بٷگٸن «Qazaqstan» ۇلتتىق تەلەارناسىنىڭ جاڭا جىلعا دايىنداعان باعدارلامالارىنىڭ تانىستىرىلىمى ٶتتٸ, دەپ حابارلايدى ortcom.kz.
مەرەكە قارساڭىنداعى اپتا مەڭگٸلٸك ماحاببات جايلى اڭىز نەگٸزٸندە تٷسٸرٸلگەن «قوزى كٶرپەش - بايان سۇلۋ» اتتى 6 بٶلٸمدٸ كٶركەم تەلەحيكايانىڭ تۇساۋكەسەرٸنەن باستالادى.
«31 جەلتوقسان ساعات 22:30-دا تانىمال شوۋ-بيزنەس جۇلدىزدارىنىڭ قاتىسۋىمەن جاڭا جىلدىق سيقىرعا تولى «سىڭعىرلاعان سيقىرلار» مەرەكەلٸك شوۋ-باعدارلاماسى ەفيرگە جول تارتادى. اتالعان جوباعا, كەمشات جولدىباەۆا, ايگٷل يمانباەۆا, بٷركٸت, ەلي وقاپوۆ, ايقىن تٶلەپبەرگەنوۆ, كەش You, قانات ٷمبەتوۆ, ەلييا ەبٸكەن, تٶرەعالي تٶرەەلٸ, ولجاس اباي جەنە «Qazaqstan» ارناسىنىڭ تانىمال جٷرگٸزۋشٸلەرٸ جانسەرٸك بەيسەەۆ, ايسۇلۋ رىسپانوۆا, يرينا تەن, بايان باقكەلدٸقىزى, نارتاي ارالبايۇلى قاتىسادى. ەڭ كٸشكەنتاي تەلەكٶرەرمەندەرٸمٸز ٷشٸن 31 جەلتوقسان ساعات 12.35-تە ەيگٸلٸ «Walt Disney» كينوكومپانيياسىنىڭ قازاق تٸلٸندە دۋبلياجدالعان «راپۋنتسەل» مۋلتفيلمٸ كٶرسەتٸلەتٸن بولادى», - دەدٸ «Qazaqstan» تەلەراديوكورپوراتسيياسىنىڭ باسشىسى ەرلان قارين.
سونىمەن قاتار ول مەرەكە كٷندەرٸ «مەن قازاقپىن» حالىقارالىق مەگاجوباسىنىڭ گالا-كونتسەرتٸنٸڭ قايتالاۋى بولاتىنىن جەنە كٶرەرمەنگە مەرەكەلٸك كونتسەرتتەر ۇسىنىلاتىنىن ايتىپ ٶتتٸ.
«25-29 جەلتوقسان ارالىعىندا كٷندەلٸكتٸ ساعات 21.45-تە ۇلتتىق ارنا كٶرەرمەنٸ قازاق مەدەنيەتٸ مەن ٶنەرٸنٸڭ ۇلى مۇراسىنىڭ ەكرانيزاتسيياسىن تاماشالاي الادى. سەنبٸ كٷنٸ, 30 جەلتوقساندا, ساعات 20.00-دە كەسٸپكەرلٸكتٸڭ قىر-سىرىن اشىپ, بيزنەستٸڭ وڭتايلى جولىن كٶرسەتكەن «ٷمٸتكەر» رەاليتي-شوۋىنىڭ اقتىق شىعارىلىمى ٶتەدٸ. سونداي-اق, جاڭا جىلدىق جوبالاردىڭ اراسىندا «ەزٸل ەلەمٸ», «تاماشا» ەزٸل تەاترىنىڭ 90-شى جىلدارى تٷسٸرٸلگەن ەڭ ٷزدٸك توپتامالارى, ەلٸمٸزدٸڭ تانىمال ۆاينەرلەرٸ, ۆيدەوبلوگەرلەرٸ مەن قوعام قايراتكەرلەرٸنٸڭ قاتىسۋىمەن ٶتەتٸن ارنايى «حا-حا شوۋ: جاڭا جىل 2018» جوباسى كٶرەرمەنگە جول تارتادى», - دەدٸ ول.
