رەجەپ ەردوعان مەن ۆلاديمير پۋتين سامارقاندتا كەزدەسكەن سەت. 16 قىركٷيەك 2022 جىل.
تٷركييا پرەزيدەنتٸ رەجەپ تايىپ ەردوعان امەريكالىق PBS تەلەارناسىنا بەرگەن سۇحباتىندا "پۋتين سوعىستى تەزٸرەك اياقتاعىسى كەلەدٸ" دەدٸ.
"پۋتينمەن ٶزبەكستاندا كەڭٸرەك ەڭگٸمەلەستٸك. ەڭگٸمەدەن ونىڭ سوعىستى تەزٸرەك اياقتاۋعا دايىن ەكەنٸن ۇقتىم, سەبەبٸ جاعداي ۋشىعىپ بارادى" دەدٸ ەردوعان سامارقاندتاعى شىۇ سامميتٸنەن كەيٸن بەرگەن سۇحباتىندا.
تٷركييا پرەزيدەنتٸنٸڭ سٶزٸنشە, پۋتين بۇل سوعىستى بەيبٸت جولمەن شەشۋگە تىرىساتىنداي.
ەردوعان سۇحباتىندا مەسكەۋ مەن كيەۆ 200 تۇتقىن الماسۋعا كەلٸسكەنٸن ايتادى.
مەسكەۋ مەن كيەۆ اراسىنداعى كەلٸسسٶز مامىردا توقتاعان ەدٸ. ەكٸ تاراپ سوڭعى رەت 29 ناۋرىزدا ستامبۋلدا كەزدەسكەن. كيەۆ رەسەي ۋكراينا اۋماعىنداعى بارلىق ەسكەرٸن ەكەتپەيٸنشە, كەلٸسسٶز جٷرگٸزبەيتٸنٸن مەلٸمدەگەن.
