فوتو: Akorda.kz
ەرلان قوشانوۆ مەجٸلٸس تٶراعاسى بولىپ قايتا سايلاندى, دەپ حابارلايدى "ۇلت اقپارات".
پلەنارلى وتىرىستا جاڭادان سايلانعان دەپۋتاتتار انت بەرگەننەن كەيٸن تٶمەنگٸ پالاتا تٶراعالىعىنا ەرلان قوشانوۆتىڭ كانديداتۋراسى ۇسىنىلدى. تٶراعا لاۋازىمىنا ٷمٸتكەرلەر بويىنشا باسقا ۇسىنىستار تٷسكەن جوق.
ساناق كوميسسيياسىنىڭ حاتشىسى ناتاليا دەمەنتەۆا پارلامەنت مەجٸلٸسٸنٸڭ تٶراعاسىن سايلاۋ بويىنشا جاسىرىن داۋىس بەرۋدٸڭ تەرتٸبٸ تۋرالى ايتتى. ارتىنشا دەپۋتاتتارعا بيۋللەتەندەر تاراتىلىپ بەردٸ. ولار ۇسىنىلعان كانديداتتى قولداپ نەمەسە قارسى بولىپ داۋىس بەرەدٸ. بەلگٸلەنبەگەن بيۋللەتەندەر جارامسىز بولىپ سانالادى. داۋىس بەرۋگە 20 مينۋت بەرٸلدٸ.
كەيٸن ساناق كوميسسيياسىنىڭ تٶراعاسى جاناربەك ەشٸمجان نەتيجەنٸ جارييالادى.
«داۋىس بەرۋ ٷشٸن دەپۋتاتتارعا 98 بيۋللەتەن بەرٸلدٸ. جاقتاعاندار - 98, قارسى بولعاندار - جوق. مەجٸلٸس تٶراعاسىن سايلاۋ بويىنشا ەرلان قوشانوۆقا داۋىس بەرۋدٸڭ حاتتاماسى ۇسىنىلدى», - دەدٸ ول.
سونىمەن قاتار مەجٸلٸستٸڭ جالپى وتىرىسىندا پالاتا تٶراعاسىنىڭ ورىنباسارلارى سايلاندى. سپيكەر ەرلان قوشانوۆ بۇل لاۋازىمعا "اماناتتىق" البەرت راۋ مەن "اق جول" ٶكٸلٸ دانييا ەسپاەۆانىڭ كانديداتۋرالارىن ۇسىندى. تٶمەنگٸ پالاتا مٷشەلەرٸ ەكٸ كانديداتۋرانى دا قولداپ داۋىس بەردٸ.
ەسكە سالايىق, البەرت راۋ - مەجٸلٸستٸڭ VI جەنە VII شاقىرىلىمدارىنىڭ دەپۋتاتى. سوڭعى شاقىرىلىمدا ەكونوميكالىق رەفورما جەنە ٶڭٸرلٸك دامۋ كوميتەتٸنٸڭ تٶراعاسى قىزمەتٸن اتقارعان.
ال دانييا مەديقىزى - مەجٸلٸستٸڭ VII شاقىرىلىمىنىڭ دەپۋتاتى. 2019 جىلعى سايلاۋدا پرەزيدەنتتٸككە كانديدات بولدى. دەپۋتاتتىق قىزمەتكە دەيٸن 1982 جىلدان باستاپ بانك جٷيەسٸندە جۇمىس ٸستەگەن. بانكتەردەگٸ جالپى ەڭبەك ٶتٸلٸ - 34 جىل, ونىڭ 17 جىلى باسشىلىق قىزمەتتەردە بولعان.
