فوتو: اشىق دەرەككٶز
قازاقستاندىق ەلەكتر ەنەرگەتيكاسى قاۋىمداستىعى ەلٸمٸزدەگٸ ەنەرگەتيكا ينفراقۇرىلىمىن جاڭعىرتۋدىڭ ۇلتتىق جوباسىندا جىلۋ ەلەكتر ستانسالارى مەن كوممۋنالدىق جەلٸلەردٸ جٷيەلەپ الۋدىڭ نەگٸزگٸ باعىتتارىن ايقىندادى. ەنەرگەتيكا سەكتورىندا جىلدار بويى قوردالانىپ قالعان مەسەلەنٸ شەشۋدٸ قولعا العان ٷكٸمەت باعىتىن قاۋىمداستىق تا قولداپ وتىر.
ەكٸباستۇز مەن ريددەر قالاسىنىڭ جىلۋ ەلەكتر ستانساسىندا بولعان اپات ەلٸمٸزدەگٸ جىلۋ قازاندىقتارىنىڭ قانداي دەڭگەيدە ەكەندٸگٸنەن حابار بەردٸ. توزىعى جەتكەن قازاندىقتارعا جٶندەۋ جۇمىستارى جٷرگٸزٸلمەي كەلگەنٸ بەلگٸلٸ. مامانداردىڭ ايۋتىنشا, 2015 جىلدان باستاپ قازاقستاندا قۋات كٶزٸن ٶندٸرەتٸن ستانسالارعا تاريف ٷش جىل بويى بٸر قالىپتا ساقتالدى. سالدارىنان جٶندەۋ جۇمىسىن ٸسكە اسىرۋعا قارجى تاپشىلىعى پايدا بولدى. ونىمەن قوسا 2018 جىلى ەلەكتر ەنەرگيياسىن ٶندٸرٸپ وتىرعان ستانسالارعا تاريفتٸ 25 پايىزعا بٸردەن تٶمەندەتۋدٸڭ سالدارى سالانىڭ دامۋىن تەجەپ تاستادى دەيدٸ ماماندار. 2022-2023 جىلدىڭ ٶزٸندە تاريف دەڭگەيٸ 2018-2019 جىلداردىڭ دەڭگەيٸنە سەيكەس بولعان. وسى شەشٸمدەر ستانسالاردىڭ جۇمىسىنا كەرٸ ەسەرٸن تيگٸزگەن.
"قازٸر “تاريفتٸ ينۆەستيتسيياعا ايىرباستاۋ” دەگەن جوبا جۇمىسىن باستادى. جوبا اياسىندا ەلەكتر جەنە جىلۋ ٶندٸرۋشٸلەرگە قوماقتى قارجى قاراستىرىلادى. ەكٸنشٸدەن, بىلتىر 25-شٸ جەلتوقساندا ەنەرگەتيكالىق ينفراقۇرىلىمدى دامىتۋدىڭ ۇلتتىق جوباسى بەكٸتٸلدٸ. بۇل تاريحتا بۇرىن سوڭدى بولماعان وقيعا. جوبا اياسىندا شامامەن 13 ترلن تەڭگەگە دەيٸن قاراجاتقا 5 جىل ٸشٸندە بٷكٸل قازاقستان بويىنشا جىلۋ جەلٸلەرٸن, جىلۋ قۇبىرلارىن جەنە ەلەكتر جەلٸلەر قالىپقا كەلتٸرۋ كٶزدەلٸپ وتىر. اتاپ ايتقاندا 1622 شاقىرىم جىلۋ جەلٸسٸ, سونىمەن قاتار ەنەرگەتيكالىق نىساندارعا جاڭا جىلۋ جٷيەلەرٸ قوسىلاتىن بولادى. بۇل رەتتە ايماقتارعا باسىمدىلىق بەرٸلەدٸ. ٶيتكەنٸ ٶڭٸرلەردە جەلٸلەر 65-70 پايىزعا توزىپ كەتكەن. جالپى وسى جوبا اياسىندا توزۋ دەڭگەيٸن كەم دەگەندە 20 پايىزعا دەيٸن ازايتۋدىڭ باعدارلاماسى بەكٸتٸلدٸ. اشىعىن ايتقاندا وسى جوبا نەگٸزٸندە تاريفتەر شامامەن 2 ەسەگە دەيٸن ٶسەدٸ دەگەن بولجام بار. سونىڭ نەگٸزٸندە قاراجات كٶزٸن ۇلعايتىپ, ماماندار جالاقىسىن كٶتەرۋ جەنە جٶندەۋ جۇمىستارىنىڭ كٶلەمٸن ارتتىرۋ مەسەلەسٸ تۇر", - دەيدٸ قازاقستاندىق ەلەكتر ەنەرگەتيكاسى قاۋىمداستىعىنىڭ تٶراعاسى تالعات تەمٸرحانوۆ.
قىمباتشىلىق قىسقان كەزەڭدە جىلۋ جەنە ەلەكتر ەنەگيياسىنىڭ تٶلەمٸ ۇلعاياتىن بولسا, تۇرمىسى تٶمەن, از قامتىلعان وتباسىلارى ٷشٸن وڭايعا تٷسپەسٸ انىق. تالعات تەمٸرحانوۆتىڭ ايتۋىنشا ۇلتتىق جوبا اياسىندا حالىقتىڭ از قامتىلعان بٶلٸگٸنە ارنالاعان ارنايى جٷيەنٸڭ ٸسكە قوسىلاتىندىعىن جەتكٸزدٸ.
"ۇلتتىق جوبا نەمەسە تاريفتٸ ينۆەستيياعا ايىرباستاۋ جوباسى اياسىندا از قامتىلعان ازاماتتاردىڭ شىعىندارىن ازايتۋ ماقساتىندا جەرگٸلٸكتٸ اتقارۋشى ورگان كوممۋنالدىق قىزمەتتەر ٷشٸن ازاماتتاردىڭ شىعىندارىنىڭ بٸر بٶلٸگٸن ٶتەۋ تەتٸگٸن ٸسكە اسىراتىن بولادى. ٶزگەرٸسكە سەيكەس ازاماتتار وتباسىلىق تابىسىنىڭ 10 پايىزدان اسپايتىن بٶلٸگٸن تۇرعىن ٷي قىزمەتتەرٸن تٶلەۋگە جۇمسايدى. بۇل ازاماتتاردىڭ توقسان سايىنعى الاتىن ٶتاماقى مٶلشەرٸن ۇلعايتۋعا مٷمكٸندٸك بەرەدٸ. اتاپ ايتقاندا تۇتىنۋشىلاردىڭ ەلەۋمەتتٸك جاعدايىنا بايلانىستى جەرگٸلٸكتٸ ەكٸمدٸكتەن تيٸستٸ كٶمەك سۇراۋعا مٷمكٸندٸك بولادى. وسى جىلدىڭ ورتاسىنان باستاپ بۇل جۇمىس رەتكە كەلتٸرٸلەدٸ", - دەدٸ تەمٸرحانوۆ.
تالعات تەمٸرحانوۆتىڭ ايتۋىنشا, ۇلتتىق جوبا تۇرعىن ٷي كوممۋنالدىق ينفراقۇرىلىمىن جاڭعىرتىپ قانا قويماي, جالپى مەملەكەتتٸڭ تۇراقتى دامۋىنا جول اشادى دەيدٸ.
