جامبىل وبلىسىندا كەمەلەتكە تولماعان بالاعا قاتىستى قىلمىس ٷشٸن ەر ادام ٶمٸر بويىنا سوتتالدى, دەپ حابارلايدى ult.kz.
جامبىل وبلىسىنداعى اۋىلداردىڭ بٸرٸندە تۋىستارىنىڭ بٸرٸ اتا-اناسى ٷيدە بولماعان سەتتە Wi-Fi جەلٸسٸنٸڭ قۇپيياسٶزٸن سۇراۋ سىلتاۋىمەن ٷيگە كٸرگەن. بۇل تۋرالى كريمينالنىي كازاحستان Telegram-ارناسى جازدى.
تەرگەۋ مەلٸمەتٸنشە, سول كەزدە ٷيدە كٶزٸ كٶرمەيتٸن قارت اتا, ەكٸنشٸ سىنىپتا وقيتىن قىز بالا جەنە سەبي بولعان. كٷدٸكتٸ كەمەلەتكە تولماعان بالاعا قاتىستى زاڭسىز ەرەكەت جاساعان دەگەن كٷدٸكپەن ۇستالعان.
بالا بولعان جايتتى اناسىنا ايتىپ بەرگەننەن كەيٸن, ول بٸردەن پوليتسيياعا حابارلاعان. وقيعا ورنىنا كەلگەن جەدەل-تەرگەۋ توبى دەلەلدەمەلەردٸ جيناپ, قاجەتتٸ ساراپتامالار جٷرگٸزگەن.
تەرگەۋ نەتيجەلەرٸ مەن ساراپتاما قورىتىندىلارى نەگٸزٸندە ٸس سوتقا جولداندى. جامبىل وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى ەر ادامدى كٸنەلٸ دەپ تانىپ, وعان تٶتەنشە قاۋٸپسٸزدٸك مەكەمەسٸندە ٶمٸر بويىنا باس بوستاندىعىنان ايىرۋ جازاسىن تاعايىندادى.
ٷكٸم ەزٸرگە زاڭدى كٷشٸنە ەنگەن جوق.
