فوتو: REUTERS/Presidential Press Office
تٷركييا پرەزيدەنتٸ رەجەپ تايىپ ەردوعان انكارا فينلياندييانىڭ ناتو-عا كٸرۋٸن قولداپ, شۆەتسييانىڭ مٷشەلٸگٸنە قارسى بولۋى ەبدەن مٷمكٸن ەكەنٸن مەلٸمدەگەن.
كەيٸنگٸ اپتادا تٷركييا مەن شۆەتسييانىڭ قارىم-قاتىناسى ناشارلاپ كەتتٸ. انكارا "ستوكگولم ناتو-عا قوسىلۋ جٶنٸندەگٸ بىلتىرعى كەلٸسٸمدٸ ورىنداۋعا قۇلىقسىز بولدى" دەپ ايىپتايدى. ونىڭ ٷستٸنە, شۆەتسيياداعى قۇراندى ٶرتەۋ اكتسيياسىنان كەيٸن سىن كٷشەيە تٷستٸ.
فينلياندييا مەن شۆەتسييا ناتو-عا كٸرۋگە بىلتىر - ۋكرايناداعى سوعىس باستالعاننان كەيٸن, مامىر ايىندا ٶتٸنٸش بەرگەن. ەكٸ كٶرشٸ مەملەكەت سىرتقى ساياساتتا كٶپ جىل بەيتاراپ بولىپ كەلگەن. ەندٸ ناتو-عا كٸرۋ كەلٸسٸمٸن ٶزارا ٷيلەستٸرۋگە ۋاعدالاسقان.
ەردوعان سايلاۋشىلار الدىندا سٶيلەگەن سٶزٸندە: "قاجەت بولسا, فينلياندييادان گٶرٸ, شۆەتسيياعا قاتىستى شەشٸم باسقا بولادى. شۆەتسييا بۇل شەشٸمگە تاڭعالارى سٶزسٸز" دەدٸ.
شۆەتسييانىڭ ناتو-عا قوسىلۋ مٷمكٸندٸگٸنە قاتىستى سٶيلەگەن ەردوعان ستوكگولمگە قۇراندى ٶرتەۋگە قاتىستى ەمەس, تەرروريزم ايىبى تاعىلعان ونداعان كٷرد بەلسەندٸسٸن ەلگە قايتارۋعا قاتىستى تالاپ قويدى.
"ناتو-عا كٸرگٸڭٸز كەلسە, بٸزگە سول تەرروريستەردٸ بەرٸڭٸزدەر" - دەدٸ تٷركييا پرەزيدەنتٸ.
شۆەتسييا مەن فينلياندييانىڭ ناتو-عا كٸرۋٸ ٷشٸن وداقتىڭ بارلىق مٷشەسٸ – 30 مەملەكەت كەلٸسٸم بەرۋٸ كەرەك. 28 ەل كەلٸسٸم بەرٸپ قويدى, ەندٸگٸ قالعانى – تٷركييا مەن ۆەنگرييا. ۆەنگرييا جاقىندا كەلٸسٸم بەرەدٸ دەگەن مەلٸمەت بار.
