەلگە بارىپ جۇمىس ٸستەپ, باسپانا سالۋدى جەنە كەسٸبٸنە ينۆەستيتسييا قۇيۋدى كٶزدەگەنٸن ايتقان.
الايدا قۇقىق قورعاۋ ورگاندارى مەمٸلە جٷزەگە اسپاي تۇرىپ ارنايى وپەراتسييا جٷرگٸزٸپ, ەرلٸ-زايىپتىلاردى اقشا الىپ جاتقان سەتتە ۇستادى. ولارعا ٶزبەكستان قىلمىستىق كودەكسٸنٸڭ ادام ساۋداسىنا قاتىستى بابى بويىنشا ايىپ تاعىلدى. سوت ەكەۋٸن دە بەس جىلعا باس بوستاندىعىنان ايىرۋ تۋرالى ٷكٸم شىعاردى.
