ەۋروپالىق كومپانييالار قازاقستانعا ينۆەستيتسييا سالۋعا قىزىعۋشىلىق تانىتىپ وتىر. بۇل تۋرالى بٸشكەكتە «ەۋروپالىق وداق – ورتالىق ازييا» ەكونوميكالىق فورۋمىندا ەو-نىڭ قازاقستانداعى ەلشٸسٸ كەستۋتيس يانكاۋسكاس ايتتى, دەپ حابارلايدى قازاقپارات تٸلشٸسٸ.
«فورۋم بارىسىندا ەۋروپالىق كوميسسييانىڭ تٶراعاسى ۋرسۋلا فون دەر ليايەن ورتالىق ازييانىڭ گٷلدەنۋٸ ەۋروپا ٷشٸن ماڭىزدى ەكەنٸن اتاپ ٶتتٸ. بٸرٸنشٸ كەزەكتە ٶڭٸر ەو ٷشٸن سەرٸكتەس رەتٸندە ماڭىزدى بولىپ تۇر. سونىمەن قاتار, بٸزدٸڭ ىنتىماقتاستىق ورتالىق ازييا مەن ەو اۋماعىندا بەيبٸتشٸلٸك پەن تۇراقتىلىقتى ساقتاۋ تۇرعىسىندا باسىمدىققا يە. ەكٸنشٸدەن, ساۋدا سالاسىنا ەرەكشە مەن بەرٸلٸپ وتىر. بۇل باعىتتا ەلەۋلٸ جەتٸستٸكتەر بار, ياعني ٶتە جاقسى نەگٸز بار دەپ ايتۋعا بولادى. دەگەنمەن, ساۋدا قاتىناستارىن الداعى ۋاقىتتا دا نىعايتا تٷسۋ كەرەك دەپ سانايمىز», - دەدٸ كەستۋتيس يانكاۋسكاس.
ونىڭ ايتۋىنشا, ەۋروپالىق كومپانييالار قازاقستانعا ينۆەستيتسييا سالۋعا قىزىعۋشىلىق تانىتىپ وتىر.
«بارلىق ەلدەرگە سوڭعى بۋىندى تەحنولوگييالار كەرەك. وسى باعىتتا ىنتىماقتاستىق ماڭىزدى دەپ بٸلەمٸز. بۇدان بٶلەك, ەو قورشاعان ورتانى قورعاۋ مەسەلەلەرٸنە ەكپٸن قويىپ وتىر. بٸز كليماتتىڭ ٶزگەرۋٸ پروبلەمالارىن جالعىز ەڭسەرە المايتىنىمىز تٷسٸنٸكتٸ. سوندىقتان وسى سالادا ورتالىق ازييا ەلدەرٸن ٶتە ماڭىزدى سەرٸكتەس دەپ سانايمىز», - دەدٸ ەو ەلشٸسٸ.
بۇل تۇرعىدا ول قازاقستان پرەزيدەنتٸ قاسىم-جومارت توقاەۆ قورشاعان ورتانى قورعاۋ, كليماتتىڭ ٶزگەرۋٸ مەسەلەلەرٸن شەشۋگە قاتىستى ايرىقشا مەن بەرٸپ وتىرعانىن اتاپ ٶتتٸ.
بۇدان بۇرىن حابارلانعانداي, بيىل 5 قاراشادا بٸشكەكتە پرەمەر-مينيسترلەر دەڭگەيٸندە «ەۋروپالىق وداق – ورتالىق ازييا» ەكونوميكالىق فورۋمى ٶتتٸ.
قر ٷكٸمەت باسشىسى اسقار مامين 2023 جىلى «ەۋروپالىق وداق – ورتالىق ازييا» ەكونوميكالىق فورۋمى بويىنشا قازاقستاندى قابىلداۋشى تاراپ رەتٸندە ۇسىندى.
فورۋمعا ونلاين-رەجيمدە قوسىلعان ەۋروپالىق كوميسسييانىڭ تٶراعاسى ۋرسۋلا فون دەر ليايەن ورتالىق ازييا كليماتتىڭ ٶزگەرۋٸ سالدارىن كٶرٸپ جاتقانىن ايتتى.
