قورعانىس مينيسترٸنٸڭ ورىنباسارى شايح-حاسان جازىقباەۆ سارباز ەربايان مۇحتاردىڭ ٶلٸمٸنەن كەيٸن وقيعانىڭ بارلىق مەن-جايى بويىنشا تەرگەۋ جٷرگٸزٸلٸپ جاتقانىن مەلٸمدەدٸ, دەپ حابارلايدى ult.kz.
سەنات وتىرىسىنان كەيٸن جۋرناليستەردٸڭ سۇراعىنا جاۋاپ بەرگەن ۆيتسە-مينيستر قورعانىس مينيسترلٸگٸ بۇل ٸسكە بەيجاي قارامايتىنىن ايتتى.
– قازٸرگٸ ۋاقىتتا ۇلتتىق ۇلان باسشىلىعىمەن بولعان جاعداي جان-جاقتى تەكسەرٸلٸپ, تەرگەلٸپ جاتىر. قورعانىس مينيسترلٸگٸ ٶز تاراپىنان قاجەتتٸ كٶمەكتٸڭ بەرٸن كٶرسەتۋدە, – دەدٸ جازىقباەۆ.
ونىڭ سٶزٸنشە, تەرگەۋ نەتيجەسٸندە كٸنەلٸ تۇلعالار زاڭ اياسىندا جاۋاپقا تارتىلىپ, تەرتٸپتٸك شارالار دا قابىلدانادى.
ەسكە سالساق, ەربايان مۇحتار 2023 جىلى اۋىر باس جاراقاتىن الىپ, ەڭبەككە جارامسىز بولىپ قالعان ەدٸ. ۇلتتىق ۇلان ٶكٸلدەرٸ ونىڭ دەرەتحانادا قۇلاپ جاراقات العانىن حابارلاعان. الايدا ساربازدىڭ تۋىستارى بۇل نۇسقاعا كٷمەن كەلتٸرٸپ, وقيعانىڭ تولىق تەرگەلۋٸن تالاپ ەتكەن بولاتىن. كەيٸن اتالعان دەرەك بويىنشا قىلمىستىق ٸس قوزعالىپ, قىزمەتتٸك تەكسەرۋلەر جٷرگٸزٸلدٸ.
دەنساۋلىق ساقتاۋ مينيسترلٸگٸنٸڭ مەلٸمەتٸنشە, ەربايان مۇحتار الماتىداعى ورتالىق قالالىق كلينيكالىق اۋرۋحانادا جەنە استاناداعى ۇلتتىق نەيروحيرۋرگييا ورتالىعىندا ەم العان. سونداي-اق 2024 جىلدىڭ تامىزىنان 2025 جىلدىڭ قاڭتارىنا دەيٸن تٷركييادا وڭالتۋ كۋرسىنان ٶتكەن.
الايدا 2026 جىلدىڭ ماۋسىمىندا نەگٸزگٸ دياگنوز اياسىندا ينفەكتسييالىق اسقىنۋلار, سەپسيس جەنە كٶپ اعزالىق جەتكٸلٸكسٸزدٸك سيندرومى دامىپ, 23 ماۋسىم كٷنٸ ساعات 21:40-تا ەربايان مۇحتار كٶز جۇمدى.
ايتا كەتەيٸك, سارباز قايتىس بولعاننان كەيٸن ونىڭ دەنەسٸن سوت-مەديتسينالىق ساراپتاماعا الىپ كەتۋ كەزٸندە تۋىستارى مەن پوليتسييا قىزمەتكەرلەرٸ اراسىندا جانجال تۋىنداعان.
