رەسەي ەسكەرٸ ناۋرىز ايىندا باسىپ العان ۋكراينانىڭ زاپوروجە وبلىسى ەنەرگودار قالاسىنداعى تۇرعىن ٷيلەردٸڭ بٸرٸندە 22 مامىردا تاڭەرتەڭ جارىلىس بولدى.
ۋكراينانى جاقتايتىن جەنە رەسەيشٸل تەلەگرام-ارنالارىنىڭ حابارلاۋىنشا, پودەزدە رەسەي "تاعايىنداعان قالا مەرٸ" اندرەي شەۆچيك تۇرادى. ول "وپپوزيتسيوننايا پلاتفورما — زا جيزن" پارتيياسىنان قالا كەڭەسٸنە سايلانعان, رەسەي ەسكەرٸمەن ىنتىماقتاستىق ورناتقان بۇرىنعى دەپۋتات.
رەسەي ەسكەرٸمەن ىنتىماقتاستىق ورناتۋدان باس تارتقان قالا مەرٸ دميتريي ورلوۆتىڭ ايتۋىنشا, شەۆچيك پەن بٸرنەشە كٷزەتشٸسٸ جارالانعان. بەيبٸت تۇرعىندار زارداپ شەكپەگەن. دەگەنمەن كەيبٸر اقپارات كٶزدەرٸ "ٶزٸن قالا مەرٸمٸن دەپ اتاعان" شەۆچيكتٸڭ جارالانباعانىن جازدى.
ەلەۋمەتتٸك جەلٸدە تاراعان سۋرەتتەرگە قاراعاندا, قولدان جاسالعان جارىلعىش زات ٸسكە قوسىلعان. ەزٸرگە وقيعانى ەشكٸم موينىنا المادى. رەسەي جاعى رەسمي اقپارات تاراتپادى.
زاپوروجە اەس-ٸ ورنالاسقان ەنەرگودار تۇرعىندارى رەسەي باسقىنشىلىعىنا قارسى نارازىلىققا شىققان. كەيٸنگٸ كٷندەرٸ جەرگٸلٸكتٸ ٶرت سٶندٸرۋشٸلەر مەن قۇتقارۋشىلار قالالىق قۇتقارۋ قىزمەتٸ جەتەكشٸسٸنٸڭ قامالۋىنا نارازىلىق بٸلدٸرٸپ كەلەدٸ. رەسەي اقپارات قۇرالدارى مەن بلوگەرلەرٸ ٶز كەزەگٸندە "جەرگٸلٸكتٸ تۇرعىندار رەسەيدٸ قولدايدى" دەگەن اقپارات تاراتتى.
