ەنەرگەتيكا مينيسترلٸگٸ رەسەيدەن جوسپارلى ەلەكتر يمپورتىن جولعا قويماقشى. بۇل تۋرالى مينيستر بولات اقشولاقوۆ ورتالىق كوممۋنيكاتسييالار قىزمەتٸندە ٶتكەن بريفينگٸدە ايتتى, دەپ حابارلايدى قازاقپارات.
«بٸز قازٸر رەسەي فەدەراتسيياسىمەن ەلەكتر ەنەرگيياسىنىڭ جوسپارلى يمپورتى تۋرالى كەلٸسٸمگە كەلمەكشٸمٸز. ٶيتكەنٸ بۇعان دەيٸنگٸ يمپورتتار تەحنيكالىق اعىن ارقىلى جەتكٸزٸلٸپ كەلگەن ەدٸ. رەسەيلٸك ەرٸپتەستەرٸمٸزبەن جوسپارلى يمپورتتىڭ كٶلەمٸ قانشا بولاتىنى تۋرالى كەلٸسسٶز جٷرگٸزٸپ جاتىرمىز. دەل قازٸرگٸ جاعدايدى ايتساق, قارجىلىق مونيتورينگ اگەنتتٸگٸمەن, ەنەرگەتيكالىق قاداعالاۋشى ورگانمەن بٸرگە زاڭسىز جالعانىپ العانداردى, قارا ماينينگ سۋبەكتٸلەرٸن انىقتاۋ جۇمىستارى جٷرگٸزٸلدٸ, جٷرگٸزٸلٸپ تە جاتىر. جٷيەگە ايتارلىقتاي ەلەكتر قۋاتىن قايتارا الدىق. شامالاپ ايتساق, 300 مۆت زاڭسىز تۇتىنىلىپ كەلگەن ەنەرگييا انىقتالدى. بۇل جۇمىس جالعاسىپ جاتىر. تاعى تۇتىنۋى شەكتەلگەن سۋبەكتٸلەردە 600 مۆت-قا دەيٸن قۋات بار. بٷگٸندە جٷيە تەڭگەرٸمگە كەلدٸ. ايتارلىقتاي تاپشىلىق كٶرٸپ وتىرعان جوقپىز», - دەگەن ۆەدومستۆو باسشىسى رەسەيدەن ەلەكتر يمپورتتاۋدىڭ سەبەبٸن تٷسٸندٸردٸ.
«نەگە جوسپارلى يمپورتتى ويلاستىرا باستادىق دەگەنگە كەلسەك, بٸرٸنشٸ كەزەكتە ۋكراينا زاۋىتتارىنان قوسالقى بٶلشەكتەردٸ, مونتاجداۋ بريگادالارىن جەتكٸزۋ بويىنشا مەسەلەلەر بار. ياعني, تاپ بولۋىمىز مٷمكٸن وبەكتيۆتٸ پروبلەمالار بار. سوندىقتان بۇل جاعىنا دا دايىن بولۋىمىز كەرەك. ەكٸنشٸدەن, ٶكٸنٸشكە قاراي, بٸزدەگٸ ەلەكتر ستانسالارىنىڭ قىزمەت كٶرسەتۋ مەرزٸمٸ ەسكٸرٸپ بارادى. ستانسالاردا اپات جيٸلەپ كەتكەن. وسىنداي ولقىلىقتارعا جول بەرمەۋ ٷشٸن قانداي دا بٸر جوسپارلى يمپورت تۋرالى ويلاۋ كەرەك بولىپ تۇر», - دەدٸ بولات اقشولاقوۆ.
