قر ەنەرگەتيكا ۆيتسە-مينيسترٸ ەسەت ماعاۋوۆ قر ٸشكٸ نارىعىندا جانار-جاعارماي باعاسىنىڭ قالاي قالىپتاساتىنىن تٷسٸندٸردٸ, دەپ حابارلايدى قازاقپارات.
«قر ٸشكٸ نارىعىندا جانار-جاعارماي باعاسى سۇرانىس پەن ۇسىنىس نەگٸزٸندە قالىپتاسادى, ياعني نارىق ارقىلى رەتتەلەدٸ. باعا بەلگٸلەۋ كەزٸندەگٸ نەگٸزگٸ فاكتورلار – قازاقستانداعى مۇناي قۇنى (ٸشكٸ باعالار), پروتسەسسينگ (مۇناي ٶڭدەۋ قىزمەتٸ), سالىقتار مەن اكتسيزدەر, زەرتحانالىق سىناقتار مەن قوسپالار شىعىندارى, بانك نەسيەسٸنە قىزمەت كٶرسەتۋ, تسيستەرنالاردى بەرۋ-جيناۋ, تاۋاردى تاسىمالداۋ جەنە باسقا دا ٸلەسپە شىعىندار», - دەدٸ ەسەت ماعاۋوۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
تۇتىنۋشىلار ٷشٸن تٷپكٸلٸكتٸ باعا مۇناي ٶنٸمٸنٸڭ كٶتەرمە قۇنى, اۆتوجانارماي قۇيۋ ستانساسىنا دەيٸنگٸ بارلىق كٶلٸك شىعىندارى, مۇناي بازالارىندا ساقتاۋ, بٶلشەك ساۋدادا ٶتكٸزۋشٸ شىعىستارى جەنە اكتسيزدەر مەن سالىقتار نەگٸزٸندە قالىپتاسادى.
«قازٸرگٸ ۋاقىتتا قازاقستاندا اي-92 جانارمايىنىڭ بٸر ليترٸ 160 تەڭگە بولىپ تۇر. سالىستىرمالى تٷردە ايتساق, قىرعىز رەسپۋبليكاسىندا باعا – 185 تەڭگە (16% جوعارى), ٶزبەكستاندا – 261 تەڭگە (63% جوعارى), رەسەيدە – 255 تەڭگە (59%). ٶزدەرٸڭٸز بٸلەتٸندەي, مۇناي ٶنٸمدەرٸنٸڭ نارىعى جوعارى قۇبىلمالى بولادى جەنە جانار-جاعارماي باعاسىنىڭ قالىپتاسۋىنا ەسەر ەتەتٸن بٸرقاتار فاكتورلار بار: رف جەنە قر ٸشكٸ نارىعىندا جانار-جاعارمايعا باعا بەلگٸلەۋ جەنە قامتاماسىز ەتۋ, كٶرشٸ ەلدەرمەن شەكارالاس وبلىستاردا جانار-جاعارمايعا باعا بەلگٸلەۋ. اتالعان جاعدايلاردى ەسكەرە وتىرىپ, باعا ٶزگەرٸپ تۇرادى», - دەيدٸ ۆيتسە-مينيستر.
بيىلعى 10 ناۋرىزداعى جاعدايى بويىنشا مۇناي ٶنٸمدەرٸنٸڭ جيىنتىق قورى قولايلى دەڭگەيدە, اتاپ ايتقاندا بەنزين بويىنشا 225 مىڭ توننا, بۇل ەلدٸڭ 20 تەۋلٸكتٸك قاجەتتٸلٸگٸن قامتۋعا جەتكٸلٸكتٸ, ال ديزەل وتىنى بويىنشا 298 مىڭ توننا بار, بۇل ٸشكٸ نارىقتىڭ قاجەتتٸلٸگٸن 27 تەۋلٸككە قامتاماسىز ەتەدٸ.
