بٷگٸن تٷركٸستان قالاسىندا «رەمٸزدەر الاڭى» ەل يگٸلٸگٸنە بەرٸلٸپ, ەلٸمٸز بويىنشا بيٸكتٸگٸ جاعىنان ٷشٸنشٸ الىپ تۋ كٶنە شاھاردىڭ تٶرٸندە جەلبٸرەدٸ, دەپ حابارلايدى "ۇلت اقپارات".
تۋ تۇعىردىڭ بيٸكتٸگٸ 62,5 مەتردٸ قۇرايدى. ال, بايراقتىڭ ەنٸ 12 مەتر بولسا, ۇزىندىعى - 24 مەتر. ازاماتتاردىڭ تۋعان جەرگە جەنە ونىڭ رەمٸزدەرٸنە دەگەن قۇرمەتٸن ارتتىرۋ, پاتريوتتىق رۋحىن وياتۋ ماقساتىندا سالىنعان الاڭنىڭ سالتاناتتى اشىلۋىنا وبلىس ەكٸمٸ جانسەيٸت تٷيمەباەۆ قاتىستى.
«ەلباسىمىز ن.ە.نازارباەۆتىڭ «تəۋەلسٸزدٸك - التىن كٷمبەز دەيتٸن بولساق, سول كٷمبەزدٸ تٸرەپ تۇرعان تٶرت بەلگٸ – رəمٸزدەرٸمٸز بار. ونىڭ بٸرٸنشٸسٸ - ەلتاڭبا, ەكٸنشٸسٸ - Əنۇران, ٷشٸنشٸسٸ - كٶك بايراق, تٶرتٸنشٸسٸ - قازاق تٸلٸ» دەگەن سٶزٸ بار. سوندىقتان ەگەمەندٸ ەلٸمٸزدٸڭ قاسيەتتٸ نىشاندارىن قادٸرلەۋ – قازاقستاندى – وتانىم دەپ ەسەپتەيتٸن ەربٸر ازاماتتىڭ پارىزى دەپ ەسەپتەيمٸن. رەمٸزدەر - بٸزدٸڭ ۇلتتىق ارىمىز بەن نامىسىمىز. ەندەشە, بٷگٸنگٸ اشىلىپ وتىرعان «رەمٸزدەر الاڭىنا» قۇرمەتپەن قاراپ, نامىسىمىزدى قورعاي بٸلەيٸك», - دەدٸ وبلىس ەكٸمٸ.
بەكزات ساتتارحانوۆ داڭعىلىنىڭ بويىندا سالىنعان الاڭدا قازاقستان رەسپۋبليكاسىنىڭ مەملەكەتتٸك رەمٸزدەرٸ كٶرٸنٸس تاپقان جەنە ەلدٸك مۇراتتى مەڭزەگەن ەلباسى مەن قازاق ەلٸ قايراتكەرلەرٸنٸڭ قاناتتى سٶزدەرٸ جازىلعان ارنايى تاس تاقتالار ساپ تٷزەگەن. نىساننىڭ قۇرىلىسىن «تٷركٸستان جارىق تازالىق» جشس-ٸ جٷرگٸزگەن. رەمٸزدەر الاڭىن سالۋعا جەرگٸلٸكتٸ بيۋدجەتتەن 230 ميلليون تەڭگە كٶلەمٸندە قارجى بٶلٸنٸپ, سول اقشا تولىعىمەن يگەرٸلٸپ, اباتتاندىرۋ جۇمىستارى جٷرگٸزٸلدٸ. وندا تٷرلٸ كٸشٸ ارحيتەكتۋرالىق فورمالار مەن سۋ بۇرقاعى, بەسەدكالار, ورىندىقتار, ۋرنالار, گازوندار مەن گٷل كلۋمبالارى ورناتىلىپ, دەكوراتيۆتٸ اعاشتار وتىرعىزىلعان.
