جەكە جەنە زاڭدى تۇلعالارعا قازاقستاننىڭ مەملەكەتتٸك تۋىن تۇرعىن جەنە تۇرعىن ەمەس عيماراتتارعا, ونىڭ ٸشٸندە بالكوندارعا ورنالاستىرۋعا رۇقسات بەرٸلدٸ. بۇل تۋرالى ٷكٸمەتتٸڭ جاڭا قاۋلىسىندا كٶرسەتٸلگەن, دەپ حابارلايدى ult.kz.
قۇجاتقا سەيكەس, مەملەكەتتٸك تۋ عيماراتتارعا 45 گرادۋس بۇرىشپەن, سونداي-اق سالتاناتتى ٸس-شارالار ٶتەتٸن ورىنداردا ورنالاستىرىلۋى مٷمكٸن.
جەكە تۇرعىن ٷيلەردە تۋدى كەمٸندە ٷش مەتر بيٸكتٸكتە ٸلۋگە بولادى. مۇنداي جاعدايدا تٷنگٸ ۋاقىتتا ونى جارىقتاندىرۋ مٸندەتتٸ ەمەس. ەگەر عيماراتتىڭ سەۋلەتتٸك نەمەسە تەحنيكالىق ەرەكشەلٸكتەرٸ مٷمكٸندٸك بەرمەسە, تۋدى ٸرگەلەس اۋماقتاعى ارنايى تۋ تۇعىرىنا ورناتۋعا رۇقسات ەتٸلەدٸ.
سونىمەن قاتار, مەملەكەتتٸك تۋ جەرگە, ەدەنگە, سۋعا نەمەسە باسقا بەتتەرگە تيمەۋٸ تيٸس. تۋ تٸگٸنەن ٸلٸنگەن جاعدايدا ۇلتتىق ويۋ-ٶرنەك ماتانىڭ جوعارعى بٶلٸگٸندە ورنالاسۋى قاجەت.
قاۋلىدا جەكە جەنە زاڭدى تۇلعالاردىڭ مەدەني, سپورتتىق, قوعامدىق جەنە ٶزگە دە ٸس-شارالاردا مەملەكەتتٸك تۋدى كوممەرتسييالىق ماقساتتا پايدالانۋعا بولمايتىنى اتاپ كٶرسەتٸلگەن. سونداي-اق تۋ بٷلٸنبەگەن, تازا, مىجىلماعان ەرٸ ٶڭٸ وڭباعان كٷيدە بولۋى تيٸس.
بۇدان بٶلەك, مەملەكەتتٸك تۋدى زاڭ تالاپتارىن ساقتاي وتىرىپ, جەكە جەنە زاڭدى تۇلعالارعا تيەسٸلٸ كٶلٸك سالونىندا ورنالاستىرۋعا رۇقسات ەتٸلگەن.
ال مەملەكەتتٸك تۋدى جارنامالىق ماقساتتا, سونداي-اق كيٸم, تٶسەك-ورىن جابدىقتارى, پەردە, داستارحان, كٸلەمشە جەنە باسقا دا تۇرمىستىق بۇيىم رەتٸندە پايدالانۋعا تىيىم سالىنادى.
قاۋلىعا سەيكەس, مەملەكەتتٸك رەمٸزدەرگە ارنالعان ستەندتەر ورنالاساتىن ورىندار ەستەتيكالىق تالاپتارعا ساي بەزەندٸرٸلٸپ, شارۋاشىلىق بٶلمەلەرٸنەن, دەلٸزدەر مەن گاردەروبتاردان الىس جەردە ورنالاسۋى قاجەت.
