ٷندٸستاندا ەر ادام قارىنداسىنىڭ سٷيەگٸن قازىپ الىپ, بانككە اپارعان, دەپ حابارلايدى ult.kz.
ٷندٸستاننىڭ وديشا شتاتىندا بولعان ەرەكشە وقيعا قوعامدا قىزۋ تالقىعا تٷستٸ. 2026 جىلدىڭ 28 سەۋٸرٸندە كەوندجار اۋدانىندا تۇراتىن 50 جاستاعى اديۆاسي دجيتۋ قايتىس بولعان قارىنداسىنىڭ سٷيەگٸن قابٸردەن قازىپ الىپ, ونى ماليپوسي اۋىلىنداعى بانك فيليالىنا جەتكٸزگەن.
بەلگٸلٸ بولعانداي, ەر ادام مارقۇم قارىنداسىنىڭ جيناق شوتىندا قالعان شامامەن 19 300–20 000 ٷندٸ رۋپييٸن (شامامەن 130 مىڭ تەڭگە) الماق بولعان. الايدا بانك قىزمەتكەرلەرٸ رەسمي ٶلٸم تۋرالى كۋەلٸك ۇسىنىلماعاندىقتان, قاراجاتتى بەرۋدەن باس تارتقان.
اديۆاسي دجيتۋدىڭ ايتۋىنشا, ول قارىنداسىنىڭ قايتىس بولعانىن دەلەلدەۋ ٷشٸن سٷيەكتەرٸن بانككە اپارۋعا مەجبٷر بولعان. ونىڭ سٶزٸنشە, وتباسىنىڭ ٶلٸم تۋرالى كۋەلٸكتٸ رەسٸمدەۋگە قارجىلىق مٷمكٸندٸگٸ بولماعان.
جەرگٸلٸكتٸ تۇرعىنداردىڭ ايتۋىنشا, ٷندٸستاننىڭ كەيبٸر شالعاي اۋىلدارىندا قايتىس بولۋدى رەسمي تٸركەۋ مەن تيٸستٸ قۇجاتتاردى الۋ كٶپ ۋاقىت پەن قوسىمشا شىعىندى تالاپ ەتەدٸ. سول سەبەپتٸ تۇرمىسى تٶمەن وتباسىلار كەيدە مۇنداي رەسٸمدەردٸ جاساماي, مارقۇمدى بٸردەن جەرلەۋ نەمەسە كرەماتسييالاۋ جولىن تاڭدايدى.
وقيعادان كەيٸن بانك قىزمەتكەرلەرٸ زاڭ تالاپتارىنا سەيكەس رەسمي قۇجاتسىز اقشا بەرە المايتىندارىن مەلٸمدەگەن. قازٸرگٸ ۋاقىتتا اديۆاسي دجيتۋ قاجەتتٸ قۇجاتتاردى رەسٸمدەۋگە ەرەكەت جاساپ جاتىر. الايدا ول قارىنداسىنىڭ ەسەپشوتىنداعى قاراجاتتى قاشان الاتىنى ەزٸرگە بەلگٸسٸز.
