فوتو: قر وام
ەندٸ زاڭ بويىنشا مۇعالٸمدەر وقۋ پروتسەسٸ كەزٸندە عانا وقۋشىلار ٷشٸن جاۋاپ بەرەدٸ. ال ساباقتان تىس ۋاقىتتا وقىس جاعداي بولسا, بالالار ٷشٸن جاۋاپكەرشٸلٸك اتا-انالارعا نەمەسە قامقورشىلارعا جٷكتەلەدٸ, دەپ حابارلايدى Ult.kz Stan.kz اقپارات اگەنتتٸگٸنە سٸلتەمە جاساپ.
پەداگوگ مەرتەبەسٸ مەن بٸلٸم بەرۋ مەسەلەلەرٸ جٶنٸندەگٸ زاڭ جوباسىن تانىستىرۋ كەزٸندە دەپۋتات اسحات ايماعامبەتوۆ مۇعالٸمدەر مەن مەكتەپ ديرەكتورلارى وقۋ پروتسەسٸنەن تىس ۋاقىتتا بالالار ٷشٸن جاۋاپ بەرمەۋگە تيٸس ەكەنٸن ايتتى. ول بىلتىر ەلدە بٸرنەشە رەزونانستى جاعدايدى ەسكە سالدى.
“جاز مەزگٸلٸندە, كەشكٸ ۋاقىتتا نەمەسە دەمالىس كٷندەرٸ وقۋشىلار قۇقىقبۇزۋشىلىق جاساپ نەمەسە تٷرلٸ جاعىمسىز جاعدايلارعا تاپ بولدى. ول كەزدە مۇعالٸمدەر جانىندا بولعان جوق, ولار دەمالىستا نەمەسە ٷيٸندە بولعان. بۇل كانيكۋل ۋاقىتى, كەشكٸ نەمەسە جۇمىس ۋاقىتى ەمەس. سوعان قاراماستان, مەكتەپ ديرەكتورلارى مەن مۇعالٸمدەر جازالانىپ, جۇمىستان شىعارىلادى. بۇل – ەدٸلەتسٸزدٸك. ەندٸ بٸز زاڭعا ناقتى نورما ەنگٸزٸپ جاتىرمىز: پەداگوگ بالالاردىڭ ٶمٸرٸ مەن دەنساۋلىعىنا وقۋ-تەربيە پروتسەسٸ كەزٸندە جەنە ٶز قىزمەتتٸك مٸندەتتەرٸ اياسىندا عانا جاۋاپ بەرەدٸ. جازعى كانيكۋل – اتا-انانىڭ جاۋاپكەرشٸلٸگٸ. تٷنگٸ ۋاقىت, دەمالىس كٷندەرٸ – اتا-انانىڭ جاۋاپكەرشٸلٸگٸ", — دەدٸ ول.
دەپۋتاتتار پەداگوگتەردٸ قورعاۋ قاجەت ەكەنٸن باسا ايتتى. سونداي-اق بۇل مەسەلەدە زاڭدا ەكٸۇشتى تٷسٸندٸرمەلەر بولماۋعا تيٸس ەكەنٸن اتاپ ٶتتٸ.
وسىعان ۇقساس پٸكٸردٸ يرينا سميرنوۆا دا بٸلدٸردٸ. ونىڭ ايتۋىنشا, مۇعالٸم ٶزٸ وبەكتيۆتٸ تٷردە باقىلاۋ جاساي المايتىن جاعدايلار ٷشٸن جاۋاپ بەرمەۋٸ كەرەك.
"وقۋشى ٷشٸن پەداگوگتٸڭ جاۋاپكەرشٸلٸگٸ تەك وقۋ ۋاقىتىندا بولۋى – ٶتە ماڭىزدى نورما. ساباقتان تىس ۋاقىتتا بالا ٷشٸن جاۋاپكەرشٸلٸكتٸ تەك اتا-انالار كٶتەرۋگە تيٸس. پەداگوگتٸڭ نەگٸزگٸ ميسسيياسى – ٶز پەنٸن وقىتۋ, بٸلٸم الۋ جولدارىن ٷيرەتۋ جەنە زامانعا ساي بٸلٸمدٸ بولۋ", – دەدٸ ول.
