وبلىس ەكٸمٸ بەرٸك ۋەلي «ەڭبەك جولى» كونكۋرسىنىڭ ٶڭٸرلٸك كەزەڭٸنٸڭ جەڭٸمپازدارىن ماراپاتتادى. سالتاناتتى شاراعا بايقاۋعا قاتىسۋشىلار, ەڭبەك ەۋلەتتەرٸنٸڭ ٶكٸلدەرٸ, تٷرلٸ سالا ماماندارى مەن جاس قىزمەتكەرلەر قاتىستى.
بيىل اباي وبلىسى بويىنشا كونكۋرسقا ٶتٸنٸم قابىلداۋ 21 سەۋٸر مەن 1 تامىز ارالىعىندا جٷرگٸزٸلدٸ. وسى كەزەڭدە وبلىستىڭ تٷرلٸ سالالارىندا ەڭبەك ەتەتٸن ازاماتتاردان 24 ٶتٸنٸم تٷستٸ. بايقاۋ «ٷزدٸك ەڭبەك ەۋلەتٸ», «جۇمىس ٸستەيتٸن جاستاردىڭ ٷزدٸك تەلٸمگەرٸ» جەنە «ٶندٸرٸستٸڭ ٷزدٸك جاس مامانى» نوميناتسييالارى بويىنشا ۇيىمداستىرىلدى. كونكۋرستىق كوميسسييا شەشٸمٸمەن ٷش نوميناتسييا بويىنشا ٶڭٸرلٸك جەڭٸمپازدار انىقتالدى.
ايماق باسشىسى ەڭبەك ادامىنا قۇرمەت كٶرسەتۋ, كەسٸبي شەبەرلٸك پەن ۇرپاقتار ساباقتاستىعىن دەرٸپتەۋدە بايقاۋدىڭ ماڭىزى زور ەكەنٸن اتاپ ٶتتٸ.
«مەملەكەت باسشىسى قاسىم-جومارت كەمەلۇلى توقاەۆ ەڭبەك كۋلتٸن ٸلگەرٸلەتۋ, قاراپايىم ەڭبەك ادامدارىنا قۇرمەت بٸلدٸرۋ, ادال ەڭبەكتٸڭ قادٸرٸن ارتتىرۋ باستى مٸندەت ەكەنٸن ەرەكشە اتاپ ٶتكەنٸ بارشاڭىزعا بەلگٸلٸ. وسى ورايدا, ەڭبەك ادامىنىڭ قوعامداعى مەرتەبەسٸن ارتتىرۋعا جەنە ەڭبەك ٶنٸمدٸلٸگٸن ىنتالاندىرۋعا باعىتتالعان «ەڭبەك جولى» كونكۋرسىنىڭ ماڭىزى ەرەكشە. بٷگٸن ەڭبەگٸمەن ەلگە ٷلگٸ بولىپ جٷرگەن ازاماتتاردى قۇرمەتتەپ, ولاردى سالتاناتتى تٷردە ماراپاتتاۋ ٷشٸن جينالىپ وتىرمىز. ەر سالادا ماماندىققا ادالدىقتىڭ شىنايى ٷلگٸسٸن كٶرسەتٸپ قانا قويماي, كەسٸبي بٸلٸكتٸلٸگٸمەن كٶزگە تٷسٸپ, ٶز ٸسٸنٸڭ قىر-سىرىن جەتٸك مەڭگەرگەن ەرەن ەڭبەكتەرٸڭٸز بار قۇرمەتكە لايىق. مۇنىڭ بارلىعى – اباي وبلىسىنىڭ دامۋىنا قوسىلعان ناقتى ٷلەس دەپ بٸلەمٸز», – دەدٸ بەرٸك ۋەلي.
اياگٶز قالاسىندا تۇراتىن بايعوزوۆتار ەۋلەتٸ «ٷزدٸك ەڭبەك ەۋلەتٸ» نوميناتسيياسىنىڭ ٶڭٸرلٸك جەڭٸمپازى بولىپ تانىلدى. ەۋلەت مٷشەلەرٸنٸڭ تەمٸرجول سالاسىنداعى جالپى ەڭبەك ٶتٸلٸ 262 جىلدان اسادى. قاجيياحمەت بايعوزوۆ – ٷلكەن وتباسىنىڭ قۇرمەتتٸ اقساقالى. ونىڭ ٷلگٸسٸمەن وتباسىنىڭ بٸرنەشە ۇرپاعى ٶمٸرٸن تەمٸرجول سالاسىمەن بايلانىستىرعان.
