ەكٸم سايلاۋى ٶتكەن اۋىلداردىڭ كٶبٸندە ناۋقان الدىندا ٶزٸندٸك «پرايمەريز» ٶتكەن. مەجٸلٸس دەپۋتاتى, ۇلتتىق قوعامدىق سەنٸم كەڭەسٸنٸڭ مٷشەسٸ ەرلان سايروۆ كەشەگٸ ٶتكەن سايلاۋدان وسىنداي وي تٷيٸپ قايتقان, دەپ حابارلايدى قازاقپارات.
«بۇل بٸزدٸڭ ەلٸمٸزدٸڭ ساياسي تاريحىنداعى ٷلكەن بٸر بەلەس دەپ ايتۋعا ٷلكەن نەگٸز بار. 30 جىلدىڭ ٸشٸندە قازاقستان حالقى ٶزٸنٸڭ ەكٸمدەرٸن تٸكەلەي سايلاپ الۋ قۇقىعىنا يە بولىپ وتىر. بۇل بٸرٸنشٸدەن, حالقىمىزدىڭ ساياسي مەدەنيەتٸن ٶسٸرۋگە الىپ كەلەدٸ. ەكٸنشٸدەن, ايماقتاردا ساياسي پليۋراليزمنٸڭ دامۋىنا ٶتە تەرەڭ ٸرگەتەس قالايتىنى انىق. 15 كٷندەي ايماقتاردى ارالاپ قايتتىق. سول كەزدە اۋىل ەكٸمدەرٸن سايلاۋ پروتسەسٸنە جان-جاقتى ساراپتاما جاسادىق. حالىقتىڭ قىزىعۋشىلى ٶتە جوعارى. شىنىن ايتۋ كەرەك, قازاق ٶز تاعدىرىنا كەلگەندە ٶتە جاۋاپتى قارايدى», - دەيدٸ دەپۋتات.
ۇلتتىق كەڭەس مٷشەسٸ مۇنداي قىزىعۋشىلىق, مەنٸڭ ويىمشا, تٸپتٸ پارلامەنت سايلاۋى كەزٸندە دە بولماعانىن ايتادى.
«ٶيتكەنٸ اۋىل ازاماتتارى ەكٸمگە داۋىس بەرۋ ارقىلى ٶزٸنٸڭ بولاشاعىن, اۋىلدىڭ دامۋ جولىن سايلايتىنىن تٷسٸنگەندٸكتەن, بۇل ناۋقانعا ٶتە جاۋاپتى كەلدٸ. سونىمەن بٸرگە, كانديداتتارعا دەگەن نازارى دا ەرەكشە بولدى. مەنٸڭ تٷسٸنگەنٸم, ٶز ٸشتەرٸنەن كانديدات ۇسىنباس بۇرىن ەربٸر اۋىلدا ٶزٸنشە بٸر پرايمەريز بولعان. ياعني, كٸم لايىقتى دەگەن مەسەلەدەن باستاعان سايلاۋعا جۇمىلۋدى. لايىقتى ادامداردىڭ ٸشٸندە دە سۇرىپتاۋ بولعان. قازٸر ايتىپ جاتىرمىز عوي, 2 298 كانديدات بولدى دەپ. نەگٸزٸندە كانديداتتاردىڭ تٸزٸمٸ 5-6 مىڭنان دا اسقان. سونىڭ ٸشٸندە ٸرٸكتەلگەندەرٸ عانا تٸركەۋگە قاتىسقان», - دەيدٸ مەجٸلٸس ٶكٸلٸ.
ەرلان سايروۆ وسى سايلاۋدا اۋىل حالقىنىڭ جاستارعا ٷمٸت ارتاتىنىن ايرىقشا بايقاعانىن ايتادى.
«تاعى بٸر ەرەكشەلٸگٸ, سايلاۋشىلاردىڭ ٶزدەرٸ جاستارعا ورىن بەرۋٸمٸز كەرەك دەگەن تالاپتى العا تارتتى. مەنٸ سول تاڭعالدىردى. ياعني, حالىقتىڭ ٶزٸ جاستار ٸستەسٸن دەگەن تالاپ قويىپ, شەك بەلگٸلٸەپ تاستاعان. بۇل ەش جەردە جازىلعان زاڭ بولماسا دا, ٸشكٸ ۇستانىمدارىن وسىلاي قالىپتاستىرعان. مىسالى, كەشە مەن ماڭعىستاۋ وبلىسىنىڭ تٷپقاراعان اۋدانىنداعى اقشۇڭقىر اۋىلىندا بولدىم. سول جەردەگٸ ٷمٸتكەر ەركەبۇلان دەگەن جٸگٸت 32-دە ەكەن. ونىڭ باستى ماقساتى – اقشۇڭقىر اۋىلىنىڭ ينفراقۇرىلىمىن جانىنداعى اقتاۋدىڭ دەڭگەيٸنە جەتكٸزۋ. مەنٸڭ ويىمشا, وسى سايلاۋدان كەيٸن اۋىل ەكٸمدەرٸنٸڭ جاسى بٸراز جاسارادى», - دەيدٸ ساراپشى.
