قازاقستانداعى ەكٸ مۇناي ٶڭدەۋ زاۋىتىنا تەحنيكالىق قىزمەت كٶرسەتۋ مەن قۇرىلعىلاردى جٶندەۋ جوباسى ەنگٸزٸلەدٸ. جاڭا جٷيەنٸڭ ارتىقشىلىقتارىن «ورتالىق ازيياداعى مۇناي ٶڭدەۋ مەن مۇناي حيميياسى» اتتى حالىقارالىق كونفەرەنتسييادا ەنەرگەتيكا ۆيتسە-مينيسترٸ مۇرات جٷرەبەكوۆ اتادى, دەپ حابارلايدى قازاقپارات تٸلشٸسٸ.
«قازاقستان قازٸرگٸ تاڭدا مۇناي ٶڭدەۋ سالاسىن دامىتپاسا – بۇل باعىتتا ارتتا قالعان ەلگە اينالارى سٶزسٸز. مٸنەكەي, وسى سەبەپتٸ, ەلٸمٸز كاپيتال تارتۋدا دامىعان ەلدەردٸڭ تەجٸريبەسٸنە سٷيەنٸپ, جەكە زاڭنامالىق بازاسىن دامىتۋدى, ينۆەستورلارعا تارتىمدى ۇسىنىس جاساۋدى كٶزدەيدٸ. بٷكٸلەلەمدٸك Doing Business-2018 بانكٸنٸڭ رەيتينگٸ بويىنشا, قازاقستان 196 ەلدٸڭ ٸشٸندە 28-شٸ ورىندا. بٸز الداعى ۋاقىتتا دا قازاقستاننىڭ گەوگرافييالىق تۇرعىداعى ارتىقشىلىعىن پايدالانامىز», - دەدٸ ۆيتسە-مينيستر.
مۇرات جٷرەبەكوۆتٸڭ ايتۋىنشا, قازاقستان ٶز ٸشٸندەگٸ اتىراۋ, شىمكەنت پەن پاۆلودار مٶز-دەرٸن جاڭعىرتۋدىڭ ارقاسىندا جەرگٸلٸكتٸ نارىقتى 100 پايىزعا جانارمايمەن قامتىپ وتىر.
«تسيفرلاندىرۋ اياسىندا بٸز جاقىن ارادا اتىراۋ مەن شىمكەنت مۇناي ٶڭدەۋ زاۋىتتارىنا تەحنيكالىق قىزمەت كٶرسەتۋ مەن قۇرىلعىلاردى جٶندەۋ جوباسىن ەنگٸزۋدٸ جوسپارلاپ وتىرمىز. بۇل جٷيە پروفيلاكتيكالىق تەكسەرٸستەر مەن جٶندەۋ جۇمىستارىن باسقارىپ, مٶز-دٸڭ ٷش جىلدىق جٶندەۋارالىق كەزەڭٸنە ٶتۋگە مٷمكٸندٸك بەرەدٸ», - دەدٸ ول.
ۆيتسە-مينيستردٸڭ ايتۋىنا قاراعاندا, وسى جٷيەنٸ ەنگٸزۋدٸڭ ارقاسىندا قۇرىلعىلاردىڭ قىزمەت ەتۋ قىزمەتٸ 8-10 پايىزعا ارتىپ, جٶندەۋگە كەتەتٸن شىعىن 10 پايىزعا ازايادى, مۇناي ٶڭدەۋ كٶلەمٸ جىلىنا شامامەن 300 مىڭ تونناعا ارتادى.
