ەۋروپا وداعىنىڭ ەلدەرٸ تۋريستەرگە قاتىستى ەرەجەلەرگە ٶزگەرٸستەر ەنگٸزٸپ جاتىر, دەپ حابارلايدى Euronews.
ەۋروپاعا باراتىن تۋريستەر قانداي دا بٸر ەلگە بارۋ ٷشٸن ۇدايى ٶزگەرٸپ وتىراتىن ەرەجەلەردٸ باقىلاپ وتىرۋى قاجەت. گەرمانييا جەكسەنبٸدەن باستاپ ەكپەنٸ تولىعىمەن الماعان تۋريستەردەن كوروناۆيرۋسقا تەستٸلەۋدٸڭ تەرٸس نەتيجەسٸ مەن جاقىندا اۋىرعانى تۋرالى انىقتاما تالاپ ەتە باستادى. بۇل ون ەكٸ جاستان اسقان بارلىق ادامعا, سونىمەن قاتار ەلگە اۆتوكٶلٸكپەن كەلۋشٸلەرگە دە قاتىستى.
بەرليندە تامىزدىڭ العاشقى كٷندەرٸ جٷزدەگەن دەمونسترانت سانيتارييا شەكتەۋلەرٸ مەن ۆاكتسينالاۋعا قارسى نارازىلىق اكتسيياسىنا قاتىستى. ونى ٶتكٸزۋگە ٷكٸمەت رۇقسات بەرمەگەن. كەيبٸر ادامداردىڭ قولىندا «ەركٸندٸك», «كورونا - ديكتاتۋراعا جول جوق» دەگەن جازۋى بار پلاكاتتار بولدى. دەمونسترانتتار توبى پوليتسييامەن قاقتىعىستى. نەتيجەسٸندە تەرتٸپ ساقشىلارى بٸرنەشە ادامدى ۇستادى.
دانييا شەكتەۋ شارالارىن جەڭٸلدەتٸپ جاتىر. 500-دەن جوعارى ورنى بار تەاترلار مەن كينوتەاترلارعا بارۋ ٷشٸن ەندٸ «دەنساۋلىق پاسپورتى» تالاپ ەتٸلمەيدٸ.
پورتۋگالييادا بٸرٸنشٸ تامىزدان باستاپ ەپيدەميولوگييالىق احۋالدىڭ ناشارلاۋىنا بايلانىستى كەيبٸر اۋدانداردا ەنگٸزٸلگەن كومەندانت ساعاتى الىنىپ تاستالدى. دٷكەندەرگە, مەيرامحانالار مەن بارلارعا تٷنگٸ ەكٸگە دەيٸن جۇمىس ٸستەۋگە رۇقسات ەتٸلدٸ.
فرانتسييانىڭ مارسەل قالاسىندا «وراندج ۆەلودروم» ستاديونىنا وتىز مىڭعا جۋىق كٶرەرمەن قايتا ورالدى. مۇندا «وليمپيك مارسەل – ۆيلياررەال» جولداستىق ماتچى ٶتتٸ.
