فوتو: اقوردا
قاسىم-جومارت توقاەۆ ەڭبەك جەنە حالىقتى ەلەۋمەتتٸك قورعاۋ مينيسترٸ سۆەتلانا جاقىپوۆانى قابىلدادى, دەپ حابارلايدى Ult.kz.
مەملەكەت باسشىسىنا ەلەۋمەتتٸك دامۋ, ەڭبەك قاتىناستارى سالالارىنىڭ قازٸرگٸ جاي-كٷيٸ مەن الداعى جوسپارى جٶنٸندە باياندالدى.
سۆەتلانا جاقىپوۆا بيىلعى 1 مامىرعا دەيٸن 157,8 مىڭ ادامدى ەڭبەكپەن قامتۋ شارالارى جٷرگٸزٸلگەنٸن جەتكٸزدٸ. ولاردىڭ ٸشٸندە 143,2 مىڭ ازامات جۇمىسقا ورنالاستىرىلعان. جىل باسىنان بەرٸ 232 مىڭنان استام ادامعا اتاۋلى ەلەۋمەتتٸك كٶمەك كٶرسەتٸلگەن.
پرەزيدەنتكە ەڭبەك قاۋٸپسٸزدٸگٸن قامتاماسىز ەتۋ جەنە ەڭبەك قۇقىعىن قورعاۋ بويىنشا قابىلدانعان شارالار تۋرالى اقپارات بەرٸلدٸ. جٷيەلٸ جۇمىستىڭ نەتيجەسٸندە ٶندٸرٸستٸك جاراقات الۋ كٶرسەتكٸشٸ بيىلعى ٸ توقساندا 17 پايىزعا تٶمەندەدٸ, ال ٶلٸمگە ەكەپ سوعاتىن قايعىلى وقيعالار ٶتكەن جىلدىڭ وسى كەزەڭٸمەن سالىستىرعاندا 5 پايىزعا ازايدى. بۇدان بٶلەك, كەسٸپتٸك تەۋەكەلدەردٸ انىقتاۋ, باعالاۋ جەنە الدىن الۋ, سونداي-اق ەڭبەك قاتىناستارىن دەكلاراتسييالاۋ تەتٸكتەرٸنٸڭ اۆتوماتتاندىرىلعان جٷيەسٸ ەنگٸزٸلٸپ جاتىر.
سۆەتلانا جاقىپوۆا جوبالاردىڭ يننوۆاتسييالىق ناۆيگاتورىن ەنگٸزۋ جٶنٸندە ايتتى. بۇل مەملەكەتتٸك ينۆەستيتسييانىڭ تيٸمدٸلٸگٸن ارتتىرۋ جەنە جۇمىس ورىندارىن ساپالى تٷردە جوسپارلاۋ ٷشٸن ەزٸرلەندٸ.
قاسىم-جومارت توقاەۆقا ەلەۋمەتتٸك قولداۋ كٶرسەتۋ ٷدەرٸسٸن تسيفرلاندىرۋ جۇمىستارى تانىستىرىلدى. اتاپ ايتقاندا, مينيستر ەلەۋمەتتٸك-ەكونوميكالىق ورنىقتىلىق پەن وسال وتباسىنى باعالاۋعا ارنالعان سكورينگتٸ مودەلدٸ قولدانۋ تۇجىرىمداماسىن ۇسىندى. بۇل جوبانى ەنگٸزۋ قاراجاتتى شىن مۇقتاج جانداردىڭ پايداسىنا قايتا بٶلۋگە جەنە قولداۋ شارالارىنىڭ ناقتى يەسٸنە جەتۋٸنە مٷمكٸندٸك بەرەدٸ.
كەزدەسۋ سوڭىندا مەملەكەت باسشىسى ەلەۋمەتتٸك ساياساتتى ودان ەرٸ جەتٸلدٸرۋگە, اتاۋلى كٶمەكتٸڭ تيٸمدٸلٸگٸن ارتتىرۋعا, جۇمىسپەن قامتۋ شارالارىن كەڭەيتۋگە, ەڭبەك جەنە ەلەۋمەتتٸك سالالاردى تسيفرلاندىرۋعا باعىتتالعان بٸرقاتار تاپسىرما بەردٸ.