«مەنٸڭ زەينەتكە شىققانىما 35 جىل بولدى. ەكەم تەمٸرجولشى ەدٸ. ەكە جولىن جالعاپ, مەن دە ٶمٸر بويى تەمٸرجول سالاسىندا ەڭبەك ەتتٸم. التى بالامنىڭ بەسەۋٸ مەنٸڭ جولىمدى قۋىپ, وسى سالانى تاڭدادى. جاستارعا ايتارىم – قانداي ماماندىقتى تاڭداساڭدار دا, ەڭبەكتەرٸڭ ادال بولسىن. ادال ەڭبەك قاشاندا ابىرويعا جەتكٸزەدٸ», – دەدٸ قاجيياحمەت بايعوزوۆ.
«جۇمىس ٸستەيتٸن جاستاردىڭ ٷزدٸك تەلٸمگەرٸ» نوميناتسيياسىندا كۋرچاتوۆ قالاسىنان الميرا ايدارحانوۆا جەڭٸمپاز اتاندى. ول «قر ۇلتتىق يادرولىق ورتالىعى» رمك «رادياتسييالىق قاۋٸپسٸزدٸك جەنە ەكولوگييا ينستيتۋتى» فيليالىنىڭ مونيتورينگ جەنە ەكولوگييالىق-تالدامالىق زەرتتەۋلەر بٶلٸمٸن باسقارادى. 200-گە جۋىق عىلىمي جۇمىس پەن جارييالانىمنىڭ اۆتورى جەنە بٸرلەسكەن اۆتورى. ونىڭ جەتەكشٸلٸگٸمەن 7 ماگيسترانت ماگيسترلٸك ديسسەرتاتسييا قورعاپ, 80-گە جۋىق عىلىمي ەڭبەك جارييالاعان.
«ٶندٸرٸستٸڭ ٷزدٸك جاس مامانى» نوميناتسيياسىنىڭ جەڭٸمپازى – سەمەي قالاسىنان ايبول تىنىشتىقوۆ. ول ەڭبەك جولىن «سەمەي اۆتوقۇراستىرۋ زاۋىتىندا» تراكتور قۇراستىرۋ جەلٸسٸنٸڭ سلەسار-جيناۋشىسى بولىپ باستاعان. ٶندٸرٸستە جيناقتاعان تەجٸريبەسٸ مەن كەسٸبي بٸلٸكتٸلٸگٸنٸڭ نەتيجەسٸندە 2025 جىلدىڭ اقپان ايىندا تەحنيكالىق بٶلٸمگە ينجەنەر-تەحنولوگ قىزمەتٸنە اۋىستىرىلدى.
شارا بارىسىندا بايقاۋعا بەلسەندٸ قاتىسقان ەڭبەك ەۋلەتتەرٸنە, تەلٸمگەرلەر مەن جاس ماماندارعا قۇرمەت كٶرسەتٸلدٸ. ٶڭٸرلٸك كەزەڭدە جەڭٸمپاز اتانعان ٷش قاتىسۋشى رەسپۋبليكالىق دەڭگەيدەگٸ ٸرٸكتەۋ كەزەڭٸنە قاتىسادى.
ٶڭٸردە حالىقتى تۇراقتى جۇمىسپەن قامتۋ جەنە ازاماتتاردىڭ كەسٸپكەرلٸك باستامالارىن قولداۋ باعىتىنداعى جۇمىستار جالعاسۋدا. بيىل ٶڭٸرلٸك جۇمىسپەن قامتۋ كارتاسى اياسىندا 13 324 ادامدى جۇمىسپەن قامتۋ جوسپارلانعان. جىل باسىنان بەرٸ 14 مىڭعا جۋىق ازامات جۇمىسقا ورنالاستىرىلدى. ەلەۋمەتتٸك وسال ساناتتاعى 97 ازاماتقا جاڭا بيزنەس-يدەيالارىن جٷزەگە اسىرۋ ٷشٸن 1 ملن 730 مىڭ تەڭگەدەن قايتارىمسىز گرانت بەرٸلدٸ. ەڭبەك نارىعىنداعى سۇرانىسقا سەيكەس 234 ازامات كەسٸپتٸك وقۋعا جولدانىپ, ونىڭ 145-ٸ وقۋىن اياقتاپ, جۇمىسقا ورنالاستى.
