Foto: QR OAM
Endi zań boiynsha muǵalimder oqý protsesi kezinde ǵana oqýshylar úshin jaýap beredi. Al sabaqtan tys ýaqytta oqys jaǵdai bolsa, balalar úshin jaýapkershilik ata-analarǵa nemese qamqorshylarǵa júkteledi, dep habarlaidy Ult.kz Stan.kz aqparat agenttigine silteme jasap.
Pedagog mártebesi men bilim berý máseleleri jónindegi zań jobasyn tanystyrý kezinde depýtat Ashat Aimaǵambetov muǵalimder men mektep direktorlary oqý protsesinen tys ýaqytta balalar úshin jaýap bermeýge tiis ekenin aitty. Ol byltyr elde birneshe rezonansty jaǵdaidy eske saldy.
“Jaz mezgilinde, keshki ýaqytta nemese demalys kúnderi oqýshylar quqyqbuzýshylyq jasap nemese túrli jaǵymsyz jaǵdailarǵa tap boldy. Ol kezde muǵalimder janynda bolǵan joq, olar demalysta nemese úiinde bolǵan. Bul kanikýl ýaqyty, keshki nemese jumys ýaqyty emes. Soǵan qaramastan, mektep direktorlary men muǵalimder jazalanyp, jumystan shyǵarylady. Bul – ádiletsizdik. Endi biz zańǵa naqty norma engizip jatyrmyz: pedagog balalardyń ómiri men densaýlyǵyna oqý-tárbie protsesi kezinde jáne óz qyzmettik mindetteri aiasynda ǵana jaýap beredi. Jazǵy kanikýl – ata-ananyń jaýapkershiligi. Túngi ýaqyt, demalys kúnderi – ata-ananyń jaýapkershiligi", — dedi ol.
Depýtattar pedagogterdi qorǵaý qajet ekenin basa aitty. Sondai-aq bul máselede zańda ekiushty túsindirmeler bolmaýǵa tiis ekenin atap ótti.
Osyǵan uqsas pikirdi Irina Smirnova da bildirdi. Onyń aitýynsha, muǵalim ózi obektivti túrde baqylaý jasai almaityn jaǵdailar úshin jaýap bermeýi kerek.
"Oqýshy úshin pedagogtiń jaýapkershiligi tek oqý ýaqytynda bolýy – óte mańyzdy norma. Sabaqtan tys ýaqytta bala úshin jaýapkershilikti tek ata-analar kóterýge tiis. Pedagogtiń negizgi missiiasy – óz pánin oqytý, bilim alý joldaryn úiretý jáne zamanǵa sai bilimdi bolý", – dedi ol.
