قاراعاندى وبىسىندا العاش رەت تۇرعىن ٷي قۇرىلىسى اۋداندارىنا كوممۋنيكاتسييا ٶتكٸزۋگە 2 ملرد تەڭگەدەن استام قاراجات جۇمسالادى, دەپ حابارلايدى "ۇلت اقپارات" وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
«نۇرلى جەر» باعدارلاماسىن جٷزەگە اسىرۋدىڭ باسىم باعىتتارىنىڭ بٸرٸ - جەكە تۇرعىن ٷي قۇرىلىسىن دامىتۋ. جەرگٸلٸكتٸ اتقارۋشى بيلٸك قۇرىلىس اۋداندارىنا ينجەنەرلٸك-كوممۋنيكاتسييالىق ينفراقۇرىلىم (يكي) ٶتكٸزۋدٸ قامتاماسىز ەتۋگە مٸندەتتٸ.
قاراعاندى وبلىسىنىڭ ەكٸمٸ ەرلان قوشانوۆ بۇل جۇمىستاردى باقىلاۋدا ۇستاپ وتىر. وعان قاتىستى ەسەپ كەزەكتٸ اپپاراتتىق جينالىستا تىڭدالدى.
- قوسىمشا بٶلٸنگەن قاراجاتتى ەسكەرە كەلە, بٷگٸنگٸ تاڭدا وبلىستا يكي ٶتكٸزۋدٸ قارجىلاندىرۋ 2,1 ملرد تەڭگەنٸ قۇرايدى, - دەپ حابارلادى وبلىس ەكٸمٸنٸڭ بٸرٸنشٸ ورىنباسارى اسىلبەك دٷيسەباەۆ.
جەزقازعاندا بيىلعى جىلى 670 جەر ۋچاسكٸلەرٸ تاپسىرىلدى. الايدا ٶتكەن جىلدارى ٶتٸنٸش بەرۋشٸلەر كەزەككە تۇراردا جسن بەلگٸلەمەگەندٸكتەن, رەسٸمدەۋگە قاتىستى قيىندىقتار تۋىندادى. قازٸر ولاردىڭ زاڭدى ەكەندٸكتەرٸن تەكسەرۋ جٷرگٸزٸلۋدە.
قاراعاندىدا 3500-گە جۋىق جەر ۋچاسكٸلەرٸن تاپسىرۋ جوسپارلانعان, ونىڭ ٸشٸندە جاڭالارى – 756, وسىعان دەيٸن بەرٸلگەندەرٸ – 2700-دەن اسادى. ولارعا كوممۋنيكاتسييالار ٶتكٸزٸلەدٸ.
اپپاراتتىق جينالىستا بالقاش قالاسىنىڭ باسىشىلىعى سىنعا الىندى. مۇندا يكي ٶتكٸزۋگە قاجەتتٸ سوما تابىلماعان. دەگەنمەن ٶتكەن جىلى قالا باسشىلىعى جول جٶندەۋگە بٶلٸنگەن قاراجاتتى يگەرە الماي, وبلىستىق قازىناعا قايتارعان بولاتىن. وسى سەبەپتٸ جەكە تۇرعىن ٷي قۇرىلىسىن دامىتۋعا قاتىستى پروبلەمالار قالىپ وتىر.
- بۇل مەسەلەنٸ زەرتتەپ شىعىپ, كٸمنٸڭ كٸنەسٸنەن بولعانىن بالقاشتىقتارعا جارييالاۋ كەرەك. ەدەمٸ سٶيلەي بٸلۋ – جاقسى جۇمىس ٸستەۋمەن تەڭ ەمەس, - دەپ نارازىلىعىن بٸلدٸردٸ ەرلان قوشانوۆ.
