"قازاقستان" رترك" اق باسقارما تٶراعاسى ەرلان قارين ٶزٸنٸڭ فەيسبۋك جەلٸسٸندەگٸ پاراقشاسىندا ۇلتتىق ارنانىڭ 2017 جىلعى جۇمىس بارىسى تۋرالى مەلٸمدەمە جاسادى, دەپ حابارلايدى "ۇلت اقپارات". ول ٶز جازباسىندا ناقتى ساندار كەلتٸرە وتىرىپ ٶتكەن جىلدىڭ قورىتىندى كٶرسكەتكٸشتەرٸنە توقتالدى.
"2017 جىل «Qazaqstan» تەلەارناسى ٷشٸن وڭاي بولا قويعان جوق, سەبەبٸ, جالپى تەلەنارىقتا تەلەكٶرسەتٸلٸم دەڭگەيٸ تٶمەندەۋدە, بٸراق سوعان قاراماستان بٸز جىلدى جاقسى كٶرسەتكٸشتەرمەن قورىتىندىلادىق.
"بارلىق 6+" اۋديتوريياسىنىڭ ەسەپتەۋلەرٸ بويىنشا, تەلەارنانىڭ جىلدىق ورتاشا ٷلەسٸ 7,2% پايىزدى قۇراپ, وتاندىق تەلەنارىقتا التىنشى ورىنعا جايعاستى. سوڭعى جىلدارى كٶرەرمەنگە تانىمال بولىپ كەلگەن "كەلٸن" تەلەحيكاياسىنىڭ ەفيردە توقتاتىلۋى تەلەارنانىڭ اۋديتورلىق كٶرسەتكٸشتەرٸنٸڭ تٶمەندەۋٸنە ەكەلٸپ سوعادى دەگەن بولجام جوققا شىقتى. سەبەبٸ, تەلەارنا جوبالارىنىڭ تۇراقتى كٶرسەتكٸشتەرٸ مەن جاڭادان شىققان ەر تٷرلٸ جانرداعى تەلەجوبالار جەنە ٷزدٸك شەتەلدٸك تەلەتۋىندىلار مەديانارىقتاعى تەلەارنانىڭ اۋديتوريياسىن تٶمەندەتۋگە جول بەرمەدٸ. سوڭعى 4-5 جىلدا كٶرسەتٸلگەن بۇل تەلەحيكايا اۋديتورلىق كٶرسەتكٸشتەردٸڭ 25-40 % ٷلەسٸن قالىپتاستىرۋدى قامتاماسىز ەتٸپ كەلگەن. دەگەنمەن, ۇتىمدى جوسپارلاۋ ارقىلى جاڭادان ساپالى كونتەنت ۇسىنىپ, ناقتى تايم-سلوتتى ٸلگەرٸلەتۋ جۇمىستارىن ويداعىداي جٷزەگە اسىرعاندىقتان, جاقسى نەتيجەلەرگە قول جەتكٸزە الدىق. ەرينە, باسىندا بۇل تەلەحيكايانىڭ ەفيردەن الىنۋى اۋديتورلىق كٶرسەتكٸشتەرگە كٷرت ەسەر ەتتٸ. ناۋرىز ايىنان باستاپ, ياعني ٷندٸ تەلەحيكاياسى توقتاتىلعان سەتتە تەلەارنانىڭ رەيتينگتٸك كٶرسەتكٸشتەرٸ تٶمەندەي باستاعان بولاتىن. سونىمەن قاتار, دەل سول كەزدە ەفيردە ٶتٸپ جاتقان قىسقى سپورتتىق ويىندارىنا ارنالعان بٷكٸلەلەمدٸك ۋنيۆەرسيادانىڭ ارناداعى ترانسلياتسيياسىنىڭ اياقتالۋى دا ٶز ەسەرٸن تيگٸزبەي قويمادى. وعان قوسا ٷش بٸردەي ارنانىڭ ورتاق ٶلشەمدٸك پانەلگە ەنۋٸ اۋديتورلىق كٶرسەتكٸشتەردٸڭ بٶلٸنۋٸنە الىپ كەلدٸ", - دەيدٸ ەرلان قارين.
ارنا باسشىسى ٶز سٶزٸن:
"ال, بٸز ٶز تاراپىمىزدان كونتەنتتٸ جاڭارتۋ جۇمىستارىن جٷرگٸزۋدٸ باستاپ كەتكەن بولاتىنبىز. سٶيتٸپ, 2017 جىلدىڭ كٷزٸندە كورپوراتسييادا رەبرەندينگ جۇمىستارى سەتتٸ جٷزەگە اسىرىلدى. ەفيردەگٸ ۆيزۋالدى ٶزگەرٸستەر مەن ساپالى كونتەنت تەلەارنا كٶرەرمەندەرٸنٸڭ ۇلعايۋىنا الىپ كەلدٸ. قازان ايىنان باستاپ رەيتينگ كٶرسەتكٸشتەرٸ تۇراقتالىپ, قاراشا-جەلتوكسان ايىندا ايتارلىقتاي ٶسۋ ٷردٸسٸ بايقالدى. سونداي-اق, ەفيردٸڭ 79% ٶزٸمٸزدٸڭ ٸشكٸ ٶنٸم, بۇل باسقا تەلەارنالارمەن سالىستىرعاندا ەڭ جوعارعى كٶرسەتكٸش.
سونىمەن قاتار, تەلەارنا ينتەرنەتتەگٸ جەنە ەلەۋمەتتٸك جەلٸلەردەگٸ ٶز ورنىن كەڭەيتە باستادى. 2017 جىلى YouTube ۆيدەوحوستينگٸندە ەنگٸزٸلگەن ۇلتتىق ارنا جوبالارىنىڭ قارالىمى جالپى ەسەپپەن 77 ملن-نان استى! وسى ورايدا «Qazsport» پەن «balapan» تەلەارنالارى جوعارعى كٶرسەتكٸشتەرگە يە بولىپ, 2017 جىلدىڭ 1 قاڭتارىنان باستاپ كٶرسەتكٸش رەيتينگٸسٸ ٶلشەنەتٸن تەلەارنالار قاتارىنا ەنگەنٸن ايتا كەتۋ كەرەك. جىل قورىتىندىسى بويىنشا, كابەلدٸك تەلەارنالاردىڭ اراسىندا «balapan» تەلەارناسى جالپى ٷلەسٸ 3,1% پايىزبەن الدىڭعى قاتاردان ورىن الدى. «Qazsport» تەلەارناسىنىڭ ٷلەسٸ وسى ۋاقىت ارالىعىندا 1,5% پايىزدى قۇرادى. ال, كورپوراتسييا قۇرامىنا كٸرەتٸن تەلەارنالاردىڭ جالپى ٷلەسٸ «بارلىق 6+» اۋديتوريياسى بويىنشا 11,8% پايىزعا جەتتٸ. اۋديتورييانىڭ سۇرانىسى مەن تالابىن ەسكەرە وتىرىپ, ەفيردەگٸ كونتەنتتٸڭ ساپاسىن ارتتىرۋ جۇمىسى ەلٸ دە جالعاسادى", - دەپ تٷيٸندەيدٸ.
